________________
सरलक्खणा]
सुत्तागमे उपसमियखओवसमियपारिणामियनिष्फण्णे ३ अस्थि णामे उदइयखइयखओवसमियपारिणामियनिप्फण्णे ४ अत्थि णामे उवसमियखइयखओवसमियपारिणामियनिप्फण्णे ५ । कयरे से णामे उदइयउवसमियखइयखओवसमनिप्फण्णे ? उदइए त्ति मणुस्से, उवसंता कसाया, खइयं सम्मत्तं, खओवसमियाइं इंदियाई, एस णं से णामे उदइयउवसमियखइयखओवसमनिप्फण्णे। कयरे से णामे उदइयउवसमियखइयपारिणामियनिप्फण्णे ? उदइए त्ति मणुस्से, उवसंता कसाया, खइयं सम्मत्तं, पारिणामिए जीवे, एस णं से णामे उदइयउवसमियखइयपारिणामियनिष्फण्णे । कयरे से णामे उदइयउवसमियखओवसमियपारिणामियनिप्फण्णे ? उदइए त्ति मणुस्से, उवसंता कसाया, खओवसमियाइं इंदियाई, पारिणामिए जीवे, एस णं से णामे उदइयउवसमियखओवसमियपारिणामियनिष्फण्णे । कयरे से णामे उदइयखइयखओवसमियपारिणामियनिष्फण्णे ? उदइए त्ति मणुस्से, खइयं सम्मत्तं, खओवसमियाइं इंदियाई, पारिणामिए जीवे, एस णं से णामे उदइयखइयखओवसमियपारिणामियनिष्फण्णे । कयरे से णामे उपसमियखइयखओवसमियपारिणामियनिष्फण्णे ? उवसंता कसाया, खइयं सम्मतं, खओवसमियाई इंदियाई, पारिणामिए जीवे, एस णं से णामे उवसमियखइयखओवसमियपारिणामियनिष्फण्णे । तत्थ णं जे से एक्के पंचगसंजोए से णं इमेअस्थि णामे उदइयउवसमियखइयखओवसमियपारिशामियाणिप्फण्णे । कयरे से गामे उदइयउबसमियखझ्यखओवस मियपारिणामियणिप्फण्णे ? उदइए त्ति मणुस्से, उवसंता कसाया, खइयं सम्मत्तं, खओवसमियाइं इंदियाई, पारिणामिए जीचे, एस णं से णामे उदइयउवसमियखझ्यसओबसमियपारिणामियणिप्फण्णे । सेत्तं सन्निवाइए। सेत्तं छण्णामे ॥ १२७ ॥ से किं तं सत्तणामे ? सत्तणामे सत्तसरा पण्णत्ता । तंजहागाहा-सजे रिसहे गंधारे, मज्झिमे पंचमे सरे । धे(रे)वए चेव नेसाए, सरा सत्त वियाहिया ॥ १ ॥ एएसि णं सत्तण्डं सराणं सत्त सरढाणा पणत्ता । तंजहागाहाओ-गजं च अग्गजीहाए, उरेण रिसहं सरं । कंटग्गएण गंधारं, मज्सजीहाएँ मज्झिमं ॥ १ ॥ नासाए पंचमं बूया, दंतोटेण य धेवयं । भमुहक्वेवण सायं, सरहाणा वियाहिया ॥२॥ सत्तसरा जीवणि स्मिया पण्णता । तंजहा-गाहा-सज्ज रवइ मऊरो, कुयुडो रिसभं सरं । हंसो रवद गंधारे, मज्झिमं च गवेलगा ॥ १ ॥ अह कुमुमसंभवे काले, कोइला पंचमं सरं । छठं च सारसा कुंचा, नेसायं सत्तम गओ ॥ २ ॥ सत्तसरा अजीवणिस्सिया पण्णता । तंजहा-सजं रवइ मुयंगो, गोमुही रिसहं सरे । मंखो रवद गंधार, मज्झिमं पुण झल्लरी ॥ १॥ चउचरणपइट्ठाणा, गोहिया पंचमं सरं । आडंबरो रेवइयं, महाभेरी य सत्तमं ॥ २ ॥ एएसि णं सत्तण्हं
