________________
सिद्धसरूवं]
सुत्तागमे कायजोगं जुजइ कम्मासरीरकायजोगपि जुजइ पढमट्ठमेसु समएमु ओरालियसरीरकायजोगं जुजइ बिइयइछसत्तमेसु समएसु ओरालियमिस्ससरीरकायजोगं जुजइ तइयचउत्थपंचमेहिं कम्मासरीरकायजोगं जुजइ । से णं भंते ! तहा समुग्घायगए सिज्झइ वुज्झइ मुच्चइ परिनिव्वाइ सव्वदुक्खाणमंतं करेइ ? णो इणठे समढे, से णं तओ पडिनियत्तइ तओ पडिनियत्तित्ता इहमागच्छइ २ त्ता तओ पच्छा मणजोगपि जुंजइ वयजोगंपि जुजइ कायजोगंपि जुंजइ, मणजोगं झुंजमाणे किं सच्चमणजोगं झुंजइ मोसमणजोगं जुंजइ सच्चामोसमणजोगं झुंजइ असच्चामोसमणजोगं जुंजइ ? गोयमा ! सच्चमणजोगं जुजइ णो मोसमणजोगं जुजइ णो सच्चामोसमणजोगं झुंजइ असच्चामोसमणजोगंपि जुंजइ, वयजोगं जुजमाणे किं सच्चवइजोगं जुजइ मोसवइजोगं जुजइ [किं] सच्चामोसवइजोगं जुजइ असच्चामोसवइजोगं जुंजइ ? गोयमा ! सच्चवइजोगं जुजइ णो मोसवइजोगं झुंजइ णो सच्चामोसवइजोगं जुंजइ असच्चामोसवइजोगंपि जुंजइ, कायजोगं जुजमाणे आगच्छेज्ज वा चिटेज वा णिसीएज वा तुयटेज वा उल्लंघेज वा पल्लंघेज वा उक्खेवणं वा अवक्खेवणं वा तिरियक्खेवणं वा करेजा पाडिहारियं वा पीढफलगसेज्जासंथारगं पच्चप्पिणेजा ॥४१॥ से णं भंते ! तहा सजोगी सिज्झइ जाव अंतं करेइ ? णो इणढे समढे, सेणं पुवामेव सण्णिस्स पंचिंदियस्स पजत्तगस्स जहण्णजोगस्स हेट्ठा असंखेजगुणपरिहीणं पढमं मणजोगं निरंभइ, तयाणंतरं च णं बिंदियस्स पज्जत्तगस्स जहण्णजोगस्स हेट्ठा असंखेज्जगुणपरिहीणं बिइयं वइजोगं निरंभइ, तयाणंतरं च णं सुहुमस्स पणगजीवस्स अपज्जत्तगस्स जहण्णजोगस्स हेट्टा असंखेनगुणपरिहीणं तइयं कायजोगं णिरंभइ, से णं एएणं उवाएणं पढमं मणजोगं णिरुभइ २ त्ता वयजोगं णिरुंभइ २ त्ता कायजोगं णिरुंभइ २ ता जोगनिरोहं करेइ २ त्ता अजोगत्तं पाउणइ २ त्ता ईसिंहस्सपंचक्खरउच्चारणद्धाए असंखेजसमइयं अंतोमुहुत्तियं सेलेसिं पडिवज्जइ, पुव्वरइयगुणसेढीयं च णं कम्मं तीसे सेलेसिमद्धाए असंखेजाहिं गुणसेढीहिं अणंते कम्मंसे खवेइ वेयणिज्जाउयणामगोए, इच्चेए चत्तारि कम्मंसे जुगवं खवेइ २ त्ता ओरालियतेयाकम्माई सव्वाहिं विप्पजहणाहिं विप्पजहइ २ त्ता उज्जूसेढीपडिवन्ने अफुसमाणगई उर्दू एकसमएणं अविग्गहेणं गंता सागारोवउत्ते सिज्झइ । ते णं तत्थ सिद्धा हवंति सादीया अपजवसिया असरीरा जीवघणा दंसणनाणोवउत्ता निट्ठियहा निरयणा नीरया णिम्मला वितिमिरा विसुद्धा सासयमणागयद्धं कालं चिट्ठति । से केणटेणं भंते ! एवं बुच्चइ-ते णं तत्थ सिद्धा भवंति सादीया अपज्जवसिया जाव चिट्ठति ? गोयमा ! से जहाणामए बीयाणं अग्गिदड्डाणं पुणरवि अंकुरुप्पत्ती ण भवइ, एवामेव
