________________
१०२६
सुत्तागमे
[उत्तरज्झयणसुत्तं अवलियं, अणाणुबंधिममोसलिं चेव । छप्पुरिमा नव खोडा, पाणीपाणिविसोहणं ॥ २५ ॥ आरभडा सम्मद्दा, वजेयव्वा य मोसली तइया। पप्फोडणा चउत्थी, विक्खित्ता वेइया छट्ठी ॥ २६ ॥ पसिढिलपलंबलोला, एगामोसा अणेगरूवधुणा । कुणइ पमाणपमायं, संकिय गणणोवगं कुजा ॥ २७ ॥ अणूणाइरित्तपडिलेहा, अविवच्चासा तहेव य । पढमं पयं पसत्थं, सेसाणि उ अप्पसत्थाई ॥ २८ ॥ पडिलेहणं कुणतो, मिहो कहं कुणइ जणवयकहं वा । देइ व पञ्चक्खाणं, वाएइ सयं पडिच्छइ वा ॥ २९ ॥ पुढवीआउक्काए, तेऊवाऊवणस्सइतसाणं । पडिलेहणापमत्तो, छण्हं पि विराहओ होइ ॥ ३० ॥ पुढवीआउक्काए, तेऊवाऊवणस्सइतसाणं । पडिलेहणाआउत्तो, छण्हं संरक्खओ होइ ॥ ३१ ॥ तइयाए पोरिसीए, भत्तं पाणं गवेसए । छण्हं अन्नयरागंमि, कारणमि समुट्ठिए ॥ ३२ ॥ वेयण वेयावच्चे, इरियट्ठाए य संजमट्ठाए । तह पाणवत्तियाए, छटुं पुण धम्मचिंताए ॥ ३३ ॥ निग्गंथो धिइमंतो, निग्गंथी वि न करेज छहिं चेव । ठाणेहिं उ इमेहिं, अणइक्कमणाइ से होइ ॥ ३४ ॥ आयंके उवसग्गे, तितिक्खया बंभचेरगुत्तीसु । पाणिदया तवहेलं, सरीरवोच्छेयणट्ठाए ॥ ३५ ॥ अवसेसं भंडगं गिज्झ, चक्खुसा पडिलेहए। परमद्धजोयणाओ, विहारं विहरए मुणी ॥ ३६ ॥ चउत्थीए पोरिसीए, निक्खिवित्ताण भायणं । सज्झायं तओ कुज्जा, सव्वभावविभावणं ॥ ३७ ॥ पोरिसीए चउब्भाए, वंदित्ताण तओ गुरुं । पडिक्कमित्ता कालस्स, सेजं तु पडिलेहए ॥ ३८ ॥ पासवणुचारभूमिं च, पडिलेहिज जयं जई । काउस्सग्गं तओ कुज्जा, सव्वदुक्खविमोक्खणं ॥ ३९ ॥ देवसियं च अइयारं, चिंतिज्जा अणुपुव्वसो । नाणे य दंसणे चेव, चरित्तमि तहेव य ॥ ४० ॥ पारियकाउस्सग्गो, वंदित्ताण तओ गुरुं । देवसियं तु अइयारं, आलोएज जहक्कमं ॥ ४१ ॥ पडिक्कमित्तु निस्सल्लो, वंदित्ताण तओ गुरुं । काउस्सग्गं तओ कुजा, सव्वदुक्खविमोक्खणं ॥ ४२ ॥ पारियकाउस्सग्गो, वंदित्ताण तओ गुरुं । थुइमंगलं च काऊण, कालं संपडिलेहए ॥४३॥ पढमं पोरिसि सज्झायं, बिइयं झाणं झियाथई । तइयाए निद्दमोक्खं तु, सज्झायं तु चउत्थिए ॥ ४४ ॥ पोरिसीए चउत्थीए, कालं तु पडिलेहिया । सज्झायं तु तओ कुजा, अबोहंतो असंजए ॥ ४५ ॥ पोरिसीए चउब्भाए, वंदिऊण तओ गुरुं । पडिक्कमित्तु कालस्स, कालं तु पडिलेहए ॥ ४६ ॥ आगए कायवोस्सग्गे, सव्वदुक्खविमोक्खणे । काउस्सग्गं तओ कुजा, सव्वदुक्खविमोक्खणं ॥ ४७ ॥ राइयं च अईयारं, चिंतिज्ज अणुपुव्वसो । नाणंमि दंसणंमि य, चरित्तमि तवंमि य ॥ ४८ ॥ पारियकाउस्सग्गो, वंदित्ताण तओ गुरुं । राइयं तु अईयारं, आलोएज जहक्कम ॥ ४९ ॥ पडिक्कमित्तु
