________________
अ० २६ वत्थपडिलेहणाविही] सुत्तागमे
१०२५ संसारसागरं ॥ १ ॥ पढमा आवस्सिया नाम, बिइया य निसीहिया । आपुच्छणा य तइया, चउत्थी पडिपुच्छणा ॥ २ ॥ पंचमी छंदणा नाम, इच्छाकारो य छट्टओ। सत्तमो मिच्छाकारो य, तहकारो य अट्ठमो ॥ ३ ॥ अब्भुट्टाणं च नवमं, दसमी उवसंपया । एसा दसंगा साहूणं, सामायारी पवेइया ॥ ४ ॥ गमणे आवस्सियं कुज्जा, ठाणे कुज्जा निसीहियं । आपुच्छणं सयंकरणे, परकरणे पडिपुच्छणं ॥ ५॥ छंदणा दव्वजाएणं, इच्छाकारो य सारणे । मिच्छाकारो य निदाए, तहकारो पडिस्सुए ॥ ६ ॥ अब्भुट्ठाणं गुरुपूया, अच्छणे उवसंपया। एवं दुपंचसंजुत्ता, सामायारी पवेइया ॥ ७ ॥ पुव्विल्लंमि चउन्माए, आइचंमि समुट्ठिए । भंडयं पडिलेहित्ता, वंदित्ता य तओ गुरुं ॥ ८ ॥ पुच्छिन्ज पंजलीउडो, किं कायव्वं मए इह । इच्छं निओइउं भंते !, वेयावच्चे व सज्झाए ॥ ९॥ वेयावच्चे निउत्तेण, कायव्वं अगिलायओ । सज्झाए वा निउत्तेण, सव्वदुक्ख विमोक्खणे ॥ १०॥ दिवसस्स चउरो भागे, भिक्खू कुजा वियक्खणो । तओ उत्तरगुणे कुजा, दिणभागेसु चउसु वि ॥ ११ ॥ पढमं पोरिसि सज्झायं, बीयं झाणं झियायई । तइयाए भिक्खायरियं, पुणो चउत्थीइ सज्झायं ॥ १२ ॥ असाढे मासे दुपया, पोसे मासे चउप्पया । चित्तासोएमु मासेसु, तिप्पया हवइ पोरिसी ॥ १३ ॥ अंगुलं सत्तरत्तेणं, पक्खेणं च दुअंगुलं । वहुए हायए वावि, मासेणं चउरंगुलं ॥ १४ ॥ आसाढबहुलपक्खे, भद्दवए कत्तिए य पोसे य । फरगुणवइसाहेसु य, बोद्धव्या ओमरत्ताओ ॥ १५ ॥ जेट्टामूले आसाढसावणे, छहिं अंगुलेहिं पडिलेहा । अट्ठहिं बीयतयंमि, तइए दस अट्ठहिं चउत्थे ॥ १६ ॥ रत्तिं पि चउरो भागे, भिक्खू कुजा वियक्खणो । तओ उत्तरगुणे कुजा, राइभाएमु चउसु वि ॥ १७ ॥ पढमं पोरिसि सज्झायं, यीयं झाणं झियायई । तइयाए निमोक्खं तु, चउत्थी भुजो वि सज्झायं ।। १८॥ जं नेइ जया रत्तिं, नक्वत्तं तंमि नहचउन्माए । संपत्ते विरमेजा, सज्झायं पओसकालंमि ॥ १९ ॥ तम्मेव य नक्वत्ते, गयणचउभागसावसेसंमि । वेरत्तियं पि कालं, पडिलेहिता मुणी कुज्जा ॥ २० ॥ पुट्विटंमि चउभाए, पडिलेहिताण भंडयं । गुरुं बंदित्तु सज्झायं, कुजा दुक्खविमोक्षणं ॥ २१ ॥ पोरिसीए चउम्भाए, बंदित्ताण तओ गुरुं । अपडिकमित्ता कालस्म, भायणं पडिलेहए ॥ २२ ॥ मुहपोत्ति पडिलेहित्ता, पडिलेहिज्ज गोच्छगं । गोच्छगलइयंगुलिओ, वत्थाई पडिलेहए ॥ २३ ॥ उर्दू थिरे अतुरियं, पुव्वं ता वत्यमेव पडिलेहे । तो बिइयं पाफोडे, तइयं च पुणो पमजिजा ॥ २४ ॥ अणयावियं १ सज्झायकालाओ अणिवित्तो होऊण ।
सुत्ता०६५
