________________
९८६
ता
[ उत्तरज्झयणसुतं
आउ नरए कंखे, जहाएस व एलए ॥ ७ ॥ आसणं सयणं जाणं, वित्तं कामाणि भुंजिया । दुस्साह धणं हिच्चा, बहुं संचिणिया रयं ॥ ८ ॥ तओ कम्मगुरू जंतू, पचुप्पन्नपरायणे । अयव्व आगयाएसे, मरणंतम्मि सोयई ॥ ९ ॥ तओ आउपरिक्खीणे, चुयदेहा विहिंसगा । आसुरीयं दिसं बाला, गच्छंति अवसा तमं ॥ १० ॥ जहा कागिणिए हेउ, सहस्सं हारए नरो । अपत्थं अंबगं भोच्चा, राया रजं तु हार ॥ ११ ॥ एवं माणुस्सगा कामा, देवकामाण अंतिए । सहस्सगुणिया भुज्जो, आउं कामा य दिव्विया ॥ १२ ॥ अगवासानउया जा सा पन्नवओ ठिई । जाणि जयंति दुम्मेहा, ऊणे वासस्याउ ॥ १३ ॥ जहा य तिन्नि वाणिया, मूलं
तू नग्गया । गोत्थ लहई लाभं, एगो मूलेण आगओ ॥ १४ ॥ एगो मूलं पि हारिता, आगओ तत्थ वाणिओ । ववहारे उवमा एसा, एवं धम्मे वियाणह ॥ १५ ॥ माणुसत्तं भवे मूलं, लाभो देवगई भवे । मूलच्छेएण जीवाणं, नरगतिरिक्खत्तणं धुवं ॥ १६ ॥ दुहओ गई बालस्स, आवई वहमूलिया । देवत्तं माणुसतं च, जं जिए लोलयासढे ॥ १७ ॥ तओ जिए सई होइ, दुविहं दुग्गई गए । दुलहा तस्स उम्मग्गा, अद्धाए सुचिरादवि ॥ १८ ॥ एवं जियं सपेहाए, तुलिया वालं च पंडियं । मूलियं ते पवेसंति, माणुर्सि जोणिमेंति जे ॥ १९ ॥ वेमायाहिं सिक्खाहिं, जे नरा गिहिसुव्वया । उवेंति माणुस जोणिं, कम्मसच्चा हु पाणिणो ॥ २० ॥ जेसिं तु विउला सिक्खा, मूलियं ते अइच्छिया । सीलवंता सविसेसा, अदीणा जंत देवयं ॥ २१ ॥ एवमदीणवं भिक्खू, अगारिं च वियाणिया । कहण्णु जिच्च मे - लिक्खं, जिच्चमाणे न संविदे ॥ २२ ॥ जहा कुसग्गे उदगं, समुद्देण समं मिणे । एवं माणुस्सा कामा, देवकामाण अंतिए ॥ २३ ॥ कुसग्गमेत्ता इमे कामा, सन्निरुद्धम्म आउए । कस्स हेउं पुराकाउं, जोगक्खेमं न संविदे ॥ २४ ॥ इह कामाहिस्स, अत्तट्ठे अवरज्झई । सोच्चा नेयाउयं मग्गं, जं भुज्जो परिभस्सई ॥ २५ ॥ इह कामणिहस्स, अत्तट्ठे नावरज्झई । पूइदेहनिरोहेणं, भवे देवे त्ति मे सुयं ॥ २६ ॥ इड्ढी जुई जसो वण्णो, आउं सुहमणुत्तरं । भुज्जो जत्थ मणुस्सेसु तत्थ से उवजई ॥ २७ ॥ बालस्स पस्स बालतं, अहम्मं पडिवज्जिया । चिचा धम्मं अहम्मिट्ठे, नरएसूववज्जई ॥ २८ ॥ धीरस्स पस्स धीरतं, सव्वधम्माणुवत्तिणो । चिच्चा अधम्मं धम्मिट्ठे, देवेसु उववज्जई ॥ २९ ॥ तुलियाण बालभावं, अबालं चेव पंडिए । चइऊण बालभावं, अबालं सेवए मुणि ॥ ३० ॥ त्ति - बेमि ॥ इति एलइजणामं सत्तममज्ज यणं समत्तं ॥ ७ ॥
