________________
अ० ३ मणुस्सत्तदुल्लहया ]
सुत्तागमे
वा, नाणुतप्पेज पंडिए ॥ ३० ॥ अज्जेवाहं न लब्भामि, अवि लाभो सुए सिया । जो एवं पडिसंचिक्खे, अलाभो तं न तज्जए ॥ ३१ ॥ (१६) नच्चा उप्पइयं दुक्खं, वेणा दुहट्ठिए । अदीणो थावए पन्नं, पुट्ठो तत्थऽहियासए ॥ ३२ ॥ तेइच्छं नाभिनंदेजा, संचिक्खत्तगवेसए । एवं खु तस्स सामण्णं, जं न कुज्जा न कारवे ॥ ३३ ॥ (१७) अचेलगस्स लूहस्स, संजयस्स तवस्सिणो । तणेसु सयमाणस्स, हुजा गायविराहणा ॥ ३४ ॥ आयवस्स निवारण, अउला हवइ वेयणा । एवं नच्चा न सेवंति, तंतुजं तणतज्जिया ॥ ३५ ॥ (१८) किलिन्नगाए मेहावी, पंकेण व रएण वा । घिसु वा परियावेण, सायं नो परिदेवए ॥ ३६ ॥ वेएज निज्जरापेही, आरियं धम्मऽणुत्तरं । जाव सरीरभेउत्ति, जल्लं कारण धारए ॥ ३७ ॥ (१९) अभिवायण
९८१
भुट्ठाणं, सामी कुजा निमंतणं । जे ताइं पडिसेवंति, न तेसिं पीहए मुणी ॥ ३८ ॥ अणुक्कसाई अप्पिच्छे, अन्नाएसी अलोलुए । रसेसु नाणुगिज्झेजा, नाणुतप्पेज पन्नवं ॥ ३९ ॥ (२०) से नूणं मए पुव्वं, कम्माऽणाणफला कडा । जेणाहं नाभिजाणामि, पुट्ठो केइ कण्हुई ॥ ४० ॥ अह पच्छा उइज्जति, कम्माऽणाणफला कडा । एवमस्सासि अप्पाणं, नच्चा कम्मविवागयं ॥ ४१ ॥ (२१) निरट्ठगम्मि विरओ, मेहुणाओ सुसंवुडो । जो सक्खं नाभिजाणामि, धम्मं कलाणपावगं ॥ ४२ ॥ तवोवहाणमादाय, पडिमं पडिवज्जओ । एवं पि विहरओ मे, छउमं न नियई ॥ ४३ ॥ (२२) नत्थि नू परे लो, इड्डी वावि तवस्सिणो । अदुवा वंचिओमित्ति, इइ भिक्खू न चिंतए ॥ ४४ ॥ अभू जिणा अस्थि जिणा, अदुवा वि भविस्सइ । मुसं ते एवमाहंसु, इइ भिक्खू न चिंतए ॥ ४५ ॥ एए परीसहा सव्वे, कासवेण पवेइया । जे भिक्खू नं विहन्नेज्जा, पुट्ठो केइ कण्हुई ॥ ४६ ॥ ति- बेमि ॥ इति परिसहणामं दुइयमज्झयणं समत्तं ॥ २ ॥
अह चाउरंगिज्जं णाम तइयमज्झयणं
bocsfes
3
चत्तारि परमंगाणि, दुलहाणीह जंतुणो । माणुसत्तं सुई सद्धा, संज वीरियं ॥ १ ॥ समावन्नाण संसारे, नाणागोत्तासु जाइसु । कम्मा नाणांविहा कट्टु, पुढो विसंभया या ॥ २ ॥ एगया देवलोएसु, नरएसु वि एगया । एगया आसुरं कार्य, अहाकम्मेहिं गच्छइ ॥ ३ ॥ एगया खत्तिओ होइ, तओ चंडालबुक्सो । तओ कीडपयंगो य, तओ कुंथुपिवीलिया ॥ ४ ॥ एवमावजोणीसु, पाणिणो कम्मकिव्विसा । न निविज्वंति संसारे, सव्वद्वेसु व खत्तिया ॥ ५ ॥ कम्मसंगेहिं संमूढा,
