________________
णमोऽत्थु णं समणस्स भगवओ जयपुत्तमहावीर
सुत्तागमे
तत्थ णं उत्तरज्झयणसुत्तं
_ econ अह विणययं णामं पढममज्झयणं
संजोगा विप्पमुक्कस्स, अणगारस्स भिक्खुणो। विणयं पाउकरिस्सामि, आणुपुट्विं सुणेह मे ॥ १ ॥ आणानिद्देसकरे, गुरूणमुववायकारए । इंगियागारसंपन्ने, से विणीए त्ति वुच्चई ॥ २ ॥ आणाऽनिद्देसकरे, गुरूणमणुववायकारए । पडिणीए असंबुद्धे, अविणीए त्ति वुच्चई ॥ ३ ॥ जहा सुणी पूइकण्णी, निक्कसिज्जई सव्वसो। एवं दुस्सीलपडिणीए, मुहरी निक्कसिजई ॥ ४ ॥ कणकुण्डगं चइत्ताणं, विट्ठ भुंजइ सूयरे । एवं सीलं चइत्ताणं, दुस्सीले रमई मिए ॥५॥ सुणिया भावं साणस्स, सूयरस्स नरस्स य । विणए ठवेज अप्पाणं, इच्छंतो हियमप्पणो ॥ ६ ॥ तम्हा विणयमेसिज्जा, सीलं पडिलभेजओ। बुद्धपुत्त नियागट्ठी, न निक्कसिज्जइ कण्हुई ॥ ७ ॥ निस्संते सियाऽमुहरी, बुद्धाणं अंतिए सया । अठ्ठजुत्ताणि सिक्खिजा, निरट्ठाणि उ वजए ॥ ८ ॥ अणुसासिओ न कुप्पिज्जा, खतिं सेविज पंडिए । खुड्डेहिं सह संसग्गि, हासं कीडं च वजए॥ ९॥ मा य चंडालियं कासी, बहुयं मा य आलवे । कालेण य अहिजित्ता, तओ झाइज्ज एगगो ॥ १० ॥ आहच्च चंडालियं कटु, न निण्हविज कयाइ वि । कडं कडे त्ति भासेज्जा, अकडं नो कडे त्ति य ॥ ११॥ मा गलियस्सेव कसं, वयणमिच्छे पुणो पुणो। कसं व दट्ठमाइण्णे, पावगं परिवजए॥१२॥ अणासवा थूलवया कुसीला, मिउं पि चंडं पकरंति सीसा। चित्ताणुया लहु दक्खोववेया, पसायए ते हु दुरासयं पि ॥ १३ ॥ नापुट्ठो वागरे किंचि, पुट्ठो वा नालियं वए । कोहं असच्चं कुव्वेजा, धारेज्जा पियमप्पियं ॥ १४ ॥ अप्पा चेव दमेयव्वो, अप्पा हु खलु दुद्दमो । अप्पा दंतो सुही होइ, अस्सि लोए परत्थ य ॥ १५॥ वरं मे अप्पा दंतो, संजमेण तवेण य । माहं परेहि दम्मंतो, बंधणेहिं वहेहि य ॥१६॥ पडिणीयं च बुद्धाणं, वाया अदुव कम्मुणा । आवी वा जइ वा रहस्से, नेव कुज्जा
६२ सुत्ता.
