________________
९६६
सुत्तागमे
[दसवेयालियसुत्तं अह आयारपणिही णामं अहममज्झयणं
आयारपणिहिं लद्धं, जहा कायव्व भिक्खुणा । तं भे उदाहरिस्सामि, आणुपुब्बि सुणेह मे ॥ १ ॥ पुढविदगअगणिमारुय, तणरुक्खसबीयगा । तसा य पाणा जीवत्ति, इइ वुत्तं महेसिणा ॥ २॥ तेसिं अच्छणजोएण, निच्चं होयव्वयं सिया । मणसा काय वक्केण, एवं हवइ संजए ॥ ३ ॥ पुढविं भित्तिं सिलं लेखें, नेव भिंदे न संलिहे। तिविहेण करणजोएण, संजए सुसमाहिए ॥ ४ ॥ सुद्धपुढविं न निसीए, ससरक्खम्मि य आसणे । पमजित्तु निसीइज्जा, जाइत्ता जस्स उग्गहं ॥ ५ ॥ सीओदगं न सेविज्जा, सिलावुलु हिमाणि य । उसिणोदगं तत्तफासुयं, पडिगाहिज संजए ॥ ६ ॥ उदउल्लं अप्पणो कार्य, नेव पुंछे न संलिहे । समुप्पेह तहाभूयं, नो णं संघट्टए मुणी ॥ ७ ॥ इंगालं अगणिं अचिं, अलायं वा सजोइयं । न उंजिजा न घहिजा, नो णं निव्यावए मुणी ॥ ८॥ तालियंटेण पत्तेण, साहाए विहुयणेण वा । न वीइज्ज अप्पणो कार्य, बाहिरं वावि पुग्गलं ॥ ९ ॥ तणरुक्खं न छिंदिजा, फलं मूलं च कस्सइ । आमगं विविहं बीयं, मणसा वि न पत्थए ॥ १० ॥ गहणेसु न चिट्ठिज्जा, बीएसु हरिएसु वा । उदगंमि तहा निच्चं, उत्तिंगपणगेसु वा ॥११॥ तसे पाणे न हिंसिज्जा, वाया अदुव कम्मुणा । उवरओ सव्वभूएसु, पासेज विविहं जगं ॥ १२ ॥ अट्ठ सुहमाई पेहाए, जाइं जाणित्तु संजए । दयाहिगारी भूएसु, आस चिट्ठ सएहि वा ॥ १३ ॥ कयराइं अट्ठ सुहुमाइं ?, जाइं पुच्छिज्ज संजए । इमाइं ताई मेहावी, आइक्खिन वियक्खणो ॥ १४ ॥ सिणेहं पुप्फसुहुमं च, पाणुत्तिर्ग तहेव य । पणगं बीय हरियं च, अंड(हुमं च अट्ठमं ॥ १५॥ एवमेयाणि जाणित्ता, सव्वभावेण संजए। अप्पमत्तो जए निच्चं, सव्विदियसमाहिए ॥ १६ ॥ धुवं च पडिलेहिज्जा, जोगसा पायकंबलं । सिज्जमुच्चारभूमिं च, संथारं अदुवासणं ॥ १७ ॥ उच्चारं पासवणं, खेलं सिंघाणजल्लियं । फासुयं पडिलेहित्ता, परिठ्ठाविज संजए ॥ १८॥ पविसित्तु परागारं, पाणट्ठा भोयणस्स वा । जयं चिढ़े मियं भासे, न य रूवेसु मणं करे ॥ १९ ॥ बहुं मुणेइ कण्णेहिं, बहुं अच्छीहिं पिच्छइ । न य दिलै सुयं सव्वं, भिक्खू अक्खाउमरिहइ ॥ २० ॥ सुयं वा जइ वा दिहूँ, न लविज्जोवघाइयं । न य केण उवाएणं, गिहिजोगं समायरे ॥२१॥ निट्ठाणं रसनिजूढं, भद्दगं पावगं ति वा । पुट्ठो वावि अपुट्ठो वा, लाभालाभं न निद्दिसे ॥ २२ ॥ न य भोयणम्मि गिद्धो, चरे उंछं अयंपिरो। अफासुयं न भुजिजा, कीयमुद्देसियाहडं ॥ २३ ॥ सन्निहिं च न कुविज्जा, अणुमायं पि संजए । मुहाजीवी असंबद्धे, हविज जगनिस्सिए ॥ २४ ॥ लूहवित्ती सुसंतुढे,
