________________
सुत्तागमे
[ दसवेयालियसुतं
पच्चुप्पन्नमणागए । निस्संकियं भवे जंतु, “एवमेयं" ति निद्दिसे ॥ १० ॥ तहेव फरुसा भासा, गुरुभूओवघाइणी । सच्चा विसा न वक्तव्वा, जओ पावस्स आगमो ॥ ११॥ तहेव काणं “काणे" त्ति, पंडगं “पंडगे" त्ति वा । वाहियं वावि "रोगि” त्ति, तेणं “चोरे” त्ति नो वए ॥ १२ ॥ एएणनेण अद्वेण, परो जेणुवहम्मइ । आयारभावदोसन्नू, न तं भासिज्ज पन्नवं ॥ १३ ॥ तहेव “होले” “गोलि” त्ति, "साणे” वा “वसुले” त्ति य । “दमए" "दुहए" वावि, न तं भासिज पन्नवं ॥ १४॥ अजिए पजिए बावि, अम्मो माउसियत्ति य | पिउसिए भाइणिज्जत्ति, धूए नत्तु
यति ॥ १५ ॥ हले हले त्ति अन्ने त्ति, भट्टे सामिणि गोमिणि । होले गोले वसुले त्ति, इत्थियं नेवमालवे ॥ १६ ॥ नामधिज्जेण णं बूया, इत्थीगुत्तेण वा पुणो । जहारिहमभिगिज्झ, आलविज्ज लविज्ज वा ॥ १७ ॥ अजए पज्जए वावि, बप्पो चुल्ल पिउत्ति य । माउलो भाइणिज्जत्ति, पुत्ते नत्तुणियत्ति य ॥ १८ ॥ हे हो हलित्ति अन्नत्ति, भट्टा सामिय गोमिय । होल गोल वसुलित्ति, पुरिसं नेवमालवे ॥ १९ ॥ नामधिजेण णं बूया, पुरिसगुत्तेण वा पुणो । जहारिहमभिगिज्झ, आलविज्ज लविज्ज वा ॥ २० ॥ पंचिंदियाण पाणाणं, “एस इत्थी अयं पुमं" । जाव णं न विजाणिज्जा, ताव जाइत्ति आवे ॥ २१ ॥ तहेव माणुसं पसुं, पक्खि वावि सरीसिवं । “थूले पमेइले वज्झे, पायमि” त्ति य नो वए ॥ २२ ॥ परिवूढत्ति णं बूया, वूया उवचिए त्ति य। संजाए पीणिए वावि, महाकायत्ति आलवे ॥ २३ ॥ तहेव गाओ दुज्झाओ, दम्मा गोरहगत्ति य । वाहिमा रहजोग्गत्ति, नेवं भासिज्ज पन्नवं ॥ २४ ॥ जुवं गवि - त्ति णं ब्रूया, धेणुं रसदयत्ति य । रहस्से महल्लए वावि, वए संवहणित्तिय ॥ २५ ॥ तहेव गंतुमुज्जाणं, पव्वयाणि वणाणि य । रुक्खा महल पेहाए, नेवं भासिज्ज पन्नवं ॥ २६ ॥ अलं पासायखंभाणं, तोरणाणि गिहाणि य । फलिहग्गलनावाणं, अलं उदगोणिणं ॥ २७ ॥ पीढए चंगबेरे य, नंगले मइयं सिया । जंतलट्ठी व नाभी वा, गंडिया व अलं सिया ॥ २८ ॥ आसणं सयणं जाणं, हुज्जा वा किंचुवस्सए । भूओवघाइणिं भासं, नेवं भासिज्ज पन्नवं ॥ २९ ॥ तहेव गंतुमुज्जाणं, पव्वयाणि वणाणि य । रुक्खा महल्ल पेहाए, एवं भासिज्ज पन्नवं ॥ ३० ॥ जाइमंता इमे रुक्खा, दीहवहा महालया । पयायसाला विडिमा, वए दरिसणित्ति य ॥ ३१ ॥ तहा फलाई पक्काई, पायखज्जाई नो वए । वेलोइयाई टालाई, वेहिमाई ति नो वए ॥ ३२ ॥ असंथडा इमे अंबा, बहुनिव्वडिमा फला । वइज्ज बहुसंभूया, भूयरूवत्ति वा पुणो ॥ ३३ ॥ तवोसहीओ पक्काओ, नीलियाओ छवी इ य । लाइमा भजिमाउत्ति, पिहुखज्जत्ति नो वए ॥ ३४ ॥ रूढा बहुसंभूया, थिरा ऊसढा वि य । गब्भियाओ पसूयाओ, संसाराउ -
९६४
