________________
९५६
सुत्तागमे
[ दसवेयालियसुतं
कप्पइ तारिसं” ॥ ४४ ॥ दगवारेण पिहियं, नीसाए पीढएण वा । लोढेण वावि लेवेण सिलेसेण व केणइ ॥ ४५ ॥ तं च उब्भिदिया दिज्जा, समणट्ठाए व दावए । दिंतियं पडियाइक्खे, “न मे कप्पर तारिसं" ॥ ४६ ॥ असणं पाणगं वावि, खाइमं साइमं तहा। जं जाणिज्ज सुणिज्जा वा, "दाणट्ठा पगडं इमं ॥ ४७ ॥ तं भवे भत्तपाणं तु, संजयाण अकप्पियं । दिंतियं पडियाइक्खे, “न मे कप्पइ तारिसं” ॥ ४८ ॥ असणं पाणगं वावि, खाइमं साइमं तहा । जं जाणिज्ज सुणिज्जा वा, "पुण्णट्ठा पगडं इमं” ॥ ४९ ॥ तं भवे भत्तपाणं तु, संजयाण अकप्पियं । दितियं पडियाइक्खे, “न मे कप्पड़ तारिसं” ॥ ५० ॥ असणं पाणगं वावि, खाइमं साइमं तहा । जं जाणिज सुणिज्जा वा, "वणिमट्ठा पगडं इमं ॥ ५१ ॥ तं भवे भत्तपाणं तु, संजयाण अकपियं । दितियं पडियाइक्खे, “न मे कप्पइ तारिसं ॥ ५२ ॥ असणं पाणगं वावि, खाइमं साइमं तहा । जं जाणिज्ज सुणिज्जा वा, "समणट्ठा पगडं इमं” ॥ ५३ ॥ तं भवे भत्तपाणं तु, संजयाण अकप्पियं । दिंतियं पडियाइक्खे, “न मे कप्पर तारिसं” ॥ ५४ ॥ उद्देसियं कीयगडं, पूइकम्मं च आहडं । अज्झोयर पामिचं, मीस - जायं. विवज्जए ॥ ५५ ॥ उग्गमं से य पुच्छिज्जा, कस्सट्ठा केण वा कडं ? । सुच्चा निस्संकियं सुद्धं, पडिगाहिज संजए ॥ ५६ ॥ असगं पाणगं वावि, खाइमं साइमं तहा । पुप्फेसु हुज्ज उम्मीसं, बीएस हरिएसु वा ॥ ५७ ॥ तं भवे भत्तपाणं तु, संजयाण अकप्पियं । दिंतियं पडियाइक्खे, “न मे कप्पइ तारिसं” ॥ ५८ ॥ असणं पाणगं वावि, खाइमं साइमं तहा । उद्गंमि हुज्ज निक्खित्तं, उत्तिंगपणगेसु वा ॥ ५९ ॥ तं भवे भत्तपाणं तु, संजयाण अकप्पियं । दिंतियं पडियाइक्खे, “न मे कप्पइ तारिसं" ॥ ६० ॥ असणं पाणगं वावि, खाइमं साइमं तहा । अगणिम्मि होज्ज निक्खित्तं, तं
संघट्टिया दए ॥ ६१ तं भवे भत्तपाणं तु, संजयाण अकप्पियं । दिंतियं पडियाइक्खे, "न मे कप्पर तारिसं" ॥ ६२ ॥ एवं उस्सक्किया ओसक्किया, उज्जालिया पज्जालिया निव्वाविया । उस्सिंचिया निस्सिंचिया, उव्वत्तिया ओयारिया दए ॥ ६३ ॥ तं भवे भत्तपाणं तु, संजयाण अकप्पियं । दितियं पडियाइक्खे, "न मे कप्पइ तारिसं" ॥ ६४ ॥ हुज कट्ठे सिलं वावि, इट्टालं वावि एगया । ठवियं संकमट्ठाए, तं च हुज्ज चलाचलं ॥ ६५ ॥ न तेण भिक्खू गच्छिज्जा, दिट्ठो तत्थ असंजमो । गंभीरं झुसिरं चेव, सव्विंदियसमाहिए ॥ ६६ ॥ निस्सेणिं फलगं पीढं, उस्सवित्ता
मारुहे। मंचं कीलं च पासायं, समणट्ठाए व दावए ॥ ६७ ॥ दुरुह्माणी पवडिजा, हत्थं पायं व लसए । पुढविजीवे वि हिंसेज्जा, जे य तं निस्सिया जगे ॥ ६८ ॥ एयारिसे महादोसे, जाणिऊण महेसिणो । तम्हा मालोहडं भिक्खं, न पडिगिण्हंति
