________________
अ० ४ सुलहसुगई ]
सुत्तागमे
९५३
॥ १ ॥ अजयं चिट्ठमाणो उ, पाणभूयाई हिंसइ । बंधइ पावयं कम्मं तं से होइ कडुयं फलं ॥ २ ॥ अजयं आसमाणो उ, पाणभूयाई हिंसइ । बंधइ पावयं कस्म, तं से होइ कडुयं फलं ॥ ३ ॥ अजयं सयमाणो उ, पाणभूयाई हिंसइ । बंधइ पावयं कम्मं तं से होइ कडुयं फलं ॥ ४ ॥ अजयं भुंजमाणो उ, पाणभूयाई हिंसइ । वंधइ पावयं कम्मं तं से होइ कडुयं फलं ॥ ५ ॥ अजयं भासमाणो उ, पाणभूयाई हिंसइ | बंधइ पावयं कम्मं तं से होइ कडुयं फलं ॥ ६ ॥ कहं चरे ? कहं चिट्ठे ?, हमासे ? कहं सए ? | कहं भुंजतो भासतो, पावकम्मं न बंधइ ? ॥ ७ ॥ जयं चरे जयं चिट्ठे, जयमासे जयं सए । जयं भुंजंतो भासतो, पावकम्मं न बंधइ ॥ ८ ॥ सव्वभूयप्पभूयस्स, सम्मं भूयाइ पासओ । पिहियासवस्स दंतस्स, पावकम्मं न बंधइ ॥ ९ ॥ पढमं नाणं तओ दया, एवं चिट्ठइ सव्वसंजए । अन्नाणी किं काही ?, किं वा नाहिइ सेयपावगं ? ॥ १० ॥ सोचा जाणइ कलाणं, सोच्चा जाणइ पावगं । उभयं पि जाणइ सोच्चा, जं सेयं तं समायरे ॥ ११ ॥ जो जीवे विन याणेइ, अजीवे विन याइ । जीवाजीवे अयाणंतो, कहं सो नाहिइ संजमं ? ॥ १२ ॥ जो जीवे विवियाणेइ, अजीवे वि वियाणइ । जीवाजीवे वियाणंतो, सो हु नाहिइ संजमं ॥ १३ ॥ जया जीवमजीवे य, दो वि एए वियाणइ । तया गई बहुविहं, सव्वजीवाण जाणइ ॥ १४ ॥ जया गईं बहुविहं सव्वजीवाण जाणइ । तया पुण्णं च पावंच, बंधं मुक्खं च जाणइ ॥ १५ ॥ जया पुण्णं च पावं च, बंधं मुक्खं च ts | तया निव्विंदए भोए, जे दिव्वे जे य माणुसे ॥ १६ ॥ जया निव्विदए भोए, जे दिव्वे जे य माणुसे । तया चयइ संजोगं, सब्भितरबाहिरं ॥ १७ ॥ जया चयइ संजोगं, सब्भितरबाहिरं । तया मुंडे भवित्ताणं पव्वइए अणगारियं ॥ १८ ॥ जया मुंडे भवित्ताणं, पव्वइए अणगारियं । तया संवरमुक्किडं, धम्मं फासे अणुत्तरं ॥ १९ ॥ जया संवरमुक्किडं, धम्मं फासे अणुत्तरं । तया धुणइ कम्मरयं, अवोहिकलसं कडं ॥ २० ॥ जया धुणइ कम्मरयं, अवोहिकलसं कडं । तया सव्वत्तगं नाणं, दंसणं चाभिगच्छइ ॥ २१ ॥ जया सव्वत्तगं नाणं, दंसणं चाभिगच्छइ । तया लोगमलोगं च, जिणो जाणइ केवली ॥ २२ ॥ जया लोगमलोगं च, जिणो जाइ केवली । तया जोगे निरुंभित्ता, सेलेसिं पडिवज्जइ ॥ २३ ॥ जया जोगे निरंभित्ता, सेलेसिं पडिवज्जइ । तया कम्मं खवित्ताणं, सिद्धिं गच्छइ नीरओ ॥ २४ ॥ जया कम्मं खवित्ताणं, सिद्धिं गच्छइ नीरओ । तया लोगमत्थयत्थो, सिद्धो हवाइ सासओ ॥ २५ ॥ सुहसायगस्स समणस्स, सायाउलगस्स निगामसाइस्स । उच्छोलणापहोयस्स, दुल्लहा सुगइ तारिसगस्स ॥ २६ ॥ तवोगुणपहाणस्स, उज्जु
