________________
९०६ सुत्तागमे
[भगवई जाव वेणइयवाईवि, सलेस्सा णं भंते ! नेरइया किं किरियावाई० ? एवं चेव, एवं जाव काउलेस्सा, कण्हपक्खिया किरियाविवज्जिया, एवं एएणं कमेणं जच्चेव जीवाणं वत्तव्वया सच्चेव नेरइयाणवि वत्तव्वया जाव अणागारोवउत्ता नवरं जं अस्थि तं भाणियव्वं सेसं न भण्णइ, जहा नेरइया एवं जाव थणियकुमारा | पुढाविकाइया ण भंते! किं किरियावाई० पुच्छा, गोयमा ! नो किरियावाई अकिरियावाईवि अन्नाणियवाईवि नो वेणइयवाई, एवं पुढविकाइयाणं जं अत्थि तत्य सव्वत्थति एयाई दो मज्झिलाई समोसरणाई जाव अणागारोवउत्तावि, एवं जाव चउरिंदियाणं सवटाणेसु एयाई चेव मज्झिल्लगाइं दो समोसरणाइं, सम्मत्तनाणेहिवि एयाणि चेव मज्झिल्लगाई दो समोसरणाइं, पंचिंदियतिरिक्खजोणिया जहा जीवा नवरं जं अस्थि तं भाणियव्वं, मणुस्सा जहा जीवा तहेव निरवसेसं, वाणमंतरजोइसियवेमाणिया जहा असुरकुमारा ॥ किरियावाई णं भंते ! जीवा किं नेरइयाउयं पकरेन्ति तिरिक्खजोणियाउयं पकरेन्ति मणुस्साउयं पकरेन्ति देवाउयं पकरेन्ति ? गोयमा ! नो नेरइयाउयं पकरेन्ति नो तिरिक्खजोणियाउयं पकरेन्ति मणुस्साउयंपि पकरेन्ति देवाउयंपि पकरेन्ति, जइ देवाउयं पकरेन्ति कि भवणवासिदेवाउयं पकरेन्ति जाव वेमाणियदेवाउयं पकरेन्ति ? गोयमा ! नोभवणवासिदेवाउयं पकरेन्ति नो वाणमंतरदेवाउयं पकरेन्ति नो जोइसियदेवाउयं पकरेन्ति वेमाणियदेवाउयं पकरेन्ति । अकिरियावाई णं भंते ! जीवा किं नेरइयाउयं पकरेन्ति तिरिक्ख० पुच्छा, गोयमा ! नेरइयाउयपि पकरेन्ति जाव देवाउयंपि पकरेन्ति, एवं अन्नाणियवाईवि वेणइयवाईवि । सलेस्सा णं भंते ! जीवा किरियावाई कि नेरइयाउयं पकरेन्ति० पुच्छा, गोयमा ! नो नेरइयाउयं एवं जहेव जीवा तहेव सलेस्सावि चउहिवि समोसरणेहिं भाणियव्वा, कण्हलेस्सा गं भंते ! जीवा किरियावाई कि नेरइयाउयं पकरेन्ति० पुच्छा, गोयमा ! नो नेरइयाउयं पकरेन्ति नो तिरिक्खजोणियाउयं पकरेन्ति मणुस्सायं पकरेन्ति नो देवाउयं पकरेन्ति, अकिरियावाई अन्नाणियवाई वेणइयवाई य चत्तारिवि आउयाइं पकरेन्ति, एवं नीललेस्सावि काउलेस्सावि, तेउलेस्सा णं भंते ! जीवा किरियावाई कि नेरइयाउयं पकरेन्ति० पुच्छा, गोयमा! नो नेरइयाउयं पकरेन्ति नो तिरिक्खजोणियाउयं पकरेंति मणुस्साउयंपि पकरेन्ति देवाउयंपि पकरेन्ति, जइ देवाउयं पकरेन्ति तहेव, तेउलेस्सा णं भंते ! जीवा अकिरियावाई कि नेरइयाउयं० पुच्छा, गोयमा ! नो नैरइयाउयं पकरेन्ति तिरिक्खजोणियाउयपि पकरेन्ति मणुस्साउयपि पकरेंति देवाऽयंपि पकरेन्ति, एवं अन्नाणियवाईवि वेणइयवाईवि, जहा तेउलेस्सा एवं पम्दलेस्सावि सुकलेस्सावि नेग्रव्वा । अलेस्सा णं भंते ! जीवा किरियावाई किं
