________________
वि० प०, स० ३० उ० १ ] सुत्तागमे
९०७
गैरइयाउयं पकरेंति० पुच्छा, गोयमा ! नो नेरइयाउयं पकरेंति नो तिरिक्ख० नो मणुस्स० नो देवाउयं पकरेंति, कण्हपक्खिया णं भंते ! जीवा अकिरियावाई किं नेरइयाउयं ० पुच्छा, गोयमा ! नेरइयाउयंपि पकरेन्ति एवं चउव्विपि एवं अन्नाणियवाईवि वेणइयवाईवि, सुक्कपक्खिया जहा सलेस्सा, सम्मद्दिट्ठी णं भंते ! जीवर किरियावा किं नेरइयाउयं० पुच्छा, गोयमा ! नो नेरइयाउयं पकरेन्ति नो तिरिक्खजोणियाउयं पकरेन्ति मणुस्साउयंपि पकरेन्ति देवाउयंपि पकरेन्ति, मिच्छादिट्ठी जहा कण्हपक्खिया, सम्मामिच्छादिट्ठी णं भंते ! जीवा अन्नाणियवाई किं नेरइयाउयं ० जहा अलेस्सा, एवं वेणइयवाईवि, णाणी आभिणिवोहियनाणी य सुयनाणी य ओहि • नाणी य जहा सम्मद्दिट्ठी, मणपज्जवणाणी णं भंते! किं० पुच्छा, गोयमा ! नो नेरइयाउयं पकरेन्ति नो तिरिक्ख० नो मणुस्साउयं पकरेंति देवाउयं पकरेन्ति, जइ देवाउयं पकरेति किं भवणवासि० पुच्छा, गोयमा ! नो भवणवासि देवाउयं पकरेन्ति नो वाणमंतर० नो जोइसिय० वेमाणिय देवाउयं पकरेन्ति, केवलनाणी जहा अलेस्सा, अन्नाणी जाव विभंगनाणी जहा कण्हपक्खिया, सन्नासु चउसुवि जहा सलेस्सा, नोसन्नोवउत्ता जहा मणपज्जवनाणी, सवेदगा जाव नपुंसगवेदगा जहा सलेस्सा, अवेदगा जहा अलेस्सा, सकसाई जाव लोभकसाई जहा सलेस्सा, अकसाई जहा अलेस्सा, सजोगी जाव कायजोगी जहा सलेस्सा, अजोगी जहा अलेस्सा, सागारोवउत्ता य अणागा - रोवउत्ता य जहा सलेस्सा ॥ ८२३ ॥ किरियावाई णं भंते ! नेरइया किं नेरइयाउयं • पुच्छा, गोयमा ! नो नेरइयाउयं पकरे (इ) न्ति नो तिरिक्खजोणियाउयं पकरेंति मणुरसाउयं पकरेन्ति नो देवाउयं पकरेन्ति, अकिरियावाई णं भंते ! नेरइया पुच्छा, गोयमा ! नो नेरइयाउयं पकरे (इ) न्ति तिरिक्खजोणियाउयंपि पकरेन्ति मणुस्साउयंपि पकरेन्ति नो देवाउयं पकरेन्ति, एवं अन्नाणियवाईवि वेणइयवाईवि । सलेस्सा णं भंते ! नेरइया किरियावा किं नेरइयाउयं • एवं सव्वेवि नेरइया जे किरियाबाई ते मणुस्साउयं एगं पकरेन्ति, जे अकिरियावाई अन्नाणियवाई वेणइयवाई ते सव्वट्ठाणेसुविनो नेरइयाउयं पकरेति तिरिक्खजोणियाउयंपि पकरेन्ति मणुस्सा उयंपि पकरेन्ति नो देवाउयं पकरेन्ति, नवरं सम्मामिच्छत्ते उवरिल्लेहिं दोहिवि समोसरणेहिं न किंचिवि पकरेति जहेव जीवपए, एवं जाव थणियकुमारा जहेब नेरइया । अकिरियावाई भंते! पुढविकाइया पुच्छा, गोयमा । नो नेरइयाउयं पकरे (इ) ति तिरिक्खजोणियाउयं प्रकरेन्ति मणुस्साउयं पकरेन्ति नो देवाउयं पकरेन्ति, एवं अन्नाणियवाईवि । सलेस्सा णं भंते । एवं जं जं पदं अत्थि पुढविकाइयाणं तहिं २ मज्झिमेयु दो समोसरणेसु एवं चैव दुविहं आउयं पकरेन्ति नवरं तेउलेस्साए न किपि पकरेन्ति,
