________________
९०५
वि० ५० स० ३० उ० १] सुत्तागमे निविंसु० पुच्छा, गोयमा ! अत्थेगइया समायं पट्टविंसु समायं निट्ठविंसु अत्थेगइया समायं पट्टविंसु विसमायं निट्ठविंसु, से केणटेणं भंते ! एवं चुच्चइ अत्थेगइया समायं पट्ठविंसु तं चेव, गोयमा ! अगंतरोववन्नगा नेरइया दुविहा प०, तं०अत्थेगइया समाउया समोववन्नगा अत्थेगइया समाउया विसमोववन्नगा, तत्थ णं जे ते समाउया समोववन्नगा ते णं पावं कम्मं समायं पट्टविसु समायं निट्ठविसु, तत्य गंजे ते समाउया विसमोववन्नगा ते णं पावं कम्मं समायं पट्टविंसु विसमायं निट्ठविसु, से तेणटेणं तं चेव । सलेस्सा णं भंते ! अणंतरोववन्नगा नेरइया पावं कम्म एवं चेव, एवं जाव अणागारोवउत्ता, एवं असुरकुमारावि एवं जाव वेमाणिया नवरं जं जस्स अस्थि तं तस्स भाणियव्वं, एवं नाणावरणिजेणवि दंडओ, एवं निरवसेसं जाव अंतराइएणं । सेवं भंते ! २ त्ति जाव विहरइ ॥ २९॥२ ॥ एवं एएणं गमएणं जच्चेव वंधिसए उद्देसगपरिवाडी सच्चेव इहवि भाणियचा जाव अचरिमोत्ति, अणंतरउद्देसगाणं चउण्हवि एका वत्तव्वया सेसाणं सत्तण्हं एका वत्तव्वया ॥ ८२२ ॥ एगूणतीसइमं कम्मपट्ठवणसयं समत्तं ।। __ कइ णं भंते ! समोसरणा प० ? गोयमा ! चत्तारि (चउव्विहा) समोसरणा प०, तंजहा-किरियावाई अकिरियावाई अन्नाणियवाई वेणइयवाई, जीवा णं भंते ! किं 'किरियावाई अकिरियावाई अन्नाणियवाई वेणइयवाई ? गोयमा ! जीवा किरियावाईवि 'अकिरियावाईवि अन्नाणियवाईवि वेणइयवाईवि, सलेस्सा णं भंते ! जीवा किं किरियावाई० पुच्छा, गोयमा ! किरियावाईवि अकिरियावाईवि अन्नाणियवाईवि वेणइयवाईवि, एवं जाव सुक्कलेस्सा, अलेस्सा णं भंते ! जीवा पुच्छा, गोयमा ! किरियावाई नो अकिरियावाई नो अन्नाणियवाई नो वेणइयवाई । कण्हपक्खिया णं भंते ! जीवा किं किरियावाई० पुच्छा, गोयमा । नो किरियावाई अकिरियावाई अन्नाणियवाईवि वेणइयवाईवि, सुक्कपक्खिया जहा सलेस्सा, सम्मट्टिी जहा अलेस्सा, मिच्छादिट्ठी जहा कण्हपक्खिया, सम्मामिच्छादिट्ठीणं पुच्छा, गोयमा ! नो किरियावाई नो अकिरियावाई अन्नाणियवाईवि वेणइयवाईवि, णाणी जाव केवलनाणी जहा अलेस्सा, अन्नाणी जाव विभंगनाणी जहा कण्हपक्खिया, आहारसन्नोवउत्ता जाव परिग्गहसन्नोवउत्ता जहा सलेस्सा, नोसन्नोवउत्ता जहा अलेस्सा, सवेदगा जाव नपुंसगवेदगा जहा सलेस्सा, अवेदगा जहा अलेस्सा, सकसाई जाव लोभकसाई जहा सलेस्सा, अकसाई जहा अलेस्सा, सजोगी जाव कायजोगी जहा सलेस्सा, अजोगी जहा अलेस्सा, सागारोवउत्ता अणागारोवउत्ता जहा सलेस्सा । नेरइया णं भंते। किं किरियावाई० पुच्छा, गोयमा ! किरियावाईवि
