________________
८८८
सुत्तागमे
[भगवई
होज्जा नो गिहिलिंगे होजा, सेसा जहा सामाइयसंजए ९ । सामाइयसंजए गंभंते ! कइसु सरीरेसु होजा? गोयमा! तिसु वा चउसु वा पंचसु वा होजा जहा कसायकुसीले, एवं छेओवट्ठावणिएवि, सेसा जहा पुलाए १० । सामाइयसंजए णं भंते ! किं कम्मभूमीए होजा अकम्मभूमीए होज्जा ? गोयमा ! जम्मणं संतिभावं च पडुछ कम्मभूमीए होजा नो अकम्मभूमीए जहा वउसे, एवं छेओवट्ठावणिएवि, परिहारविसुद्धिए य जहा पुलाए, सेसा जहा सामाइयसंजए ११ ॥ ७८७ ॥ सामाइयसंजए णं भंते ! किं ओसप्पिणीकाले होजा उस्सप्पिणीकाले होज्जा नोओसप्पिणिनोउस्सप्पिणिकाले होजा? गोयमा! ओसप्पिणीकाले जहा बउसे, एवं छेओवट्ठावणिएवि, नवर जम्मणं संतिभावं (च) पड्डुच्च चउसुवि पलिभागेसु नत्यि, साहरणं पडुच्च अन्नयरे पलिभागे होज्जा, सेसं तं चेव, परिहारविसुद्धिए पुच्छा, गोयमा ! ओसप्पिणिकाले वा होज्जा उस्सप्पिणिकाले वा होजा नोओसप्पिणिनोउस्सप्पिणिकाले वा होजा, जइ ओसप्पिणिकाले होज्जा जहा पुलाओ, उस्सप्पिणिकालेवि जहा पुलाओ, सुहुमसंपरा(इ)ओ जहा नियंठो, एवं अहक्खाओवि १२॥ ७८८ ॥ सामाइयसंजए णं भंते ! कालगए समाणे किं गई गच्छइ ? गोयमा! देवगई गच्छइ, देवगई गच्छमाणे कि भवणवासीसु उववजेजा वाणमंतरेसु उववज्जेजा जोइसिएसु उववजेना वेमाणिएतु उववजेजा? गोयमा ! णो भवणवासीसु उववजेजा जहा कसायकुसीले, एवं छेओवट्ठावणिएवि, परिहारविसुद्धिए जहा पुलाए, सुहुमसंपराए जहा नियंठे, अहक्खाए पुच्छा, गोयमा ! एवं अहक्खायसंजएवि जाव अजहन्नमगुनोसेणं अणुत्तरविमाणेसु उववजेज्जा, अत्थेगइ(या)ए सिज्झन्ति)इ जाव अंतं करे(न्ति)इ॥ सामाइयसंजए णं भंते! देवलोगेसु उववजमाणे कि इंदत्ताए उववजइ पुच्छा, गोयमा । अविराहणं पडुच्च एवं जहा कसायकुसीले, एवं छेदोवट्ठावणिएवि, परिहारविसुद्धिए जहा पुलाए, सेसा जहा नियंठे । सामाइयसंजयस्स णं भंते ! देवलोगेसु उववजमाणस्स केवइयं कालं ठिई प० ? गोयमा! जहन्नेणं दो पलिओवमाई उकोसेणं तेत्तीस सागरोवमाइं, एवं छेदोवट्ठावणिएवि, परिहारविसुद्धियस्स पुच्छा, गोयमा ! जहन्नेणं दो पलिओवमाई उक्कोसेणं अट्ठारस सागरोवमाइं, सेसाणं जहा नियंठस्स १३ ॥ ७८९ ॥ सामाइयसंजयस्स णं भंते । केवइया संजमट्ठाणा प०? गोयमा! असंखेजा संजमट्ठाणा प०, एवं जाव परिहारविसुद्धियस्स, सुहमसंपरायसंजयस्स पुच्छा, गोयमा! असंखेज्जा अंतोमुहुत्तिया संजमट्ठाणा प०, अहक्खायसंजयस्स पुच्छा, गोयमा ! एगे अजहन्नमणुकोसए संजमठ्ठाणे प० । एएसि णं भंते ! सामाइयछेदोवद्यावणियपरिहारविसुद्धियसुहुमसंपरायअहक्खायसंजयाणं संजमठाणाणं
नियंठस असंखजा मा असो
