________________
वि० ५० स० २५ उ०७] सुत्तागमे
८८७ ठियकप्पे होना अट्ठियकप्पे होजा? गोयमा ! ठियकप्पे वा होजा अट्रियकप्पे वा होजा, छेदोवट्ठावणियसंजए पुच्छा, गोयमा ! ठियकप्पे होजा नो अद्वियकप्पे होजा, एवं परिहारविसुद्धियसंजएवि, सेसा जहा सामाइयसजए । सामाइयसंजए णं भंते ! किं जिणकप्पे होजा थेरकप्पे होज्जा कप्पातीते होजा ? गोयमा! जिणकप्पे वा होजा जहा कसायकुसीले तहेव निरवसेसं, छेदोवट्ठावणिओ परिहारविसुद्धिओ य जहा वउसो, सेसा जहा नियंठे ४ ॥ ७८६ ॥ सामाइयसंजए भंते ! कि पुलाए होजा बउसे जाव सिणाए होजा ? गोयमा ! पुलाए वा होना बउसे जाव कसायकुसीले वा होज्जा, नो नियंठे होज्जा नो सिणाए होजा, एवं छेदोवट्ठावणिएवि, परिहारविसुद्धियसंजए णं भंते ! पुच्छा, गोयमा ! नो पलाए नो वउसे नो पडिसेवणाकुसीले होजा, कसायकुसीले होजा, नो नियंठे होजा नो सिणाए होजा, एवं सुहुमसंपराएवि, अहक्खायसंजए पुच्छा, गोयमा! नो पुलाए होजा जाव नो कसायकुसीले होजा, नियंठे वा होजा सिणाए वा होजा ५॥ सामाइयसंजए णं भंते ! कि पडिसेवए होजा अपडिसेवए होजा? गोयमा ! पडिसेवए वा होजा अपडिसेवए वा होजा, जइ पडि सेवए होजा किं मूलगुणपडिसेवए होजा. सेसं जहा पुलागस्स, जहा सामाइयसंजए एवं छेदोवठ्ठावणिएवि, परिहारविसुद्धियसंजए पुच्छा, गोयमा ! नो पडिसेवए होजा अपडिसेवए होजा, एवं जाव अह. क्खायसंजए ६ ॥ सामाइयसंजए णं भंते ! कइसु नाणेसु होज्जा ? गोयमा ! दोसु वा तिसु वा चउसु वा नाणेसु होजा, एवं जहा कसायकुसीलस्स तहेव चत्तारि नाणाई भयणाए, एवं जाव सुहुमसंपरा(इ)ए, अहक्खायसंजयस्स पंच नाणाई भयणाए जहा नाणुहेसए । सामाइयसंजए णं भंते ! केवइयं सुयं अहिज्जेज्जा ? गोयमा ! जहन्नेणं अट्ठ पचयणमायाओ जहा कसायकुसीले, एवं छेदोवट्ठावणिएवि, परिहारविसुद्धियसंजए पुच्छा, गोयमा ! जहन्नेणं नवमस्स पुव्वस्स तइयं आयारवत्थु उक्कोसेणं असंपुन्नाई दस पुव्वाइं अहिज्जेज्जा, सुहुमसंपरायसंजए जहा सामाइयसंजए, अहक्खायसंजए पुच्छा, गोयमा ! जहन्नेणं अट्ठ पवयणमायाओ उक्कोसेणं चउद्दस पुव्वाइं अहिज्जेजा सुयवइरित्ते वा होज्जा ७ । सामाइयसंजए णं भंते ! किं तित्थे होजा अतित्थे होज्जा 2 गोयमा ! तित्थे वा होना अतित्थे वा होजा जहा कसायकुसीले, छेदोवट्ठावणिए परिहारविसुद्धिए (सुहुमसंपराए) य जहा पुलाए, सेसा जहा सामाइयसंजए ८ । सामाइयसंजए णं भंते ! कि सलिंगे होज्जा अन्नलिंगे होजा गिहिलिंगे होजा? जहा पुलाए, एवं छेदोवट्ठावणिएवि, परिहारविसुद्धियसंजए णं भंते ! किं० पुच्छा, गोयमा ! दवलिंगपि भावलिंगपि पड्डुच्च सलिंगे होजा नो अन्नलिगे
