________________
८२० सुत्तागमें
[भगवई केवइयकालट्ठिईएसु उववजेज्जा ? गोयमा । जहन्नणं दसवाससहस्सट्टिईएसु उक्कोसेणं सागरोवमट्टिईएसु उववजेजा, ते णं भंते ! जीवा अवसेसो सो चेव गमओ नवरं इमाइं अट्ठ णाणत्ताइं-सरीरोगाहणा जहन्नेणं अंगुलस्स असंखेजइभागं उक्कोसेणं धणुहपुहुत्तं, लेस्साओ तिन्नि आदिल्लाओ, णो सम्मदिट्ठी मिच्छादिट्ठी णो सम्मामिच्छादिट्ठी, णो णाणी दो अन्नाणा णियम, समुग्घाया आदिल्ला तिन्नि, आउं अज्झवसाणा अणुबंधो य जहेव असन्नीणं अवसेसं जहा पढमगमए जाव कालादेसेणं जहन्नेणं दसवाससहस्साइं अंतोमुहुत्तमभहियाई उक्कोसेणं चत्तारि सागरोवमाइं चउहिं अंतोमुहुत्तेहिं अब्भहियाइं एवइयं कालं जाव करेजा ४, सो चेव जहन्नकालट्ठिईएसु उववन्नो जहन्नेणं दसवाससहस्सट्टिईएसु उक्कोसेणवि दसवाससहस्सट्ठिईएसु उववज्जेज्जा, ते णं भंते ! एवं सो चेव चउत्यो गमओ निरवसेसो भाणियव्वो जाव कालादेसेणं जहन्नणं दसवाससहस्साइं अंतोमुहुत्तमन्भहियाई उक्कोसेणं चत्तालीसं वाससहस्साइं चउहि अंतोमुहत्तेहिं अब्भहियाइं एवइयं जाव करेजा ५ । सो चेव उक्कोसकालट्ठिईएसु उववन्नो जहन्नेणं सागरोवमट्ठिईएसु उक्कोसेणवि सागरोवमट्टिईएसु उववजेजा, ते ण भंते! एवं सो चेव चउत्थो गमओ निरवसेसो भाणियव्वो जाव कालादेसेणं जहन्नेणं सागरोवमं अंतोमुहुत्तमब्भहियं उक्नोसेणं चत्तारि सागरोवमाइं चउहिं अंतोमुहुत्तेहि अब्भहियाइं एवंइयं जाव करेजा ६ । उक्कोसकालट्ठिईयपज्जत्तसंखेजवासाउय जाव तिरिक्खजोणिए णं भंते ! जे भविए रयणप्पभापुढविनेरइएसु उववजित्तए से णं भंते ! केवइयकालट्ठिईएसु उववजेज्जा ? गोयमा ! जहन्नेणं दसवाससहस्सट्ठिईएसु उक्कोसेणं सागरोवमट्टिईएसु उववजेजा, ते णं भंते ! जीवा अवसेसो परिमाणादीओ भवादेसपज्जवसाणो एएसि चेव पढमो गमओ णेयव्वो नवरं ठिई जहन्नेणं पुव्वकोडी उक्कोसेणवि पुव्वकोडी, एवं अणुबंधोवि, सेसं तं चेव, कालादेसेणं जहन्नेणं पुवकोडी दसहिं वाससहस्सेहिं अब्भहिया उक्कोसेणं चत्तारि सागरोवमाइं चउहिं पुव्वकोडीहिं अब्भहियाइं एवइयं कालं जाव करेजा ७ । सो चेव जहन्नकालट्ठिईएसु उववन्नो जहन्नेणं दसवाससहस्सहिईएसु उक्कोसेणवि दसवाससहस्सट्ठिईएसु उववजेज्जा, ते णं भंते ! जीवा सो चेव सत्तमो गमओ निरवसेसो भाणियव्वो जाव भवादेसोत्ति, कालादेसेणं जहन्नेणं पुवकोडी दसहिं वाससहस्सेहिं अब्भहिया उक्कोसेणं चत्तारि पुन्चकोडीओ चत्तालीसाए वाससहस्सेहिं अन्भहियाओ एवइयं जाव करेजा ८, उक्कोसकालढिईयपज्जत्त जाव तिरिक्खजोणिए णं भंते ! जे भविए उक्कोसकालट्ठिईय जाव उववजित्तए से णं भंते ! केवइयकालट्ठिईएसु उववजेजा ? गोयमा ! जहन्नेण
