________________
वि० प० स० २४ उ० १] सुत्तागमे पज्जत्तसंखेज्जवासाउयसन्निपचिंदियतिरिक्खजोणिए णं भंते ! जे भविए णेरइएसु उववज्जित्तए से णं भंते ! कइसु पुढवीसु उववज्जेज्जा ? गोयमा ! सत्तसु पुढवीसु उववज्जेजा, तंजहा-रयणप्पभाए जाव अहेसत्तमाए, पज्जत्तसंखेजवासाउयसन्निपंचिंदियतिरिक्खजोणिए णं भंते ! जे भविए रयणप्पभापुढविनेरइएसु उववज्जित्तए से णं भंते ! केवइयकालट्ठिईएसु उववजेजा ? गोयमा । जहन्नेणं दसवाससहस्सट्ठिई. एसु उक्कोसेणं सागरोवमट्टिईएसु उववजेज्जा, ते णं भंते ! जीवा एगसमएणं केवइया उववजति ? जहेव असन्नी, तेसि णं भंते ! जीवाणं सरीरगा किंसंघयणी प० ? गोयमा ! छविहसंघयणी प०, तं०-वइरोसभनारायसंघयणी उसभनारायसंघयणी जाव छेवट्ठसंघयणी, सरीरोगाहणा जहेव असन्नीणं जहन्नेणं अंगुलस्स असंखेजइभागं उक्नोसेणं जोयणसहस्सं, तेसि णं भंते ! जीवाणं सरीरगा किंसंठिया प०? गोयमा ! छव्विहसंठिया प०, तंजहा-समचउरंस० णग्गोह० जाव हुंड०, तेसि णं भंते ! जीवाणं कइ लेस्साओ प० ? गोयमा ! छल्लेस्साओ पन्नत्ताओ, तंजहाकण्हलेस्सा जाव सुक्कलेस्सा, दिट्ठी तिविहावि, तिन्नि नाणा तिन्नि अन्नाणा भयणाए, जोगो तिविहोवि सेसं जहा असन्नीणं जाव अणुवंधो, नवरं पंच समुग्धाया प० आइल्लगा, वेदो तिविहोवि, अवसेसं तं चेव जाव से णं भंते ! पज्जत्तसंखेज्जवासाउय जाव तिरिक्खजोणिए रयणप्पभा जाव करेजा ? गोयमा ! भवादेसेणं जहन्नेणं दो भवग्गहणाइं उक्नोसेणं अट्ठ भवग्गहणाई, कालादेसेणं जहन्नेणं दसवाससहस्साइं अंतोमुहुत्तमम्भहियाइं उक्कोसेण चत्तारि सागरोवमाइं चउहि पुव्वकोडीहि अन्भहियाइं एवइयं कालं सेवेजा जाव करेजा १ । पजत्तसंखेजवासाउय जाव जे भविए जहन्नकाल जाव से णं भंते ! केवइयकालट्ठिईएसु उववज्जेजा ? गोयमा ! जहण्णेणं दसवाससहस्सट्टिईएसु उक्कोसेणवि दसवाससहस्सट्ठिईएसु उववज्जेज्जा, ते णं भंते ! जीवा एवं सो चेव पढमो गमओ निरवसेसो भाणियव्वो जाव कालादेसेणं जहन्नेणं दसवाससहस्साई अंतोमुहुत्तमभहियाइं उक्कोसेणं चत्तारि पुव्वकोडीओ चत्तालीसाए वाससहस्सेहिं अव्भहियाओ एवइयं काल सेवेजा एवइयं कालं गइरागइं करेजा २, सो चेव उक्कोसकालढिईएसु उववन्नो जहन्नेणं सागरोवमट्टिईएसु उकोसेणवि सागरोवमट्टिईएसु उववज्जेजा, अवसेसो परि(णामा)माणादीओ भवादेसपजवसाणो सो चेव पढमगमगोणेयव्वो जाव कालादेसेणं जहन्नेणं सागरोवमं अतोमुहुत्तमभहियं उक्कोसेणं चत्तारि सागरोवमाइं चउहि पुव्वकोडीहि अब्भहियाई एवइयं कालं सेवेजा जाव करेजा ३, जहन्नकालढिईयपज्जत्तसंखेन्जवासाउयसन्निपंचिंदियतिरिक्खजोणिए णं भंते ! जे भविए रयणप्पभापुढवि जाव उववजित्तए से णं भंते !
