________________
वि०प० स० २४ उ०१] सुत्तागमे
८२१ सागरोवमट्टिईएसु उक्कोसेणवि सागरोवमट्टिईएसु उववजेजा, ते णं भंते ! जीवा सो चेव सत्तमो गमओ निरवसेसो भाणियन्वो जाव भवादेसोत्ति, कालादेसेणं जहन्नेणं सागरोवमं पुवकोडीए अभहियं उक्कोसेणं चत्तारि सागरोवमाइं चउहिं पुव्वकोडीहिं अन्भहियाई एवइयं जाव करेजा ९ । एवं एए णव गमगा उक्खेवनिक्खेवओ नवसुवि जहेव असन्नीणं ॥ ६९३ ॥ पजत्तसंखेजवासाउयसन्निपंचिंदियतिरिक्खजोणिए णं भंते । जे भविए सक्करप्पभाए पुढवीए णेरइएसु उववजित्तए से णं भंते ! केवइयकालट्ठिईएसु उववज्जेज्जा ? गोयमा ! जहण्णेणं सागरोवमहिईएसु उववज्जेजा, उक्कोसेणं तिसागरोत्रमट्टिईएसु उववजेजा, ते णं भंते ! जीवा एगसमएणं एवं जहेव रयणप्पभाए उववजंत(गम)गस्स लद्धी सच्चेव निरवसेसा भाणियव्वा जाव भवादेसोत्ति, कालादेसेणं जहन्नेणं सागरोवमं अंतोमुहुत्तमब्भहियं उक्कोसेणं बारससागरोवमाइं चउहि पुत्वकोडीहिं अब्भहियाइं एवइयं जाव करेजा १, एवं रयणप्पभापुढविगमगसरिसा णववि गमगा भाणियव्वा नवरं सव्वगमएसुवि नेरइयढिई(य)संवेहेसु सागरोवमा भाणियव्वा एवं जाव छट्ठीपुढवित्ति, णवरं नेरइयठिई जा जत्थ पुढवीए जहन्नुक्कोसिया सा तेणं चेव कमेणं चउरगुणा कायव्वा, वालुयप्पभाए पुढवीए अट्ठावीसं सागरोवमा चउगुणिया भवंति, पंकप्पभाए चत्तालीसं, धूमप्पभाए अट्ठसडिं, तमाए अट्ठासीई, संघयणाई वालुयप्पभाए पंचविहसंघयणी तं०-वइरोसभनारायसंघयणी जाव कीलियासंघयणी, पंकप्पभाए चउव्विहसंघयणी, धूमप्पभाए तिविहसंघयणी, तमाए दुविहसंघयणी तं०-वइरोसभनारायसंघयणी य उसभनारायसंघयणी य, सेसं तं चेव ॥ पज्जत्तसंखेजवासाउय जाव तिरिक्खजोणिए णं भंते ! जे भविए अहेसत्तमाए पुढवीए नेरइएसु उववजित्तए से णं भंते ! केवइयकालट्ठिईएसु उववजेजा ? गोयमा ! जहन्नेणं वावीससागरोवमट्टिईएसु उक्को. सेणं तेत्तीससागरोवमट्टिईएसु उववजेजा, ते णं भंते ! जीवा एवं जहेव रयणप्पभाए णव गमगा लद्धीवि सच्चेव णवरं वइरोसभणारायसंघयणी, इत्थिवेदगा न उववज्जति सेसं तं चेव जाव अणुवंधोत्ति, संवेहो भवादेसेणं जहन्नेणं तिन्नि भवग्गहणाई उक्कोसेणं सत्त भवग्गहणाई, कालादेसेणं जहण्णेणं बावीसं सागरोवमाई दोहिं अतोमुहुत्तेहि अन्भहियाई उक्कोसेणं छावहिँ सागरोवमाइं चउहि पुत्वकोडीहि अब्भहियाइं एवइयं जाव करेजा १, सो चेव जहन्नकालट्ठिईएसु उववन्नो सच्चेव वत्तव्वया जाव भवादेसोत्ति, कालादेसेणं जहन्नेणं कालादेसोवि तहेव जाव चउहिं पुव्वकोडीहिं अब्भहियाई एवइयं जाव करेजा २, सो चेव उक्कोसकालट्ठिईएसु उववण्णो सच्चेव लद्धी जाव अणुबंधोत्ति, भवादेसेणं जहन्नेणं तिन्नि भवग्गहणाई
