________________
सुत्तागले
[भायारे३४ पविसिज्ज वा णिक्खमिज वा ॥५२९॥ से भिक्खू वा भिक्खुणी वा, वहिया वियारभूमि वा, विहारभूमि वा, णिक्खममाणे पविसमाणे वा, णो अण्णउत्थिएण वा गारथिएण वा परिहारिओ वा अपरिहारिएण सद्धि बहिया वियारभूमि वा विहारभूमि वा णिक्खमिज वा पविसिज्ज वा ॥५३०॥ से भिक्खू वा भिक्खुणी वा जाव पविढे समाणे से णो अण्णउत्थिअस्स वा गारत्थियस्स वा परिहारिओ वा अपरिहारिअस्स वा असणं पाणं खाइमं साइमं वा देजा अणुपदेजा वा ॥ ५३१ ॥ से भिक्खू वा भिक्खुणी वा गामाणुगाम दूइजमाणे णो अण्णउत्थिएण वा गारथिएण वा, परिहारिओ अपरिहारिएण वा, सद्धि गामाणुगामं दूइजिजा ॥ ५३२ ॥ से भिक्खू वा भिक्खुणी वा जाव पविढे समाणे से जं पुण जाणिज्जा, असणं वा (४) अस्संपडियाए एर्ग साहम्मियं समुद्दिस्स पाणाई, भूयाइं जीवाइं, सत्ताइं समारब्भ समुद्दिस्स कीयं पामिचं अच्छिजं अणिसटुं अभिहडं आहट्ट चेएइ तं तहप्पगारं असणं वा (४) पुरिसंतरकडं अपुरिसंतरकडं वा बहिया णीहडं वा अणीहडं वा अत्तट्टियं वा अणत्तट्ठियं वा, परिभुत्तं वा अपरिभुत्तं वा आसेवियं वा अणासेवियं वा अफासुयं जाव णो पडिगाहिजा ॥ ५३३ ॥ एवं वहवे साहम्मिया, एगा साहम्मिणी, वहवे साहम्मिणीओ समुद्दिस्स चत्तारि आलावगा भाणियव्वा ॥५३४ ॥ से भिक्खू वा (२) गाहावइकुलं जाव पविढे समाणे से जं पुण जाणिज्जा, असणं वा (४) वहवे समणमाहणअतिहिकिवणवणीमए पगणिय पगणिय समुद्दिस्स पाणाई वा ४ जाव समारब्भ आसेवियं वा अफासुयं अणेसणिजति मण्णमाणे लाभे संते जाव णो पडिगाहिजा ॥ ५३५ ॥ से भिक्खू वा (२) गाहावइकुलं जाव पविठे समाणे से जं पुण जाणेजा, असणं वा (४) बहवे समणमाहणअतिहिकिवणवणीमए समुहिस्स पाणाई (४) आहट्ट चेएइ, तं तहप्पगारं असणं वा (४) अपुरिसंतरकडं अवहिया णीहडं अणत्तद्वियं अपरिभुत्तं अणासेवितं अफासुयं अणेसणिज्जं जाव णो पडिगाहिजा ॥ ५३६ ॥ अह पुण एवं जाणिज्जा पुरिसंतरकडं वहिया णीहर्ड अत्तठ्ठियं परिभुत्तं आसेवियं फासुयं एसणिजं जाव पडिगाहिजा ॥ ५३७ ॥ से भिक्खू वा (२) गाहावइकुलं पिंडवायपडियाए पविसित्तु कामे से जाइं पुण कुलाई जाणिज्जा, इमेसु खलु कुलेसु णितिए पिडे दिज्जइ, णितिए अग्गपिडे दिज्जइ, णितिए भाए दिजइ, अवठ्ठभाए दिजइ, तहप्पगाराइं कुलाई णितियाई णितिओमाणाई, णो भत्ताए वा णो पाणाए वा पविसिज्ज वा णिक्खमिज वा ॥ ५३८ ॥ एयं खलु तस्स भिक्खुस्स वा भिक्खुणीए वा सामग्गियं जं सव्वठेहिं समिए सहिए सयाजए त्ति बेमि ॥ ५३९ ॥ पढमोद्देसो समत्तो॥
