________________
३
अ० १-उ० १] सुत्तागमे णमो त्थु णं समणस्स भगवओ णायपुत्त-महावीरस्स
विइये सुयक्खंधे से भिक्खू वा, भिक्खुणी वा, गाहावइकुलं पिंडवायपडियाए अणुपविठे समाणे, से जं पुणजाणेज्जा असणं वा पाणं वा खाइमं वा साइमं वा पाणेहिं वा पणएहिं वा वीएहिं वा, हरिएहिं वा, संसत्तं उम्मिस्सं सीओदएण वा ओसित्तं, रयसा वा परिघासियं, तहप्पगारं असणं वा पाणं वा खाइमं वा साइमं वा, परहत्यंसि वा परपायंसि वा, अफासुयं अणेसणिजति मण्णमाणे लाभेवि संते णो पडिगाहेजा ॥ ५२३ ॥ से य आहच पडिग्गहिए सिया से तं आयाय एर्गतमवक्कमेजा, एगंतमवक्कमित्ता अहे आरामसि वा अहे उवस्सयंसि वा, अप्पंडे-अप्पपाणे-अप्पबीए, अप्पहरिए, अप्पोसे, अप्पोदए, अप्पुत्तिंग-पणग-दग-मट्टियमक्कडासंताणए विगिंचिय विगिचिय उम्मीसं विसोहिय विसोहिय तओ संजयामेव भुजिज्ज वा, पीइज्ज वा, जं च णो संचाइज्जा भोत्तए वा पायए वा, से तमायाय एगंतमवक्कमिज्जा, एगंतमवक्कमित्ता, अहे ज्झामथंडिलंसि वा, किट्टरासिसि वा, तुसरासिसि वा, सुक्कगोमयरासिंसि वा अण्णयरंसि वा तहप्पगारंसि थंडिलंसि पडिलेहिय २ पमज्जिय २ तओ संजयामेव परिछुविजा ।। ५२४ ॥ से भिक्खू वा, भिक्खुणी वा, गाहावइकुलं पिडवायपडियाए अणुपविढे समाणे, से जाओ पुण ओसहीओ जाणेज्जा कसिणाओ सासिआओ अविदलकडाओ अतिरिच्छछिन्नाओ, अव्वोच्छिन्नाओ तरुणियं वा छिवाडि अणभिकंतभज्जियं पेहाए, अफासुर्य अणेसणिज्जति मण्णमाणे लाभे संते णो पडिगाहिज्जा ॥ ५२५ ॥ से भिक्खू वा, भिक्खुणी वा, जाव. पविढे समाणे से जाओ पुण ओसहीओ जाणेज्जा, अकसिणाओ असासियाओ, विदलकडाओ, तिरिच्छछिन्नाओ, वोच्छिण्णाओ, तरुणि वा छिवाडि अभिकंतं भज्जियं पेहाए फासुयं एसणिज्जति मण्णमाणे लामे संते पडिगाहेजा ॥ ५२६ ॥ से भिक्खू वा भिक्खुणी वा जाव पविढे समाणे से जं पुण जाणेजा, पिहुयं वा बहुरयं वा, भुज्जियं वा, मंथु वा, चाउलं वा, चाउलपलंवं वा, सई संभज्जियं, अफासुयं अणेसणिजं मण्णमाणे लामे संते णो पडिगाहिज्जा ॥ ५२७ ॥ से भिक्खू वा, भिक्खुणी वा, जाव पविढे समाणे से जं घुण जाणिज्जा, पिहुयं वा जाव चाउलपलंब वा असई भज्जियं दुक्खुत्तो वा भजियं तिक्खुत्तो वा भज्जियं फासुयं एसणिजं जाव लाभे संते पडिगाहिजा ॥५२८॥ से भिक्खु वा भिक्खुणी वा, गाहावइकुलं जाव पविसिउकामे णो अन्नउत्थिएण वा गारथिएण वा परिहारिओ वा अपरिहारिएणं सद्धिं गाहावइकुलं पिंडवायपडियाए
३ सुत्ता.
