________________
७७६
सुत्तागमे
[भगवई
मसे तिहिं वासलात आणयपाणयआर
कम्मसे एगेण बालवयंति,
देवा अणते कम्मंसे चउहि वास जाव खवयंति, चंदिमसूरिया जोइसिंदा जोइसरायाणो अणंते कम्मंसे पंचहिं वाससएहिं खवयंति, सोहम्मीसाणगा देवा अणंते कम्मंसे एगेणं वाससहस्सेणं (जाव) खवयंति, सणंकुमारमाहिंदगा देवा अणंते कम्मसे दोहिं वाससहस्सेहिं खवयंति, एवं एएणं अभिलावेणं बंभलोगलंतगा देवा अणंते कम्मंसे तिहिं वाससहस्सेहिं खवयंति, महासुक्कसहस्सारगा देवा अणंते कम्मंसे चउहिं वाससहस्सेहिं खवयंति, आणयपाणयआरणअच्चुयगा देवा अणंते कम्मंसे पंचहिं वाससहस्सेहिं खवयंति, हेहिमगेवेजगा देवा अणंते कम्मंसे एगेणं वाससयसहस्सेगं खवयंति, मज्झिमगेवेजगा देवा अणंते कम्मंसे दोहिं वाससयसहस्सेहिं खवयंति, उवरिमगेवेजगा देवा अगंते कम्मंसे तिहिं वाससयसहस्सेहिं खवयंति, विजयवेजयंतजयंतअपराजियगा देवा अणंते कम्मंसे चउहिं वाससयसहस्सेहिं खवयंति, सव्वट्ठसिद्धगा देवा अणंते कम्मंसे पंचहिं वाससयसहस्सेहिं खवयंति, एएणं गोयमा ! ते देवा जे अणंते कम्मसे जहन्नेण एक्केण वा दोहिं वा तिहिं वा उक्कोसेणं पंचहिं वाससएहिं खवयंति, एएणं गोयमा! ते देवा जाव पंचहिं वाससहस्सेहिं खवयंति, एएणटेणं गोयमा ! ते देवा जाव पंचहिं वाससयसहस्सेहिं खवयंति । सेवं भंते ! सेवं भंते ! त्ति ॥ ६३७ ॥ अट्ठारसमस्स सयस्स सत्तमो उद्देसो समत्तो॥
रायगिहे जाव एवं वयासी-अणगारस्स णं भंते ! भावियप्पणो पुरओ दुहओ जुगमायाए पेहाए रीयं रीयमाणस्स पायस्स अहे कुकुडपोए वा वट्टापोए वा कुलिंगच्छाए वा परियावजेज्जा, तस्स णं भंते ! कि इरियावहिया किरिया कजइ, संपराइया किरिया कजइ ? गोयमा ! अणगारस्स णं भावियप्पणो जाव तस्स णं इरियावहिया किरिया कज्जइ, नो संपराइया किरिया कज्जइ, से केणतुणं भंते ! एवं वुच्चइ०? जहा सत्तमसए संवुडुद्देसए जाव अट्ठो निक्खित्तो। सेवं भंते ! सेवं भंते ! त्ति जाव विहरइ ॥ तए णं समणे भगवं महावीरे बहिया जाव विहरइ ॥ ६३८ ॥ तेणं कालेणं तेणं समएणं रायगिहे जाव पुढविसिलापट्टए, तस्स णं गुणसिलयस्स उजाणस्स अदूरसामंते बहवे अन्नउत्थिया परिवसंति, तए णं समणे भगवं महावीरे जाव समोसढे जाव परिसा पडिगया, तेणं कालेणं तेणं समएणं समणस्स भगवओ महावीरस्स जेटे अंतेवासी इंदभूई नामं अणगारे जाव उ© जाणू जाव विहरइ, तए णं ते अन्नउत्थिया जेणेव भगवं गोयमे तेणेव उवागच्छन्ति उवागच्छइत्ता भगवं गोयम एवं वयासी-तुब्भे णं अज्जो ! तिविहं तिविहेणं असंजय जाव एगंतबाला यावि भवह, तए णं भगवं गोयमे ते अन्नउत्थिए एवं वयासी-से केणं कारणेणं अजो! अम्हे तिविहं तिविहेणं असंजय जाव एगंतबाला यावि भवामो ?, तए णं ते अन्न
