________________
।
७४५
वि० प० स० १६ उ० ५] सुत्तागमे मित्तए ? हंता पभू, देवे णं भंते ! महिड्डिए एवं एएणं अभिलावेणं गमित्तए २, एवं भासित्तए वा वा(विया)गरित्तए वा ३, उम्मिसावेत्तए वा निम्मिसावेत्तए वा ४, आउंटावेत्तए वा पसारेत्तए वा ५, ठाणं वा सेजं वा निसीहियं वा चेइत्तए वा ६, एवं विउव्वित्तए वा ७, एवं परियारावेत्तए वा ८ जाव हंता पभू, इमाइं अट्ठ उक्खित्तपसिणवागरणाइं पुच्छइ इमाइं० २ त्ता संभंतियवंदणएणं वंदइ संभंतिय० २ त्ता तमेव दिव्वं जाणविमाणं दुरूहइ २ त्ता जामेव दिसिं पाउन्भूए तामेव दिसि पडिगए ॥५७२॥ भंते ! त्ति भगवं गोयमे समणं भगवं महावीरं वंदइ नमसइ वं०२ त्ता एवं वयासी-अन्नया णं भंते ! सके देविंदे देवराया देवाणुप्पियं वंदइ नमसइ सकारेइ जाव पजुवासइ, किणं भंते ! अज सक्ने देविंदे देवराया देवाणुप्पियं अट्ठ उक्खित्तपसिणवागरणाइं पुच्छइ २ त्ता संभंतियवंदणएणं वंदइ णमंसइ वं० २ त्ता जाव पडिगए ? गोयमादि समणे भगवं महावीरे भगवं गोयमं एवं वयासी-एवं खलु गोयमा! तेणं कालेणं तेणं समएणं महासक्ने कप्पे महासामाणे विमाणे दो देवा महिड्डिया जाव महेसक्खा एगविमाणंसि देवत्ताए उववन्ना, तं०-माइमिच्छद्दिट्ठिउववन्नए य अमाइसम्मद्दिटिउववन्नए य, तए णं से माइमिच्छादिट्ठिउववन्नए देवे तं अमाइसम्मदिट्ठिउववन्नगं देवं एवं वयासी-परिणममाणा पोग्गला नो परिणया अपरिणया, परिणमंतीति पोग्गला नो परिणया अपरिणया, तए णं से अमाइसम्मद्दिहिउववन्नए देवे तं माइमिच्छद्दिविउववन्नगं देवं एवं वयासी-परिणममाणा पोग्गला परिणया नो अपरिणया, परिणमंतीति पोग्गला परिणया नो अपरिणया,तं माइमिच्छदिहिउववन्नगं देवं एवं पडिहणइ २ त्ता ओहिं पउंजइ २ त्ता ममं ओहिणा आभोएइ ममं० २ त्ता अयमेयारवे जाव समुप्पजित्था-एवं खलु समणे भगवं महावीरे जंबुद्दीवे २ जेणेव भारहे वासे जेणेव उल्लयातीरे नयरे जेणेव एगजंतुए उजाणे अहापडिरूवं जाव विहरइ, तं सेयं खलु मे समणं भगवं महावीरं वंदित्ता जाव पज्जुवासित्ता इमं एयारूवं वागरणं पुच्छित्तएत्तिकट्ठ एवं संपेहेइ एवं संपेहित्ता चउहिवि सामाणियसाहस्सीहि परियारो जहा सूरियाभस्स जाव निग्घोसनाइयरवेणं जेणेव जंबुद्दीवे २ जेणेव भारहे वासे जेणेव उल्लुयातीरे नयरे जेणेव एगजंबुए उजाणे जेणेव ममं अंतिए तेणेव पहारेत्य गमणाए, तए णं से सक्के देविदे देवराया तस्स देवस्स तं दिव्वं देविड्डि दिव्वं देवजुइं दिव्वं देवाणुभा(वं)गं दिव्वं तेयलेस्स असहमाणे ममं अट्ठ उक्खित्तपसिणवागरणाइं पुच्छइ २ त्ता संभंतिय जाव पडिगए॥५७३॥ जावं च णं समणे भगवं महावीरे भगवओ गोयमस्स एयमलु परिकहेइ तावं च णं से देवे तं देसं हन्वमागए, तए णं से देवे समणं भगवं महावीरं तिक्खुत्तो वंदइ
