________________
७४४
सुत्तागमे
[भगवई
इणढे समढे, जावइयन्नं भंते ! दसमभत्तिए समणे निग्गंथे कम्मं निजरेड् एवइयं कम्म नरएसु नेरइया वासकोडीए वा वासकोडीहिं वा वासकोडाकोडीए वा खवयंति ? नो इणढे समढे, से केणटेणं भंते ! एवं वुच्चइ जावइयं अन्न(इ)गिलायए समणे निग्गथे कम्मं निजरेइ एवइयं कम्मं नरएसु नेरइया वासेण वा वासेहिं वा वाससएण वा (जाव) वास-(सय) सहस्सेण वा नो खवयंति, जावइयं चउत्थभत्तिए एवं तं चेव पुव्वभणियं उच्चारेयव्वं जाव वासकोडाकोडीए वा नो खवयंति ? गोयमा ! से जहानामए-केइ पुरिसे जुन्ने जराजजरियदेहे सिढिलतयावलितरंगसंपिणद्धगत्ते पविरलपरिसडियदंतसेढी उण्हाभिहए तण्हाभिहए आउरे झुझिए पिवासिए दुबले किलंते एगं महं कोसंवगंडियं सुक्नं जडिलं गठिलं चिक्कण वाइद्धं अपत्तियं मुंडेण परसुणा अक्कमेज्जा, तए णं से पुरिसे महंताई २ सद्दाइं करेइ नो महंताई २. दलाई अवद्दालेइ, एवामेव गोयमा! नेरइयाणं पावाइं कम्माइं गाढीकयाइं चिकणीकयाइं एवं जहा छट्ठसए जाव नो महापजवसाणा भवंति, से जहानामए-केइ पुरिसे अहिंगरणिं आउडेमाणे महया जाव नो महापज्जवसाणा भवंति, से जहानामए-केइ पुरिसे तरुणे वलवं जाव मेहावी निउणसिप्पोवगए एगं महं सामलिगंडियं उल्लं अजडिलं अगंठिलं अचिक्कणं अवाइद्धं सपत्तियं अइतिक्खेण परसुणा अकमेजा, तए णं से पुरिसे नो महंताई २ सदाइं करेइ, महंताई २ दलाइं अवदालेइ, एवामेव गोयमा ! समणाणं निग्गंथाणं अहावायराई कम्माइं सिढिलीकयाई णिट्ठियाई कयाइं जाव खिप्पामेव परिविद्धत्थाई भवंति, जावइयं तावइयं जाव महापजवसाणा भवंति, से जहा वा केइ पुरिसे सुक्कतणहत्थगं जायतेयंसि पक्खिवेजा, एवं जहा छट्ठसए तहा अयोकवल्लेवि जाव महापज्जवसाणा भवंति, से तेणटेणं गोयमा ! एवं बुच्चइ जावइयं अन्नगिलायए समणे निग्गंथे कम्मं निजरेइ तं चेव जाव वासकोडाकोडीए वा नो खवयंति ॥ सेवं भंते । सेवं भंते ! ति जाव विहरइ ॥ ५७१ ।। सोलसमस्त सयस्स चउत्थो उद्देसो समत्तो॥
तेणं कालेणं तेणं समएणं उल्ल्यातीरे नामं नयरे होत्था वन्नओ, एगजंबुए उज्जाणे वन्नओ, तेणं कालेणं तेणं समएणं सामी समोसढे जाव परिसा पन्जुवासइ, तेणं कालेणं तेणं समएणं सक्ने देविंदे देवराया वजपाणी एवं जहेव बिइए उद्देसए तहेव दिवेणं जाणविमाणेणं आगओ जाव जेणेव समणे भगवं महावीरे तेणेव उवागच्छई.२ त्ता जाव नमंसित्ता एवं वयासी-देवे णं भंते ! महिड्डिए जाव महेसक्खे बाहिरए पोग्गले अपरियाइत्ता पभू आगमित्तए ? नो इणढे समढे, देवे णं भंते ! महिडिए जाव महेसक्खे बाहिरए पोग्गले परियाइत्ता पभू आग
