________________
वि० ५० स० १६ उ०२] सुत्तागमे
७४१ तंजहा-सोइंदिए जाव फासिदिए, कइविहे णं भंते ! जोए पण्णत्ते ? गोयमा ! तिविहे जोए पण्णत्ते, तंजहा-मणजोए वइजोए कायजोए ॥ जीवे णं भंते ! ओरालियसरीरं निव्वत्तेमाणे कि अहिगरणी अहिगरणं ? गोयमा ! अहिगरणीवि अहिगरणंपि, से केणटेणं भंते ! एवं वुच्चइ अहिगरणीवि अहिगरणंपि ? गोयमा! अविरइं पडुच्च, से तेणटेणं जाव अहिगरणंपि, पुढविकाइए णं भंते ! ओरालियसरीरं निव्वत्तेमाणे किं अहिंगरणी अहिगरणं ? एवं चेव, एवं जाव मणुस्से । एवं वेउव्वियसरीरंपि, नवरं जस्स अत्थि । जीवे णं भंते ! आहारगसरीरं निव्वत्तेमाणे किं अहिगरणी० पुच्छा, गोयमा ! अहिगरणीवि अहिगरणंपि, से केणटेणं जाव अहिगरणंपि? गोयमा ! पमायं पडुच्च, से तेणटेणं जाव अहिंगरणपि, एवं मणुस्सेवि, तेयासरीरं जहा ओरालियं, नवरं सव्वजीवाणं भाणियव्वं, एवं कम्मगसरीरंपि । जीवे णं भंते ! सोईदियं निव्वत्तेमाणे किं अहिगरणी अहिगरणं? एवं जहेव ओरालियसरीरं तहेव सोइंदियंपि भाणियव्वं, नवरं जस्स अत्यि सोइंदियं, एवं चक्खिदियघाणिदियजिभिदियफासिंदियाणवि, नवरं जाणियव्वं जस्स जं अस्थि । जीवे गं भंते ! मणजोगं निव्वत्तेमाणे किं अहिगरणी अहिंगरणं ? एवं जहेव सोइंदियं तहेव निरवसेसं, वइजोगो एवं चेव, नवरं एगिदियवज्जाणं, एवं कायजोगोवि, नवरं सव्वजीवाणं जाव वेमाणिए । सेवं भंते ! २ त्ति ॥ ५६४ ॥ सोलसमस्त सयस्स पढमो उद्देसो समत्तो।।
रायगिहे जाव एवं वयासी-जीवाणं भंते! कि जरा सोगे ? गोयमा ! जीवाणं जरावि सोगेवि, से केणढेणं भंते ! एवं बुच्चइ जाव सोगेवि ? गोयमा ! जे णं जीवा सारीरं वेयणं वेदेति तेसि णं जीवाणं जरा, जे णं जीवा माणसं वेयणं वेदेति तेसि णं जीवाणं सोगे, से तेणटेणं जाव सोगेवि, एवं नेरइयाणवि, एवं जाव थणियकुमाराणं, पुढविकाइयाणं भंते! किं जरा सोगे ? गोयमा ! पुढविकाइयाणं जरा नो सोगे, से केणटेणं जाव नो सोगे ? गोयमा ! पुढविकाइया णं सारीरं वेयणं वेति नो माणसं वेयणं वेदेति, से तेणटेणं जाव नो सोगे, एवं जाव चउरिंदियाणं, सेसाणं जहा जीवाणं जाव वेमाणियाणं, सेवं भंते ! २ त्ति जाव पजुवासइ ॥ ५६५ ॥ तेणं कालेणं तेणं समएणं सक्ने देविंदे देवराया वजपाणी पुरंदरे जाव भुंजमाणे विहरइ, इमं च णं केवलकप्पं जंबुद्दीवं २ विउलेणं ओहिणा आभोएमाणे २ पासइ समणं भगवं महावीरं जंबुद्दीवे दीवे एवं जहा ईसाणे तइयसए तहेव सनोवि नवरं आभिओगे ण सद्दावेइ हरी पायत्ताणियाहिवई, सुघोसा घंटा, पालओ विमाणकारी पालगं विमाणं, उत्तरिल्ले निजाणमग्गे, दाहिणपुरच्छिमिल्ले रइकरगपव्वए सेसं तं चेव
