________________
७४०
सुत्तागमे
[भगवई
अन्नवि तत्थ वाउयाए वक्कमइ, न विणा वाउयाएणं अगणिकाए उजलइ ॥ ५६१ ॥ पुरिसे णं भंते ! अयं अयकोढुसि अयोमएणं संडासएणं उव्विहमाणे वा पविहमाणे वा कइकिरिए ? गोयमा ! जावं च णं से पुरिसे अयं अयकोटुंसि अयोमएणं संडासएणं उव्विहिइ वा पव्विहिइ वा तावं च णं से पुरिसे काइयाए जाव पाणाइवायकिरियाए पंचहिं किरियाहिं पुढे, जेसिंपिय णं जीवाणं सरीरेहितो अए निव्वत्तिए अयकोढे निव्वत्तिए संडासए निव्वत्तिए इंगाला निव्वत्तिया इंगालकडिणी निव्वत्तिया भत्था निव्वत्तिया तेवि णं जीवा काइयाए जाव पंचहि किरियाहिं पुट्ठा। पुरिसे णं भते ! अयं अयकोट्ठाओ अयोमएणं संडासएणं गहाय अहिगरणिसि उक्खिवमाणे वा निक्खिवमाणे वा कइकिरिए ? गोयमा! जावं च णं से पुरिसे अयं अयकोटाओ जाव 'निक्खिवइ वा तावं च णं से पुरिसे काइयाए जाव पाणाइवायकिरियाए पंचहि किरियाहिं पुढे, जेसिंपिय णं जीवाणं सरीरेहितो अए निव्वत्तिए संडासए निव्वत्तिए चम्मेढे निव्वत्तिए मुट्ठिए निव्वत्तिए अहिगरणी निव्वत्ति(ए)या अहिंगरणिखोडी णिव्वत्तिया उदगदोणी णिव्वत्तिया अहिगरणसाला निव्वत्तिया तेविय णं जीवा काइयाए जाव पंचहिं किरियाहिं पुट्ठा ॥५६२॥ जीवे णं भंते ! कि अहिगरणी अहिगरणं ? गोयमा ! जीवे अहिगरणीवि अहिंगरणंपि, से केणटेणं भंते ! एवं बुच्चइ जीवे अहिगरणीवि अहिंगरणंपि ? गोयमा ! अविरई पडुच्च, से तेणटेणं जाव अहिंगरणंपि ॥ नेरइए णं भंते ! कि अधिगरणी अधिगरणं ? गोयमा ! अहिगरणीवि अहिगरणंपि, एवं जहेव जीवे तहेव नेरइएवि, एवं निरंतरं जाव वेमाणिए ॥ जीवे णं भंते ! किं साहिगरणी निरहिगरणी ? गोयमा ! साहिगरणी नो निरहिगरणी, से केणटेणं पुच्छा, गोयमा ! अविरइं पडुच्च, से तेणटेणं जाव नो निरहिगरणी, एवं जाव वेमाणिए ॥ जीवे णं भंते ! कि आयाहिगरणी पराहिगरणी तदुभयाहिगरणी ? गोयमा ! आयाहिगरणीवि पराहिगरणीवि तदुभयाहिगरणीवि, से केणटेणं भंते! एवं वुच्चइ जाव तदुभयाहिगरणीवि ? गोयमा ! अविरई पडुच्च, से तेणढेणं जाव तदुभयाहिगरणीवि, एवं जाव वेमाणिए ॥ जीवाणं भंते ! अहिगरणे किं आयप्पओगनिव्वत्तिए परप्पओगनिव्वत्तिए तदुभयप्पओगनिव्वत्तिए ? गोयमा! आयप्पओगनिव्वत्तिएवि परप्पओगनिव्वत्तिएवि तदुभयप्पओगनिव्वत्तिएवि, से केणटेणं भंते ! एवं वुच्चइ० ? गोयमा ! अविरई पडुच्च, से तेणटेणं जाव तदुभयप्पओगनिव्वत्तिएचि, एवं जाव वेमाणियाणं ॥५६३॥ कइ णं भंते ! सरीरगा पण्णत्ता ? गोयमा । पंच सरीरगा पण्णत्ता, तंजहा-ओरालिए जाव कम्मए । कइ णं भंते ! इंदिया पण्णत्ता? गोयमा ! पंच इंदिया पण्णत्ता,
