________________
७२०
सुत्तागमे
[भगवई मंखलिपुत्ते ममं एवं वयासी-एवं खलु आणंदा ! इओ चिराईयाए अद्धाए केइ उच्चावया वणिया एवं तं चेव सव्वं निरवसेसं भाणियव्वं जाव नियगं नयरं साहिए तं गच्छह गं तुमं आणंदा! तव धम्मायरियस्स धम्मोवएसगस्स जाव परिकहेहि ॥ ५४६ ॥ तं पभू णं भंते ! गोसाले मंखलिपुत्ते तवेणं तेएणं एगाहचं कूडाहचं भासरासिं करेत्तए, विसए णं भंते ! गोसालस्स मंखलिपुत्तस्स जाव करेत्तए; समत्थे णं भंते ! गोसाले मंखलिपुत्ते तवेणं जाव करेत्तए ? पभू णं आणंदा ! गोसाले मंखलिपुत्ते तवेणं जाव करेत्तए, विसए णं आणंदा ! गोसाले जाव करेत्तए, समत्थे णं आणंदा ! गोसाले जाव करेत्तए, नो चेवणं. अरिहंते भगवंते, परियावणियं पुण करेजा, जावइएणं आणंदा ! गोसालस्स मंखलिपुत्तस्स तवतेए एत्तो अणतगुणविसिट्टतराए चेव तवतेए अणगाराणं भगवंताणं, खंतिखमा पुण अणगारा भगवंतो, जावइएणं आणंदा ! अणगाराणं भगवंताणं तवतेए एत्तो अणंतगुणविसिट्ठतराए चेव तवतेए थेराणं भगवंतागं, खंतिखमा पुण थेरा भगवंतो, जावईएणं आणंदा! थेराणं भगवंताणं तवतेए एत्तो अणंतगुणविसिद्वितराए चेव तवतेए अरिहंताणं भगवंताणं, खंतिखमा पुण अरहंता भगवंतो, तं पभू णं आणंदा! गोसाले मंखलिपुत्ते तवेणं तेएणं जावं करेत्तए, विसए णं आगंदा ! जाव करेत्तए, समत्थे णं आणंदा ! जाव करेत्तए, नो चेव णे अरिहंते भगवंते, पारियावणियं पुण करेजा ॥ ५४७ ॥ तं गच्छ णं तुमं आणंदा ! गोयमाईणं समणाणं निग्गंथाणं एयमद्वं परिकहेहि-मा णं अजो! तुभं केइ गोसालं मंखलिपुत्तं धम्मियाए पडिचोयणाए पडिचोएउ, धम्मियाए पडिसारणाए पडिसारेउ, धम्मिएणं पडोयारेणं पडोयारेउ, गोसाले णं मंखलिपुत्ते समणेहिं निग्गंथेहि मिच्छ विप्पडिवन्ने, तए णं से आणंदे थेरे समणेणं भगवया महावीरेणं एवं वुत्ते समाणे समणं भगवं महावीरं वंदइ नमसइ वं० २ त्ता जेणेव गोयमाइसमणा निग्गंथा तेणेव उवागच्छइ २ त्ता गोयमाइसमेणे निग्गथे आमंतेइ २ त्ता एवं वयासी-एवं खलु अज्जो! छटुक्खमणपारणगंसि समणेणं भगवया महावीरेणं अब्मणुन्नाए- समाणे सावत्थीए नयरीए उच्चनीय तं चेव सव्वं जाव णायपुत्तस्स एयमट्ठ परिकहेहि, तं माणं अजो! तुम्भ केइ गोसालं मंखलिपुत्तं धम्मियाए पडिचोयणाए पडिचोएउजावे मिच्छं विप्पडिवन्ने ॥ ५४८ ॥ जावं च णं आणंदे थेरे गोयमाईणं समणाणं निग्गंथाणं एयमद्वं परिकहेइ तावं च णं से -गोसाले मंखलिपुत्ते हालाहलाए कुंभकारीए कुंभकारावणाओ पडिनिक्खमइ पडिनिक्खमित्ता आजीवियसंघसंपरिबुडे महया अमरिसं वहमाणे सिग्धं तुरियं जाव सावत्थि नयरिं मज्झमज्झेणं निग्गच्छइ २ त्ता जेणेव कोट्ठए उजाणे जेणेव समणे भगवं
