________________
७०६
सुत्तागमे
[ भगवई
देव
"
दिव्वं देवजुई दिव्वं देवाणुभा (वं ) गं दिव्वं बत्तीसइविहं नट्टविहिं उवदंसेत्तए, णो चेवणं तस्स पुरिसस्स किंचि आवाहं वा बाबाहं वा उप्पाएड़ छविच्छेदं वा करेइ, एसुहुमं च णं उवदंसेज्जा, से तेणद्वेणं जाव अव्वावाहा देवा २ ॥५३०॥ पभू णं भंते! सक्के देविंदे देवराया पुरिसस्स सीसं सपाणिणा असिणा छिंदित्ता कमंडलुंमि पक्खिवित्तए ? हंता पभू से कहमिदाणिं पकरेइ ? गोयमा ! छिंदिया छिंदिया चणं वा पक्खिवेज्जा, भिंदिया भिंदिया चणं वा पक्खिवेजा, कुट्टिया कुट्टिया चणं वा पक्खिवेज्जा, चुन्निया चुन्निया च णं वा पक्खिवेजा, तओ पच्छा खिप्पामेव पडिसंघाएजा, नो चेव णं तस्स पुरिसस्स किंचिवि आवाहं वा वावाहं वा उप्पाएजा, छविच्छेदं पुण करेइ, एहुमं च णं पक्खिवेजा ॥ ५३१ ॥ अस्थि णं भंते ! जंभया देवा जंभया देवा ?, हंता अत्थि, से केणट्टेणं भंते ! एवं चुच्चइ जंभया देवा जंभया देवा ? गोयमा ! जंभगा णं देवा निचं पमुझ्यपक्कीलिया कंदप्परइमोहणसीला जेणं - ते देवे कुद्धे पासेज्जा से गं पुरिसे महंतं अयसं पाउणिज्जा, जे णं ते देवे तुट्ठे पासेज्जा से णं महंतं जसं पाउणेजा, से, तेणट्टेणं गोयमा ! जंभगा देवा २ ॥ कइविहा णं भंते ! जंभगा देवा पण्णत्ता ? गोयमा ! दसविहा पण्णत्ता, तंजहा - अन्नजंभगा पाणजंभगा वत्थजंभगा ले जंभगा सयणजंभगा पुप्फजंभगा फलजंभगा--पुप्फफलजंभगा विजाजंभगा अवियत्तजंभगा, जंभगा णं भंते । देवा कहिं वसहिं उवेंति ? गोयमा ! सव्वेसु चेव दीहवेयसु चित्तविचित्तजमगपव्वएस कुंचणपव्वएस य एत्थ णं जंभगा देवा वसहिं उवेंति । जंभगाणं भंते! देवाणं केवइयं कालं ठिई पण्णत्ता ? गोयमा ! एगं पलिओवमं ठिई पण्णत्ता । सेवं भंते 1 सेवं भंते ! त्ति जाव विहरइ ॥ ५३२ ॥ चोइसमे सए अट्टमो उद्देसो समत्तो ॥
}
अणगारे णं भंते! भावियप्पा अप्पणो कम्मलेस्सं न जाणइ न पासइ तं पुण जीवं सरूविं सकम्मग्रेस्सं जाणइ पासइ ? हंता गोयमा ! अणगारे णं भावियप्पा अप्पणो जाव पासइ ॥ अत्थि णं भंते । सरु (वी) वि सकम्मलेस्सा पोग्गला ओभासंति ४ ? हंता अत्थि ॥ कयरे णं भंते ! सरूवी सकम्मलेस्सा पोग्गला ओभासंति जावपभार्सेति ? ग्रोयमा ! - जाओ इमाओ चंदिमसूरियाणं देवानं विमाणेहिंतो लेस्साओ बहिया अभिनिस्सडाओ ताओ ओभासेंति जाव पभासेति एवं एएणं- गोयमा ! - ते सरूवी सकम्मलेस्सा-प्रोग्गला ओभासेति ४ ॥ ५३३ ॥ नेरइयाणं भंते! किं अत्ता पोग्गला अणत्ता पोगला ? गोयमा । नो - अत्ता-पोग्गला अणत्ता पोग्गला, असुरकुमारार्ण भंते ! किं अत्ता पोग्गला - अणत्ता- पोग्गला ? गोयमा ! अत्ता पोग्गला णो अणत्ता पोग्गला, एवं जाव थणियकुमाराणं, पुढविकाइयाणं पुच्छा, गोयमा ! अत्तावि पोग्गला
