________________
वि०५० स० १४ उ०८]
सुत्तागमे
७०५
अंतरे पण्णत्ते, सोहम्मीसाणाणं भंते ! संर्णकुमारमाहिंदाण य केवइयं० ? एवं चेव, सणंकुमारमाहिंदाणं भंते ! वंभलोगस्स य कप्पस्सं केवइयं० ? एवं चेव, वंभलोगस्स गं भंते ! लंतगस्स य कप्पस्स केवइंयं० ? एवं चेव, लंतगस्स णं भंते ! महासकस्स य कप्पस्स केवइयं०? एवं चेव, एवं महासुक्कस्स य कप्पस्स सहस्सारस्स य, एवं सहस्सारस्स आणयपाणयकप्पाणं, एवं आणयपाणयाण य कप्पाणं आरणचुयाण य कप्पाणं, एवं आरणचुयाणं गेविजविमाणाण य, एवं गेविजविमाणाणं अणुत्तरविमाणाण य । अणुत्तरविमाणाणं भंते ! ईसिप्पन्भाराए य पुढवीए केवइयं० पुच्छा, गोयमा ! दुवालसजोयणे अवाहाए अंतरे पण्णत्ते, ईसिप्पन्भाराए णं भंते ! पुटवीए अलोगस्स य केवइए अवाहाए० पुच्छा; गोयमा ! देसूणं जोयणं अवाहाए अंतरे पण्णत्ते ॥५२६॥ एस णं भंते ! सालक्खे उपहाभिहए तण्हाभिहए दवग्गिजा. लाभिहए कालमासे कालं किच्चा कहिं गच्छिहिइ कहिं उववजिहिइ ? गोंयमा ! इहेव रायगिहे नयरे साल रुक्खत्ताए पञ्चायाहिइ, से णं तत्थ अच्चियवंदियपूइयसकारियसम्माणिए दिव्वे सच्चे सच्चोवाए सन्निहियपाडिहेरे लाउल्लोइयमहिए यावि भविस्सइ, से णं भंते ! तओहिंतो अणंतरं उव्वत्तिा कहिं गमिहिइ कहिं उववजिहिइ ? गोयमा ! महाविदेहे वासे सिज्झिहिइ जाव अंतं काहिई। एसणं भंते ! साललट्ठिया उण्हाभिहया तण्हाभिहया दवग्गिजालाभिहया कालमासे कालं किच्चा जाव कहिं उववजिहिइ ? गोयमा ! इहेव जंबुद्दीवे २ भारहे वासे विझगिरिपायमूले महेस्सरीए नयरीए सामलिक्खत्ताए पञ्चायाहिइ, साणं तत्थ अच्चियवंदियपूइय जाव लाउल्लोइयमहिया यावि भविस्सइ, से णं भंते ! तओहिंतो अणंतरं उव्वटित्ता सेसं जहा सालरुक्खस्स जाव अंतं काहिई। एसणं भंते ! उंवरलट्ठिया उण्हाभिहया ३ कालमासे कालं किच्चा जाव कहिं उववजिहिंइ ? गोयमा! इहेव जंबुद्दीवे २ भारहे वासे पाडलिपुत्ते नयरे पाडलिरुक्खत्ताए पञ्चायाहिंइ, से णं तत्थ अच्चियवंदिय जाव भविस्सइ, से णं भंते ! अणंतरं उव्वट्टित्ता सेसं तं - चेव जाव ' अंर्त काहिइ ॥ ५२७ ॥ तेणं कालेणं तेणे' समएणं अम्मडस्स परिव्वायगस्स सत्त अंतेवासीसया गिम्हकालसमयंसि एवं जहा उववाइए जावं आरांहगा ॥ ५२८ ॥ बहुजणे णं भंते ! अन्नमन्नस्स एवमाइक्खइ ४ एवं खलु अम्मडे परिवायगे कंपिल्लपुरे नयरे घरसए एवं जहा उववाइए अम्मेडस्स वत्तव्वया जावं दढप्पइण्णो अंतं काहिइ ॥ ५२९ ॥ अत्यिं णं भंते ! अव्वावाहा देवा अव्वावाहा देवा? हता अस्थि, से केणटेणं भंते ! एवं बुचंइ अव्वाबाहा देवा २? गोयमा ! पभूःणं छुगर्मगे अव्वाबाहे देवे एगमेगस्स पुरिसस्स एगमेगंसि अच्छिपत्तंसि दिव्वं
४५ सुत्ता.
