________________
सुत्तागमे
[ भगवई
"
चउंरंसस्स संठाणस्स संठाणओ तुल्ले, समचउरंसे संठाणे समचउरंस संठाणवइरित्तस्स संठाणस्स संठाणओ नो तुल्ले, एवं परिमंडले, एवं जाव हुंडे, से तेणद्वेणं जाव संठाणतुल्लए २ ॥ ५२२ ॥ भत्तपच्चक्खायए णं भंते ! अणगारे मुच्छिए जाव अज्मोववन्ने आहारमाहारेइं अहे णं वीससाए कालं करेइ तओ पच्छा अमुच्छिए अगिद्धे जाव अणज्झोववन्ने आहारमाहारेइ ? हता गोयमा ! भत्तपच्चक्खायए णं अणगारे तं चेव, से केणद्वेणं भन्ते ! एवं बुच्च भत्तपच्चक्खायए णं तं चेव, गोयमा ! भत्तपञ्चक्खायए णं अणगारे मुच्छिए जाव अज्झोववन्ने आहारे भवइ, अहे णं वीससाए कालं करेइ तओ पच्छा अमुच्छिए जाव आहारे भवइ, से तेणट्टेणं गोयमा । जाव आहारमाहारेइ ॥.५२३ ॥ अस्थि णं भंते ! लवसत्तमा देवा २ ? हंता अस्थि, से केणद्वेणं भन्ते ! एवं वुच्चइ लवसत्तमा देवा २ ? गोयमा 1 से जहानामए - केइ पुरिसे तरुणे जाव ं निउणसिप्पोवगए सालीण वा वीहीण वा गोधूमाण वा जवाण वा जवजवाण वा प (पि)क्काणं परियाताणं हरियाणं हरियकंडाणं तिक्खेणं णवपजणणं असिअएणं पडिसाहरिया २ पडिसंखिविया २ जाव इणामेव (२) तिकट्टु सत्तलवए लुएंजा, जइ णं गोयमा ! तेसिं देवाणं एवइयं कालं आउए पहुप्पए तो णं ते देवा तेणं चेव भवग्गणेणं सिज्झ (ता) ति जाव अंत करेंति, से तेगठ्ठेणं जाव लवसत्तमा देवा लवसत्तमा देवा ॥ ५२४॥ अत्थि णं भंते । अणुत्तरोववाइया देवा २ ? हंता अत्थि, सेकेणणं भंते! एवं वुचई अणुत्तरोववाइया देवा २१ गोयमा ! अणुत्तरोववाइयाणं देवाणं अणुत्तरा सद्दा अणुत्तरा रूवा जाव अणुत्तरा फासा, से तेणद्वेणं गोयमा ! एवं बुच जाव अणुत्तरोववाइया देवा २ अणुत्तरोववांइया णं भंते । देवा केवइएणं कम्मावसेसेणं अणुत्तरोववाइय देवत्ताए उववन्ना ? गोयमा । जावइयं छट्टभत्तिए समणे निग्गंथे कम्मं निजरेइ एवइएणं कम्मावसेसेणं अणुत्तरोववाइया देवा देवत्ताए उववन्ना । सेवं भंते ! २त्ति ॥ ५२५॥ चोइसमे सर्प सत्तमो उद्देसो समत्तो ॥
इमीसे णं भंते ! रयणप्पभाए पुढवीए सक्करप्पभाए य पुढवीए केवइयं अबाहाए अंतरे पण्णत्ते ? गोयमा ! असंखेज्जाई जोयणसहस्साई अबाहाए अंतरे पण्णत्ते, सक्करप्पभाए णं भंते ! पुढवीए वालुयप्पभाए य पुढवीए केवइयं ० ? एवं चेव, एवं जाव तमाए अहेसत्तमाए य, अहेसत्तमाए णं भंते ! पुढवीए अलोगस्स य केवइयं अवाहाए अंतरे पण्णत्ते ? गोयमा ! असंखेजाई जोयणसहस्साइं अवाहाए अंतरे पण्णत्ते । इमीसे णं भंते! रयणप्पभाए पुढवीए जोइसियस्स य केवइयं पुच्छा, गोयमा ! सत्तनउए जोयणसए अवाहाए अंतरे पण्णत्ते, जोइसियस्स णं भंते ! सोहम्मीसाणाण य कप्पाणं केवइयं पुच्छा, गोयमा ! असंखेज्जाई जोयण जाव
७०४
