________________
वि०प० स० १३ उ० ६] सुत्तागमे
६८९ जाव विहरइ, तेणं कालेणं तेणं समएणं सिंधुसोवीरेसु जणवएसु वीइभए नाम नयरे
होत्था वन्नओ, तस्स णं वीइभयस्स नयरस्स वहिया उत्तरपुरच्छिमे दिसीभाए एत्थ __णं मियवणे नामं उज्जाणे होत्था सव्वोउय० वन्नओ; तत्थ णं वीइभए नयरे उदायणे
नामं राया होत्या महया वनओ, तस्स णं उदायणस्स रन्नो प(उमा)भावई नामं देवी होत्था सुकुमाल० वन्नओ, तस्स णं उदायणस्स रन्नो पुत्ते पभावईए देवीए अत्तए अभीइनामं कुमारे होत्या सुकुमाल जहा सिवभद्दे जाव पचुवेक्खमाणे विहरइ, तस्स णं उदायणस्त रन्नो नियए भायणेजे केसीनामें कुमारे होत्था सुकुमाल जाव सुरूवे, से णं उदायणे- राया सिंधुसोवीरप्पामोक्खाणं सोलसण्हं जणवयाणं, वीइभयप्पामोक्खाणं तिण्हं तेसट्ठीणं नगरागरसयाणं, महसेणप्पामोक्खाणं दसण्हं राईणं बद्धमउडाणं विइन्नछत्तचामरवालवीयणाणं अन्नेसिं च बहूणं राईसरतलवर जाव सत्थवाहप्पभिईणं आहेवच्चं पोरेवच्चं जाव कारेमाणे पालेमाणे समणोवासए अभिगयजीवाजीवे जाव विहरइ । तए णं से उदायणे राया अन्नया कयाइ जेणेव पोसहसाला तेणेव उवागच्छइ २ त्ता जहा संखे जाव विहरइ। तए णं तस्स उदायणस्स रन्नो पुव्वरत्तावरत्तकालसमयंसि धम्मजागरियं जागरमाणस्स अयमेयारूवे अज्झथिए जाव समुप्पज्जित्था-धन्ना णं ते गामागरनगरखेडकब्बडमडंवदोणमुहपट्टणासमसंवाहसन्निवेसा जत्य णं समणे भंगवं महावीरे विहरइ, धन्ना णं ते राईसरतलवर जाव सत्थवाहप्पभिइओ जे णं समणं भगवं महावीरं वंदति नमसंति जाव पज्जुवासंति, जइ णं समणे भगवं महावीरे पुव्वाणुपुद्वि चरमाणे गामाणुगामं जाव विहरमाणे इहमागच्छेजा इह समोसरेजा, इहेव वीइभयस्स नयरस्स बहिया मियवणे उजाणे अहापडिरूवं उरगहं उग्गिण्हित्ता संजमेणं तवसा जाव विहरेजा, तो णं अहं समणं भगवं महावीरं वंदेजा नमसेजा जाव पजवासेना, तए णं समणे भगवं महावीरे उदायणस्स रन्नो अयमेयारूवं अज्झत्थियं जावं समुप्पन्नं विजाणित्ता चंपाओ नयरीओ पुन्नभद्दाओ उज्जाणाओ पडिनिक्खमइ २त्ता पुव्वाणुपुट्विं चरमाणे गामाणुगामं जाव विहरमाणे जेणेव सिंधुसोवीरे जणवए जेणेव वीइभए णयरे जेणेव मियवणे उज्जाणे तेणेव उवागच्छइ २ त्ता जाव विहरइ । तए णं वीइभए नयरे सिंघाडग जाव परिसा पज्जुवासइ । तए णं से उदायणे राया इमीसे कंहाए लढे समाणे हद्वतुट्ठ० कोडंवियपुरिसे सहावेइ २ त्ता एवं वयासी-खिप्पामेव भो देवाणुप्पिया! वीईभयं नयरं सन्भितरबाहिरियं जहा कृणिओ उववाइए जाव पज्जवासइ, पभावईपामोक्खाओ देवीओ तहेव जाव वज्जवासंति, धम्मकहा। तए णं से उदायणे राया समणस्स भगवओ महावीरस्स अंतियं धम्म सोच्चा निसम्म हतुढे उठाए उढेइ २ त्ता समणं
४४ सुत्ता.
