________________
वि०प० स० १२ उ०९] सुत्तागमे
६६६ भंते ! गोलंगूलवसभे कुकुडवसभे मंडुकवसभे एए णं निस्सीला निव्वया निरगुणा निम्मेरा निप्पच्चक्खाणपोसहोववासा कालमासे कालं किच्चा इमीसे रयणप्पभाए पुढवीए उक्नोसेणं सागरोवमट्टिइयंसि नरगंसि नेरइयत्ताए उववजेजा ? समणे भगवं महावीरे वागरेइ-उववज्जमाणे उववन्नेत्ति वत्तन्वं सिया । अह भंते ! सीहे वग्छ जहा उस्तप्पिणीउद्देयए जाव परस्सरे एए णं निस्तीला एवं चेव जाव वत्तव्वं सिया, अह भंते ! ढंके कंके विलए मग्गुए सिखीए, एए णं निस्सीला० सेसं तं चेव जाव वत्तव्वं सिया । सेवं भंते । सेवं भंते ! त्ति जाव विहरइ ॥ ४५९ ।। वारहमे सए अहमो उद्देसो समत्तो ।। — कइविहा णं भंते ! देवा पण्णत्ता ? मोयमा ! पंचविहा देवा पण्णत्ता, तंजहाभवियदव्वदेवा १ नरदेवा २ धम्मदेवा ३ देवा(इ)हिदेवा ४ भावदेवा ५, से केणटेणं भंते ! एवं वुच्चइ भवियदव्वदेवा भवियदव्वदेवा ? गोयमा । जे भविए पंचिंदियतिरिक्खजोगिए. वा मणुस्से वा देवेसु उववज्जित्तए से तेणटेणं गोयमा .! एवं वुचइ भवियदव्वदेवा २, से केणटेणं भंते ! एवं बुच्चइ नरदेवा नरदेवा ? गोयमा ! जे इमे रायाणो चाउरंतचकवट्टी उप्पन्नसमत्तचकरयणप्पहाणा नवनिहिपइणो समिद्धकोसा वत्तीस रायवरसहस्साणुजायमग्गा सागरवरमेहलाहिवइणो मणुस्सिदा से तेणटेणं जाव नरदेवा २, से केणटेणं भंते । एवं वुच्चइ धम्मदेवा धम्मदेवा ? गोयमा ! जे इमे अणगारा भगवंतो इरियासमिया जाव गुत्तवंभयारी से तेणटेणं जाव धम्मदेवा २, से केण?णं संते । एवं वुच्चइ देवाहिदेवा देवाहिदेवा ? गोयमा ! जे इमे अरिहंता भगवंतो उप्पन्ननाणदंसणधरा जाव सव्वदरिसी से तेणटेणं जाव देवाहिदेवा २, से केणटेणं भंते ! एवं बुच्चइभावदेवा भावदेवा ? गोयमा! जे इमे भवणवइवाणमंतरजोइसियवेमाणिया देवा देवगइनामगोयाई कम्माई वेदेति से तेणटेणं जाव भावदेवा ॥ ४६० ॥ भवियदव्वदेवा णं भंते ! कओहिंतो उववज्जति किं नेरइएहितो. उववज्जति तिरिक्ख० मणुस्स० देवेहिंतो उववज्जति ? गोयमा ! नेरइएहिंतो उववज्जति तिरि० मणु० देवेहितोवि उववजति, भेओ जहा वनंतीए सव्वेसु उववाएयव्वा जाव अणुत्तरोववाइयत्ति, नवरं असंखेजवासाउयअकम्मभूमियअंतरदीवगसव्वट्ठसिद्धवजं जाव अपराजियदेवेहिंतोवि उववजति, णो सव्वट्ठसिद्धदेवहितो उववजति । नरदेवा गं भंते ! कओहिंतो उववजति कि नेरडए. पुच्छा, गोयमा ! नरइएाहता उव वजति नो तिरि० नो मणु० देवेहिंतोवि उववज्जति, जइ नेरइएहिंतो उववज्जति कि रयणप्पभापुढविनेरइएहितो उववनंति जाव अहेसत्तमापुढविनेरइएहितो उववजति ?
