________________
६६८
सुत्तागमे
[ भगवई
वावि णं एवं चेव, एवं जाव मणुस्सेसु, नवरं तेईदिएसु जाव वणस्सइकाइयत्ताए तेइंदियत्ताए चउरिदिएसु चउरिंदियत्ताए पंचिंदियतिरिक्खजोणिएतु पंचिदियतिरिक्खजोणियत्ताए मणुस्सेसुं मणुस्सत्ताए सेसं जहा बेंदियाणं, वाणमंतरजोइसियसोहम्मीसासु य जहा असुरकुमाराणं, अयणं भंते ! जीवे सणकुमारे कप्पे वारससु विमाणावाससयसंहस्सेसु एगमेगंसि वेमाणियावासंसि पुढविका इयत्ताए सेसं जहा असुरकुमाराणं जाव अणंतखुत्तो, नो चेव णं देवित्ताए, एवं सव्वजीवावि, एवं जाव आणयपाणएसु, एवं आरणच्चएसुवि, अयन्नं भंते ! जीवे तिसुवि अट्ठारसुत्तरेसु गेविज्जविमाणावाससएस एवं चेव, अयन्नं भंते! जीवे पंचसु अणुत्तरविमाणेसु एगमेगंसि अणुत्तरविमाणस पुढवि तहेव जाव अणतखुत्तो, नो चेव णं देवत्ताए वा देवित्ताए चां एवं सव्वजीवावि । अयन्नं भंते । जीवे सव्वजीवाणं माइत्ताए पियत्ताए भाइत्ताए भगिणित्ताए भज्जत्ताए पुत्तत्ताए श्रूयत्ताए सुन्हत्ताए उववन्नपुव्वे ? हंता गोयमा ! असई अदुवा अगंतखुत्तो, सव्वजीवावि णं भंते । इमस्स जीवस्स माइत्ताए जाव स्ववन्नपुव्वा ! हंता गोयमा ! जाव अणंतखुत्तो, अयण्णं भंते! जीवे सव्वजीवाणं अरित्ताए वेरियत्ताए घायगत्ताए वहगत्ताए पडिणीयत्ताए पच्चामित्तत्ताए उववन्नपुव्वे ? हंता गोयमा । जाव अनंतखुत्तो, सव्वजीवावि णं भंते ! एवं चेव, अयन्नं भंते ! जीवे सव्जीवाणं यत्ताए जुवरायत्ताए जाव सत्थवाहत्ताए उववन्नपुव्वे ? हंता गोमा ! असई जाव अनंतखुत्तो, सव्वजीवाणं एवं चेव । अयन्नं भंते ! जीवे संव्वजीवाणं दासत्ताए पेसत्ताए भयगत्ताए भाइलगत्ताए भोगपुरिसत्ताए सीसत्ताए सत्ताए उववन्नपुव्वे ? हंता गोयमा ! जाव अनंतखुत्तो, एवं सव्वजीवावि जाव अणंतखुत्तो । सेवं भंते! सेवं भंते! त्ति जाव विहरइ ॥ ४५७ ॥ वारहमे सप सत्तमो उद्देसो समत्तो ॥
ते काळेणं तेणं समएणं जाव एवं वयासी- देवे णं भंते ! महिट्टिए जाव महेसक्खे अणंतरं चयं चइत्ता विसरीरेसु नागेसु उववज्जेज्जा ? हंता गोयमा ! उववजेजा, से णं तत्थ अच्चियवंदियपूइयसकारियसम्माणिए दिव्वे सच्चे सच्चोवाए संनिहियपाडिहेरे यावि भवेज्जा ? हंता भवेज्जा, से णं भंते । तओहिंतो अनंतरं उव्वट्टित्ता सिज्झेजा वुज्झेजा जाव अंतं करेज्जा ? हंता सिज्झेजा जाव अंत करेजा, देवे णं भंते ! महिड्डिए एवं चेव जाव विसरीरेस मणीसु उववजेजा, एवं 'चेव जहा नागाणं, देवे णं भंते । महिड्डिए जाव विसरीरेसु रुक्खेसु उववज्जेजा ? हूंना उववज्जेज्जा, एवं चेव, नवरं इमं नाणत्तं जाव सन्निहियपाडिहेरे लाउलोइयमहिए यावि भवेज्जा ? हंता भवेज्जा, सेसं तं चेव जाव अंतं करेजा ॥ ४५८ ॥ अह
