________________
वि०प० स० १० उ०४] सुत्तागमे रीए तायत्तीसं सहाया गाहावई समणोवासगा परिवसन्ति अड्डा जाव अपरिभूया अभिगयजीवाजीवा उवलद्धपुण्णपावा जाव विहरन्ति, तए णं ते तायत्तीसं सहाया गाहावई समणोवासगा पुचि उग्गा उग्गविहारी संविग्गा संविग्गविहारी भवित्ता तओ · पच्छा पासत्था पासत्थविहारी ओसन्ना ओसन्नविहारी कुसीला कुसीलविहारी अहाछंदा अहाँछंदविहारी बहूई वासाई समणोवासगपरियागं पाउणंति २ त्ता अद्धमासियाए संलेहणाए अत्ताणं झूसेंति अत्ताणं झूसेत्ता तीसं भत्ताई अणसणाए छेदेति २त्ता तस्स ठाणस्स अणालोइयपडिकंता कालमासे कालं किच्चा चमरस्स असुरिंदस्स असुरकुमाररन्नो तायत्तीसगदेवत्ताए उववन्ना, जप्पभिई च णं भंते । कायंदगा तायत्तीसं सहाया गाहावई समणोवासगा चमरस्स असुरिदस्स असुरकुमाररन्नो तायत्तीसगदेवत्ताए उववन्ना तप्पभिइं च णं भंते । एवं बुच्चइ चमरस्स असुरिंदस्स असुरकुमाररन्नो तायत्तीसगा देवा २ ? (तत्थ)तए थे भगवं गोयमे सामहत्थिणा अणगारेणं एवं वुत्ते समाणे संकिए कंखिए वितिगिच्छिए उठाए उठेइ उठाए उठूत्ता सामहस्थिणा अणगारेणं सद्धिं जेणेव समणे भगवं महावीरे तेणेव उवागच्छइ तेणेव उवागच्छित्ता समणं भगवं महावीरं वंदइ नमसइ वंदित्ता नमंसित्ता एवं वयासीअत्थि णं भंते ! चमरस्स असुरिंदस्स असुररण्णो तायत्तीसगा देवा २? हंता अत्थि, से केणढेणं भंते ! एवं वुच्चइ ? एवं तं चेव सव्वं भाणियव्वं जाव तप्पभिई च णं एवं वुच्चइ चमरस्स असुरिदस्स असुरकुमाररन्नो तायत्तीसगा देवा २ ? णो इणहे समटे, एवं खलु गोयमा ! चमरस्स णं असुरिदस्स असुरकुमाररन्नो तायत्तीसगाणं देवाणं सासए नामधेजे पण्णत्ते, जं न कयाइ नासी न कयाइ न भवइ ण कयाइ ण भावस्सइ जाच निचे अव्वोच्छित्तिनयट्ठयाए अन्ने चयति अन्ने उववज्जति । अत्थि णं भत ! बलिस्स वइरोयणिदस्स वइरोयणरन्नो तायत्तीसगा देवा २ ? हंता अत्थि, से केणतुणं भंते ! एवं वुच्चइ बलिस्स वइरोयणिंदस्स जाव तायत्तीसगा देवा २ ? एवं खलु गोयमा । तेणं कालेणं तेणं समएणं इहेव जंबुद्दीवे २ भारहे वासे विभेले णाम संनिवेसे होत्था वन्नओ, तत्थं णं विभेले संनिवेसे जहा चमरस्स जाव उववन्ना, जप्पभिई च णं भंते ! ते विभेलगा तायत्तीसं सहीया गाहावई समणोवासगा वलिस्स वइरोयणिदस्स सेसं तं चेव जाव निच्चे अव्वोच्छित्तिणयट्ठयाए अन्ने चयति अन्ने उववज्जति । अत्थि ण भंते ! धरणस्स णागकुमारिंदस्स नागकुमाररन्नो तायत्तीसगा देवा २ ? हंता अत्थि, से केणटेणं जाव तायत्तीसगा देवा २ ? गोयमा ! धरणस्स नागकुमारिंदस्स नांगकुमाररन्नो तायत्तीसगाणं देवाणं सासए नामधेजे पन्नत्ते ज न कयाइ नासी जाव अन्ने चयंति अन्ने उववजंति, एवं भूयाणंदस्सवि,
