________________
सुत्तागमे
[ भगवई
थूभमइ वा जणं एए बहवे उग्गा भोगा राइन्ना इक्खागा णाया कोरव्वा खत्तिया खत्तियपुत्ता भडा भडपुत्ता० जहा उववाइए जाव सत्थवाहप्पभिइ (य) ओ व्हाया जहा उववाइए जाव निग्गच्छंति ? एवं संपेहेइ एवं संपेहित्ता कंचुइज्जपुरिसं सहावे कंचु० २ त्ता एवं वयासी - किण्णं देवाणुप्पिया ! अज्ज खत्तियकुंडग्गामे नगरे इंदमहेह वा जाव निग्गच्छंति ?, तए णं से कंचुइजपुरिसे जमालिणा खत्तियकुमारेणं एवं वृत्ते समाणे तुट्टे समणस्स भगवओ महावीरस्स आगमणगहियविणिच्छए करयल० जमालिं खत्तियकुमारं जएणं विजएणं वद्धावेइ वद्धावेत्ता एवं व्यासी- जो खलु देवा. णुप्पिया ! अज्ज खत्तियकुंडग्गामे नयरे इंदमहेइ वा जाव निग्गच्छन्ति, एवं खलु देवाप्पिया ! अज्ज समणे भगवं महावीरे जाव सव्वन्नू सव्वदरिसी माहणकुंडरगामस्स नयरस बहिया बहुसालए उज्जाणे अहापडिरूवं उग्गहं जाव विहरइ, तए णं एए बहवे उग्गा भोगा जाव अप्पेगइया वंदणवत्तियं जाव निग्गच्छंति । तए णं से जमाली खत्तियकुमारे कंचुइज्जपुरिसस्स अंतिए एयमहं सोचा निसम्म हट्टतुट्ट० कोडुंबियपुरिसे सहावेइ कोडुंबियपुरिसे सद्दावइत्ता एवं वयासी - खिप्पामेव भो देवाणुप्पिया ! चाउम्घटं आसरहं जुत्तामेव उवद्ववेह उववेत्ता मम एयमाणत्तियं पञ्चप्पि ग्रह, तए णं ते कोडुंबियपुरिसा जमालिणा खत्तियकुमारेणं एवं वृत्ता समाणा जाव पञ्च्चप्पिणंति, तए णं से जमाली खत्तियकुमारे जेणेव मज्जणघरे तेणेव उवागच्छइ तेणेव उवागच्छित्ता ण्हाए जहा उर्ववाइए परिसावन्नओ तहा भाणियव्वं जाव चंद (णुक्खित्त)णाकिन्नगायसरीरे सव्वालंकारविभूसिए मज्जणघराओ पडिनिक्खमइ मज्जणघराओ पडिनिक्खमित्ता जेणेव वाहिरिया उवट्टाणसाला जेणेव चाउग्घंटे आसरहे तेणेव उवागच्छइ तेणेव उवागच्छित्ता चाउग्घंटं आसरहं दुरुहेइ चाउ० २ त्ता सकोरंटमलदा मेणं - छत्तेणं धरिज्जमाणेणं महया भडचडगरपहकरवंदपरिक्खित्ते खत्तियकुंडग्गामं नगरं मज्झंमज्झेणं निग्गच्छइ निग्गच्छित्ता जेणेव माहणकुंडग्गामे नगरे 'जेणेव वहुसालए उज्जाणे तेणेव उवागच्छइ तेणेव उवागच्छित्ता तुरए निगिण्हेइ २ त्ता रहं ठवेइ रहं ठवेत्ता रहाओ पञ्च्चोरुहइ रहा० २ त्ता पुप्फतंबोला उहमाइयं वा(णहा)हणाओ य विसज्जेइ २ त्ता एगसाडियं उत्तरासंग करेइ उत्तरासंगं करेत्ता आर्यंते चोक्खे परमसुइब्भूए अंजलिमउलियहत्थे जेणेव समणे भगवं महावीरे तेणेव ' उवागच्छइ तेणेव उवागच्छित्ता समणं भगवं महावीरं तिक्खुत्तो आयाहिणं पयाहिणं करेइ २ त्ता जाव तिविहाए पज्जुवासणाए जुवासइ । तए णं समणे भगवं महावीरे जमालिस्स खत्तियकुमारस्स तीसे य महइमहालियाए इसि० जाव -धम्मकहा जाव परिसा पडिगया, तए णं से जमाली खत्तियकुमारे समणस्स भग
५९८
r
