Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 649

वि० ० स०९ ३० ३३] . “सुत्तागमे
अत्ताणं झुसेइ मासि० २ त्ता सहि भत्ताइं अणसणाए छेदेइ सडिं. २ त्ता जस्सट्टाए कीरइ जिणकप्पभावे धेरकप्पभावे जाव 'तम8 आराहेइ तमढं आराहेत्ता तए णं सो जाव सव्वदुक्खप्पहीणे । तए णं सा देवाणंदा माहणी समणस्स भगवओ महावीरस्स अंतियं धम्मं सोचा निसम्म हद्वतुट्टा समणं भगवं महावीरं तिक्खुत्तो
आयाहिणं पयाहिणं जाव नमंसित्ता एवं वयासी-एवमेयं भंते ! तहमेयं भंते ! एवं जहां उसभदत्तो तहेव जाव धम्ममाइ(क्खइ)क्खियं । तए णं समणे भगवं महावीरे देवागंदं माहणि सयमेव पवावेइ सय० २ त्ता सयमेव अज्जचंदणाए अजाए सीसिणित्ताए दलयइ ॥ तए णं सा अजचंदणा अज्जा देवाणंदं माहणिं सयमेव मुंडावेइ सयमेव सेहावेइ एवं जहेच उसमदत्तो तहेव अजचंदणाए अजाए इमं एयॉरुवं धम्मियं उवएसं सम्मं संपडिवज्जइ तमाणाए तह गच्छइ जाव संजमेणं संजमेइ, तए णं सा देवाणंदा अजा अनचंदणाए अजाए अंतियं सामाइयमाइयाइं एकारस अंगाई अहिजइ सेसं तं चेव जाव'सव्वदुक्खप्पहीणा ॥ ३८१॥ तस्स णं माहणकुंडग्गामस्स नगरस्स पचत्थिमेणं एत्थ णं खत्तियकुंडग्गामे नाम नगरे होत्था वन्नओ, 'तत्य णं, खत्तियकुंडग्गामे नयरे जमाली नाम खत्तियकुमारे परिवसइ अढे दित्ते जाव अपरिभूए उप्पि पासायवरगए फुट्टमाणेहि मुइंगमत्थएहिं बत्तीसइबद्धेहिं नाडएहिं णाणाविहवरतरुणीसंपउत्तेहिं उवनच्चिज्जमाणे उवनचिजमाणे उगिज्जमाणे २ उवलालिजमाणे २ पाउसवासारत्तसरयहेमंतसिसिरवसंतगिम्हपजते छप्पिउऊ जहर विभवेणं माणमाणे २ कालं गालेमाणे इढे सफरिसरसख्वगंधे पंचविहे माणुस्सए कामभोगे पचणुब्भवमाणे विहरइ । तए णं खत्तियकुंडग्गामे नगरे सिंघाडगतियचउक्कचच्चर जाव बहुजणसइ वा जहा उववाइए जाव एवं पनवेइ एवं परूवेइ-एवं खलु देवाणुप्पिया ! समणे भगवं महावीरे आइगरे जाव सव्वन्नू सव्वदारसी माहणकुंडग्गामस्स नगरस्स वहिया बहुसालए उजाणे अहापडिरूवं जाव विहरइ, तं महप्फलं खलु देवाणुप्पिया! तहारुवाणं अरहंताणं भगवंताणं जहा उववाइए जावः एगाभिमुहे खत्तियकुंडग्गामं नगरं मझंमज्झेणं निरगच्छइ निग्गच्छित्ता जेणेव माहणकुंडग्गामे नगरे जेणेव बहसालए उज्जाणे एवं जहा उववाइए 'जाव तिविहाए पजुवासणाए पज्जवासइ । तए णं तस्स जमालिस्स खत्तियकुमारस्स 'तं महया जणसई वा जाव जणसन्निवायं वा सुणमाणस्स वा पासमाणस्स वा अयमेयारूचे अज्झथिए जाव समप्पजिस्था-किन्नं अज खत्तियकुंडग्गामे नगरे इंदमहइ वा खंदमहेइ वा मुगुंदमहेइ वा णागमहेइ वा जक्खमहेइ वा भूयमहेइ वा "कूवमहेइ वा तडागमहेइ वा नइमहेइ वा दहमहेइ वा पन्वयमहेइ वा रुक्खमहेइ वा