________________
वि० प० स० ७ उ०३]
सुत्तागमे
जीवफुडा?, हंता गोयमा ! मूला मूलजीवफुडा जाव बीया वीयजीवफुडा । जइ ण भंते ! मूला मूलजीवफुडा जाव बीया बीयजीवफुडा कम्हा णं भंते ! वणस्सइकाइया आहारेंति कम्हा परिणामेति ?, गोयमा! मूला मूलजीवफुडा पुढविजीवपडिवद्धा तम्हा आहारेंति तम्हा परिणामेंति, कंदा कंदजीवफुडा मूलजीवपडिवद्धा तम्हा आहारेन्ति तम्हा परिणामेन्ति, एवं जाव बीया वीयजीवफुडा फलजीवपडिवद्धा तम्हा आहारेन्ति तम्हा परिणामेन्ति ॥ २७५ ॥ अह भंते ! आलुए मूलए सिंगबेरे हिरिली सिरिली सिस्सिरिली किट्ठिया छिरिया छीरिविरालिया कण्हकंदे वजकंदे सूरणकंदे खेलूडे अद्दए भद्दमुत्या पिंडहलिद्दा लोही णीह थीह थिरूगा मुग्गकनी अस्सकन्नी सीहकण्णी मुसुंडी जे यावन्ने तहप्पगारा सव्वे ते अणंतजीवा विविहसत्ता ?, हंता गोयमा! आलए मूलए जाव अणंतजीवा विविहसत्ता ॥ २७६ ॥ सिय भंते ! कण्हलेसे नेरइए अप्पकम्मतराए नीललेसे नेरइए महाकम्मतराए ?, हंता! सिया, से केणटेणं भंते ! एवं वुच्चइ-कण्हलेसे नेरइए अप्पकम्मतराए नीललेसे नेरइए महाकम्मतराए , गोयमा ! ठिइं पडुच्च, से तेणढेणं गोयमा ! जाव महाकम्मतराए । सिय भंते ! नीललेसे नेरइए, अप्पकम्मतराए काउलेसे नेरइए महाकम्मतराए ? हता! सिया, से केपटेणं भंते ! एवं वुच्चइ-नीललेसे नेरइए अप्पकम्मतराए काउलेसे नेरइए महाकम्मतराए ?, गोयमा! ठिइं पड्डुच्च, से तेणढेणं गोयमा ! जाव महाकम्मतराए । एवं असुरकुमारेवि, नवरं तेउलेसा अब्भहिया एवं जाव वेमाणिया, जस्स जइ लेसाओ तस्स तत्तिया भाणियवाओ, जोइसियस्स न भन्नइ, जाव सिय भंते ! पम्हलेसे वेमाणिए अप्पकम्मतराए सुकलेसे वेमाणिए महाकम्मतराए, हंता | सिया, से केणटेणं० ? सेसं जहा नेरइयस्स जाव महाकम्मतराए ॥ २७७ ॥ से नूणं भंते ! जा वेयणा सा निजरा जा निजरा सा वेयणा ?, गोयमा ! णो तिणढे समढे, से केणटेणं भंते ! एवं बुच्चइ जा वेयणा न सा निजरा जा निजरा न सा वेयणा ?, गोयमा ! कम्म वेयणा णोकम्म निजरा, से तेणटेणं गोयमा ! जाव न सा वेयणा । नेरइयाणं भंते ! जा वेयणा सा निजरा जा निजरा सा वेयणा ?, गोयमा ! णो तिणढे समढे, से केणढेणं भंते! एवं वुच्चइ नेरइयागं जा वेयणा न सा निजरा जा निजरा न सा वेयणा?, गोयमा ! नेरइयाणं कम्म वेयणां णोकम्म निजरा, से तेणटेणं गोयमा ! जाव न सा वेयणा, एवं जाव वेमाणियाणं । से नूगं भंते ! जं वेदेंसु तं निजरिंसु जं निजरिंसु तं वेदेंसु?, णो तिणढे समढे, से केणटेणं भंते ! एवं वुच्चइ जं वेदेंसु नो तं निजरेंसु जं निजरेंसु नो तं वेदेंसु?, गोयमा ! कम्म वेदेंसु नोकम्मं निजरिंसु, से तेणटेणं गोयमा! जाव नो तं वेदेंसु, नेरइया णं भंते !
