________________
[भगवई सुत्तागमे ५१४ असंखेजगुणा । जीवा णं भंते ! किं सव्वुत्तरगुणपञ्चक्खाणी देसुत्तरगुणपचक्ताणी अपचक्खाणी 2, गोयमा ! जीवा सव्वुत्तरगुणपञ्चक्खाणीवि तिन्निवि, पंचिंदियतिरिक्खजोणिया मणुस्सा य एवं चेव, सेसा अपचक्खाणी जाव वेमाणिया । एएसिणं मंते ! जीवाणं सव्वुत्तरगुणपञ्चक्खाणीणं० अप्पाबहुगाणि, तिन्निवि जहा पढमे दंडए जाव मणूसागं ॥ जीवा णं भंते ! कि संजया असंजया संजयासंजया ? गोयमा ! जीवा संजयावि असंजयावि संजयासंजयावि, एवं जहेव पन्नवणाए तहेव भाणियव्वं जाव वेमाणिया, अप्पाबहुगं तहेव तिण्हवि भाणियव्वं ॥ जीवा णं भंते! किं पच्चक्खाणी अपचक्खाणी पञ्चक्खाणापञ्चक्खाणी ?, गोयमा ! जीवा पच्चक्खाणीवि एवं तिन्निवि, एवं मणुस्सावि तिन्निवि, पंचिंदियतिरिक्खजोणिया आइल्लविरहिया सेसा सव्वे अपञ्चक्खाणी जाव वेमाणिया । एएसि णं भंते ! जीवाणं पञ्चक्खाणीणं जाव विसेसाहिया वा ?, गोयमा ! सव्वत्थोवा जीवा पञ्चक्खागी पच्चक्खाणापच्चक्खाणी असंखेजगुणा अपञ्चक्खाणी अणंतगुणा, पंचेंदियतिरिक्खजोणिया सव्वत्थोवा पञ्चक्खाणापञ्चक्खाणी अपच्चक्खाणी असंखेजगुणा, मणुस्सा सव्वत्योवा पच्चक्खाणी पञ्चक्खाणापच्चक्खाणी संखेनगुणा अपञ्चक्खाणी असंखेज्जगुणा ॥२७२॥ जीवा णं भंते ! किं सासया असासया ?, गोयमा ! जीवा सिय सासया सिय असासया । से केणटेणं भंते ! एवं वुच्चइ-जीवा सिय सासया सिय असासया ?, गोयमा । दन्वट्ठयाए सासया भावट्टयाए असासया, से तेणटेणं गोयमा ! एवं वुच्चइ-जाव सिय असासया । नेरइया णं भंते ! किं सासया असासया ?, एवं जहा जीवा तहा नेरइयावि, एवं जाव वेमाणिया जाव सिय सासया सिय असासया । सेवं भंते ! सेवं भंते ! त्ति ॥ २७३ ॥ सत्तमस्ल बिइओ उद्देसो समत्तो॥
वणस्सइकाइया णं भंते ! किंकालं सव्वप्पाहारगा वा सव्वमहाहारगा वा भवंति , गोयमा! पाउसवरिसारत्तेसु णं एत्य णं वणस्सइकाइया सव्वमहाहारगा भवंति तयाणंतरं च णं सरए, तयाणंतरं च णं हेमंते, तयाणंतरं च णं वसंते, तयाणंतरं च णं गिम्हे, गिम्हासु णं वणस्सइकाइया सव्वप्पाहारगा भवंति, जइ णं भंते ! गिम्हासु वणस्सइकाइया सव्वप्पाहारगा भवंति, कम्हा णं भंते ! गिम्हासु बहवे वगरसइकाइया पत्तिया पुप्फिया फलिया हरियगरेरिजमाणा सिरीए अईव अईव उवसोभेमाणा उवसोभेमाणा चिट्ठति ?, गोयमा! गिम्हासु णं बहवे उसिणजोणिया जीवा य पोग्गला य वणस्सइकाइयत्ताए वकमंति विउक्कमंति चयंति उववजंति, एवं खलु गोयमा ! गिम्हासु बहवे वणस्सइकाइया पत्तिया पुप्फिया जाव चिट्ठति ॥ २७४ ॥ से नूणं भंते ! मूला मूलजीवफुडा कंदा कंदजीवफुडा जाव बीया बीय.
