________________
वि०प० स०७ उ० २] सुत्तागमे तंजहा-सव्वुत्तरगुणपचक्खाणे य देसुत्तरगुणपच्चक्खाणे य, सव्वुत्तरगुणपञ्चक्खाणे णं भंते ! कइविहे पन्नत्ते ?, गोयमा ! दसविहे पन्नत्ते, तंजहा-अणागय १ मइक्वंतं २ कोडीसहियं ३ नियंटियं ४ चेव । सागार ५ मणागारं ६ परिमाणकडं ७ निरवसेसं ८ ॥ १ ॥ सा(सं)केयं ९ चेव अद्धाए १० पञ्चक्खाणं भवे दसहा । देसुत्तरगुणपचक्खाणे णं भंते ! कइविहे पन्नत्ते ?, गोयमा ! सत्तविहे पन्नत्ते, तंजहादितिव्वयं १ उवभोगपरिभोगपरिमाणं २ अणत्यदंडवेरमणं ३ सामाइयं ४ देसावगासियं ५ पोसहोववासो ६ अतिहिसंविभागो ७ अपच्छिममारणंतियसलेहणाझसणाराहणया ॥ २७१ ॥ जीवा णं भंते ! कि मूलगुणपञ्चक्खाणी उत्तरगुणपञ्चक्खाणी अपञ्चक्खाणी ?, गोयमा ! जीवा मूलगुणपञ्चक्खाणीवि उत्तरगुणपञ्चक्खाणीवि अपचक्खाणीवि । नेरइया णं भंते ! किं मूलगुणपञ्चक्खाणी० पुच्छा, गोयमा ! नेरइया नो मूलगुणपञ्चक्खाणी नो उत्तरगुणपञ्चक्खाणी अपञ्चक्खाणी, एवं जाव चउरिंदिया, पंचिंदियतिरिक्खजोणिया मणुस्सा य जहा जीवा, वाणमंतरजोइसियवेमाणिया जहा नेरइया ॥ एएसि णं भंते । जीवाणं मूलगुणपञ्चक्खाणीणं उत्तरगुणपञ्चक्खाणीणं अपचक्खाणीण य कयरे २ हितो जाव विमेसाहिंया वा ?, गोयमा ! सव्वत्योवा जीवा मूलगुणपञ्चक्खाणी उत्तरगुणपचक्खाणी असंखेजगुणा अपञ्चक्खाणी अणंतगुणा । एएसि णं भंते ! पंचिंदियतिरिक्खजोणियाणं पुच्छा, गोयमा ! सव्वत्थोवा जीवा पंचेंदियतिरिक्खजोणिया मूलगुणपञ्चक्खाणी उत्तरगुणपच्चक्खाणी असंखेनगुणा अपञ्चक्खाणी असंखेजगुणा । एएसि णं भंते ! मणुस्साणं मूलगुणपञ्चक्खाणीण ० पुच्छा, गोयमा! सव्वत्थोवा मणुस्सा मूलगुणपञ्चक्खाणी उत्तरगुणपञ्चक्खाणी संखेजगुणा अपञ्चक्खाणी असंखेजगुणा । जीवा णं भंते ! किं सव्वमूलगुणपञ्चक्खाणी देसमूलगुणपञ्चक्खाणी अपचक्खाणी?, गोयमा ! जीवा सव्वमूलगुणपञ्चक्खाणीवि देसमूलगुणपञ्चक्खाणीवि अपञ्चक्खाणीवि । नेरइयाणं पुच्छा, गोयमा । नेरइया नो सव्वमूलगुणपञ्चक्खाणी नो देसमूलगुणपच्चक्खाणी अपञ्चक्खाणी, एवं जाव चउरिंदिया। पंचिंदियतिरिक्ख० पुच्छा, गोयमा ! पंचिंदियतिरिक्ख० नो सव्वमूलगुणपचक्खाणी देसमूलगुणपञ्चक्खाणीवि अपचक्खाणीवि, मणुस्सा जहा जीवा, वाणमंतरजोइसवेमाणिया जहा नेरइया । एएसि णं भंते । जीवाणं सव्वमूलगुणपञ्चक्खाणीणं देसमूलगुणपञ्चक्खाणीणं अपच्चक्खाणीण य कयरे २ हितो जाव विसेसाहिया वा ?, गोयमा ! सव्वत्योवा जीवा सव्वमूलगुणपच्चक्खाणी देसमूलगुणपच्चक्खाणी असंखेजगुणा अपञ्चक्खाणी अणंतगुणा । एवं अप्पावहुगाणि तिन्निवि जहा पढमिल्लए दंडए, नवरं सव्वत्थोवा पंचिंदियतिरिक्खजोणिया देसमूलगुणपञ्चक्खाणी अपञ्चक्खाणी
३३ सुत्ता०
