________________
सुत्तागमे
[भगवई अचवचवं अदुयमविलंबियं अपरिसाडि अक्खोवंजणवणाणुलेवणभूयं संजमजायामायावत्तियं संजमभारवहणट्टयाए विलमिव पन्नगभूएणं अप्पाणेणं आहारमाहारेइ एस णं गोयमा ! सत्थाईयस्स सत्थपरिणामियस्स जाव पाणभोयणस्स अयमढे पन्नत्ते । सेवं भंते ! सेवं भंते ! त्ति ॥ २६९ ॥ सत्तमसए पढमो उद्देसो समत्तो।। . से नूणं भंते ! सव्वपाणेहिं सव्वभूएहि सव्वजीवहिं सव्वसत्तेहिं पञ्चक्खायमिति वयमाणस्स सुपञ्चक्खायं भवइ दुपञ्चक्खायं भवइ १, गोयमा ! सव्वपाणेहिं जाव सव्वसत्तेहिं पञ्चक्खायमिति वयमाणस्स सिय सुपचक्खायं भवइ सिय दुपचक्खायं भवइ, से केणटेणं भंते ! एवं वुच्चई सव्वपाणेहिं जाव सिय दुपञ्चक्खायं भवइ ?, गोयमा ! जस्स णं सव्वपाणेहिं जाव सव्वसत्तेहिं पञ्चक्खायमिति वयमाणस्स णो एवं अभिसमन्नागयं भवइ इमे जीवा इमे अजीवा इमे तसा इमे थावरा तस्स णं सव्वपाणेहिं जाव सव्वसत्तेहिं पञ्चक्खायमिति वयमाणस्स नो सुपञ्चक्खायं भवइ दुपञ्चक्खायं भवइ, एवं खलु से दुपञ्चक्खाई सव्वपाणेहि जाव सव्वसत्तेहिं पञ्चस्खायमिति वयमाणो नो सचं भासं भासइ मोसं भासं भासइ, एवं खलु से मुसावाई सव्वपाणेहिं जाव सव्वसत्तेहिं तिविहं तिविहेणं असंजयविरयपडिहयपचक्खायपावकम्मे सकिरिए असंवुडे एगंतदंडे एगंतवाले यावि भवइ, जस्स णं सव्वपाणेहिं जाव सव्वसत्तेहिं पञ्चक्खायमिति वयमाणस्स एवं अभिसमन्नागयं भवइ-इमे जीवा इमे अजीवा इमे तसा इमे थावरा, तस्स णं सव्वपाणेहिं जाव सव्वसत्तेहिं पच्चक्खायमिति वयमाणस्स सुपञ्चक्खायं भवइ नो दुपच्चक्खायं भवइ, एवं खलु से सुपच्चक्खाई सव्वपाणेहिं जाव सव्वसत्तेहिं पञ्चक्खायमिति वयमाणे सञ्चं भासं भासइ नो मोसं भासं भासइ, एवं खलु से सच्चवाई सव्वपाणेहिं जाव सव्वसत्तेहिं तिविहं तिविहेणं संजयविरयपडिहयपचक्खायपावकम्मे अकिरिए संवुडे एगंतपंडिए यावि भवइ, से तेणटेणं गोयमा! एवं वुच्चइ जाव सिय दुपञ्चक्खायं भवइ ॥ २७० ॥ कइविहे णं भंते ! पच्चक्खाणे पन्नत्ते ?, गोयमा ! दुविहे पञ्चक्खाणे पन्नत्ते, तंजहा-मूलगुणपञ्चक्खाणे य उत्तरगुणपञ्चक्खाणे य । मूलगुणपच्चक्खाणे णं भंते ! कइविहे पन्नत्ते ?, गोयमा ! दुविहे पन्नत्ते, तंजहा-सव्वमूलगुणपञ्चक्खाणे य देसमूलगुणपञ्चक्खाणे 'य, सव्वमूलगुणपञ्चक्खाणे णं संते ! कइविहे पन्नत्ते ?, गोयमा ! पंचविहे पन्नत्ते, तंजहा-सव्वाओ पाणाइवायाओ वेरमणं जाच सव्वाओ परिग्गहाओ वेरमणं । देसमूलगुणपञ्चक्खाणे णं भंते ! कइविहे पन्नत्ते ?, गोयमा! पंचविहे पन्नत्ते, तंजहा-थूलाओ पाणाइवायाओ वेरमणं जाव थूलाओ परिग्गहाओ वेरमणं । उत्तरगुणपञ्चक्खाणे णं भंते ! कइविहे पन्नत्ते ? गोयमा ! दुविहे पन्नत्ते,
