________________
वि० प० स० ७ उ० ५] सुत्तागमे दोसढुढे पाणभोयणे, एस णं गोयमा ! सइंगालस्स सधूमस्स संजोयणादोसदुद्रुस्स पागभोयगस्स अट्ठे पन्नत्ते । अह भंते ! वीतिगालस्स वीयधूमस्स संजोयणादोसविप्पमुक्कस्स पाणभोयणस्स के अढे पन्नत्ते ?, गोयमा ! जे णं णिग्गंथे वा जाव पडिगाहेत्ता अमुच्छिए जाव आहारेइ एस णं गोयमा! वीतिंगाले पाणभोयणे, जे णं निरगंथे वा निग्गंथी वा जाव पडिगाहेत्ता णो महया अप्पत्तियं जाव आहारेइ, एस णं गोयमा! वीयधूमे पाणभोयणे, जेणं निग्गंथे वा निग्गंथी वा जाव पडिगाहेत्ता जहालद्धं तहा आहारमाहारेइ एस णं गोयमा ! संजोयणादोसविप्पमुक्के पाणभोयणे, एस णं गोयमा ! वीतिगालस्स वीयधूमस्स संजोयणादोसविप्पमुक्कस्स पाणभोयणस्स अट्टे पन्नत्ते ॥ २६७ ॥ अह भंते ! खेत्ताइक्कंतस्स कालाइकंतस्स मरगाइनंतस्स पमाणाइनंतस्स पाणभोयणस्स के अहे पन्नत्ते ?, गो० जेणं निग्गंथे वा निग्गंधी वा फासुएसणिणं असणं ४ अणुग्गए सूरिए पडिगाहित्ता उग्गए सूरिए आहारमाहारेइ एस णं गोयमा ! खेत्ताइक्रते पाणभोयणे, जेणं निग्गंथो वा २ जाव साइमं पढमाए पोरिसीए पडिगाहेत्ता पच्छिमं पोरिसिं उवायणावेत्ता आहारं आहारेइ एस णं गोयमा ! कालाइनंते पाणभोयणे, जेणं निग्गंथो वा २ जाव साइमं पडिगाहित्ता परं अद्धजोयणमेराए वीइकमावइत्ता आहारमाहारेइ एस ण गोयमा ! मग्गाइकते पाणभोयणे, जे णं निरगंथो वा निग्गंथीं वा फासुएसणिज्ज जाव साइमं पडिगाहित्ता परं वत्तीसाए पमाणमेत्ताणं कवलाणं आहारमाहारेइ.एस णं गोयमा ! पमाणाइते पाणभोयणे, अट्ठपमाणमेत्ते कवले आहारमाहारेमाणे अप्पाहारे दुवालसपमाणमेत्ते कवले आहारमाहारेमाणे अवडोमोयरिया सोलसपमाणमेत्ते कवले आहारमाहारेमाणे दुभागपत्ते चउव्वीसं पमाणमेत्ते कवले आहारमाहारेमाणे ओमोयरिए बत्तीसं पमाणमेत्ते कवले (जत्तिओ जस्म पुरिसस्स आहारो तस्साहारस्स वत्तीसइमो भागो तप्पुरिसावेक्खाए कवले, इणमेव 'कवल' पमाणं ति,) आहारमाहारेमाणे पमाणपत्ते, एत्तो एक्केणवि गासेणं ऊणगं आहारमाहारेमाणे समणे निग्गंथे नो पकामरसभोईति वत्तव्वं सिया, एस गं गोयमा ! खेत्ताइकंतस्स कालाइक्वंतस्स मग्गाइकंतस्स पमाणाइक्ततस्स पाणभोयणस्स अट्ठे पन्नत्ते ॥ २६८ ॥ अह भंते ! सत्थाईयस्स सत्थपरिणामियस्स एसियस्स वेसियस्स समुदाणियस्स पाणभोयणस्स के अढे पन्नत्ते , गोयमा! जे णं निग्गंथे वा निग्गंथी वा निक्खित्तसत्थमुसले ववंगयमालावन्नगविलेवणे ववगयचुयचइयचत्तदेहं जीवविप्पजढं अकयमकारियमसंकप्पियमणाहूयमकीयकडमणुद्दिटुं नवकोडीपरिसुद्धं दसदोसविप्पमुक्त उग्गमुप्पायणेसणासुपरिसुद्धं वीतिगालं वीयधूमं संजोयणादोसविप्पमुक्कं असुरसुरं
