________________
वि०प० स० ६ उ० ६]
। सुत्तागमे
य गद्दतोया य । तुसिया अव्वाबाहा अग्गिचा चेव रिहा य ॥१॥ कहि णं भंते ! सारस्सया देवा परिवसंति ?, गोयमा ! अन्चिविमाणे परिवसंति, कहि णं भंते! आइचा देवा परिवसंति ?, गोयमा! अच्चिमालिविमाणे, एवं नेयव्वं जहाणुपुवीए जाव कहि णं भंते ! रिहा देवा परिवसंति ?, गोयमा! रिट्ठविमाणे ॥ सारस्सयमाइच्चाणं भंते ! देवाणं कइ देवा कइ देवसया पण्णत्ता ?, गोयमा ! सत्त देवा सत्त देवसया परिवारो पण्णत्तो, वण्हीवरुणाणं देवाणं चउद्दस देवा चउद्दस देवसहस्सा परिवारो पण्णत्तो, गद्दतोयतुसियाणं देवाणं सत्त देवा सत्त देवसहस्सा पण्णत्ता, अवसेसाणं नव देवा नव देवसया पण्णत्ता-'पढमजुगलम्मि सत्त उ सयाणि वीयमि चोइससहस्सा। तइए सत्तसहस्सा नव चेव सयाणि सेसेसु ॥ १॥' लोगंतियविमाणा णं भंते ! किपइट्ठिया पण्णत्ता ?, गोयमा ! वाउपइट्ठिया तदुभयपइट्ठिया प०, एवं नेयव्वं-"विमाणाणं पइहाणं वाहल्लुच्चत्तमेव संठाणं ।' वंभलोयवत्तव्वया नेयव्वा [जहा जीवाभिगमे देवुद्देसए] जाव हंता गोयमा ! असई अदुवा अणंतखुत्तो । नो चेवणं देवित्ताए। लोगंतियविमाणेसु णं भंते ! केवइयं कालं ठिई पण्णत्ता ?, गोयमा ! अट्ठ सागरोवमाई ठिई पण्णत्ता । लोगंतियविमाणेहिंतो णं भंते ! केवइयं अवाहाए लोगंते पण्णत्ते ?, गोयमा! असंखेजाइं जोयणसहस्साई अवाहाए लोगंते पण्णत्ते । सेवं भंते ! सेवं भंते ! त्ति ॥ २४२ ॥ छहसए पंचमो उद्देसओ समत्तो।
कइ णं भंते ! पुढवीओ पण्णत्ताओ?, गोयमा! सत्त पुढवीओ पण्णत्ताओ, तंजहा-रयणप्पभा जाव तमतमा, रयणप्पभाईणं आवासा भाणियव्वा (जाव) अहेसत्तमाए, एवं जे जत्तिया आवासा ते भाणियव्वा जाव कइ णं भंते ! अणुत्तरविमाणा पण्णत्ता ?, गोयमा! पंच अणुत्तरविमाणा पण्णत्ता, तंजहा-विजए जाव सव्वट्ठसिद्धे ॥ २४३ ॥ जीवे णं भंते ! मारणंतियसमुग्घाएणं समोहए समोहणित्ता जे भविए इमीसे रयणप्पभाए पुढवीए तीसाए निरयावाससयसहस्सेसु अन्नयरंसि 'निरयावासंसि नेरइयत्ताए उववज्जित्तए से णं भंते ! तत्थगए चेव आहारेज वा परिणामेज वा सरीरं वा वंधेजा ?, गोयमा ! अत्थेगइए तत्थगए चेव आहारेज वा परिणामेज वा सरीरं वा बंधेजा अत्थेगइए तओ पडिनियत्तइ, तओ पडिनियत्तित्ता इहमागच्छइ २ दोचपि मारणंतियसमुग्धाएणं समोहणइ २ इमीसे रयणप्पभाए पुढवीए तीसाए निरयावाससयसहस्सेसु अन्नयरंसि निरयावासंसि नेरइयत्ताए उववजित्तए, तओ पच्छा आहारेज वा परिणामेज वा सरीरं वा बंधेजा एवं जाव अहेसत्तमा पुढवी । जीवे णं भंते ! मारणंतियसमुग्घाएणं समोहए २ जे भविए चउसट्ठीए असुरकुमारावाससयसहस्सेसु अन्नयरंसि असुरकुमारावासंसि असु.
