________________
सुत्तागमे
[ भगवई
T
ईओ चउरंसाओ 'पुव्वावरा छलंसा तसा पुण दाहिणुत्तरा वज्झा । अभंतर ( अवसेसा) चउरंसा सव्वावि य कण्हराईओ ॥ १ ॥ कण्हराईओ णं भंते! केवइयं आयामेणं केवइयं विक्खंभेणं केवइयं परिक्खेवेणं पण्णत्ता ? गोयमा ! असंखेजाई जोयणसहस्साईं आया मेणं असंखेज्जाई जोयणसहस्साइं विक्खंभेणं असंखेजाई जोयणसहस्साइं परिक्खेवेणं पण्णत्ताओ । कण्हराईओ णं भंते! केमहालियाओ पण्णत्ता ? गोयमा ! अयण्णं जंबुद्दीवे २ जाव अ ( g ) मासं वीईवएजा अत्थेगइयं कण्हराईं वीईवएज्जा अत्थेगइयं कण्हराई णो वीईवएज्जा, एमहालियाओ णं गोयमा ! कण्हराईओ पण्णत्ताओ । अस्थि णं भंते ! कण्हराईसु गेहाइ वा गेहावणाइ वा ?, नो तिणट्टे समट्ठे । अत्थि णं भंते ! कण्हराईसु गामाइ वा० ?, णो तिणट्ठे समट्ठे । अत्थि णं भंते । कण्ह० ओराला बलाहया संमुच्छंति ३ ?, हंता ! अत्थि, तं भंते ! किं देवो प० ३१, गो० देवो पकरेइ नो सुरो नो नागो य । अत्थि णं भंते ! कण्हराईसु बादरे थणियसद्दे जहा ओराला तहा । अत्थि णं भंते ! कण्हराईए बादरे आउकाए बादरे अगणिकाए वायरे वणप्फइकाए ?, णो तिणट्ठे समट्ठे, णण्णत्थ विग्गहगइसमावन्नएणं । अत्थि णं० चंदिमसूरिय ४ प० ?, णो तिण० । अस्थि णं कण्ह० चंदाभाइ वा २ १, णो तिणट्ठे समट्ठे । कण्हराईओ णं भंते! केरिसियाओ वन्नेणं पन्नत्ताओ ?, गोयमा ! कालाओ जाव खिप्पामेव वीईवएजा । कण्हराईओ णं भंते! कइ नामधेज्जा पण्णत्ता ? गोयसा ! अट्ठ नामधेजा पण्णत्ता, तंजहाकण्हराइत्ति वा मेहराईइ वा मघावई ( घे) इ वा माघवईइ वा वायफलिहेइ वा वायपलिक्खोभेइ वा देवफलिहेइ वा देवपलिक्खोभेइ वा, कण्हराईओ णं भंते ! किं पुढविपरिणामाओ आउपरिणामाओ जीवपरिणामाओ पोग्गलपरिणामाओ ?, गोयमा ! पुढविपरिणामाओ नो आउपरिणामाओ जीवपरिणामाओवि पोग्गलपरिणामाओवि । कण्हराईसु णं भंते ! सव्वे पाणा भूया जीवा सत्ता उववन्नपुव्वा ?, हंता गोयमा ! असई अदुवा अनंतखत्तो नो चेव णं बादरआउकाइयत्ताए बादरअगणिकाइयत्ताए वा बादरवणप्फइकाइयत्ताए वा ॥ २४१ ॥ एएसि णं अट्टहं कण्हराईणं अट्ठसु उवासंतरेसु अट्ठ लोगंतियविमाणा पण्णत्ता, तंजहा - १ अच्ची २ अचिमाली ३ वइरोयणे - ४ पभंकरे ५ चंदाभे ६ सूराभे ७ सुक्काभे ८ सुपइट्टाभे ९ मज्झे रिट्ठा । कहि णं भंते ! अच्चिविमाणे प० ?, गोयमा ! उत्तरपुरच्छिमेणं, कहि णं भंते ! अचिमालिविमाणे प० ?; गोयमा ! पुरच्छिमेणं, एवं परिवाडीए नेयव्वं जाव कहि णं भंते ! रिट्ठे विमाणे पण्णत्ते ?, गोयमा ! बहुमज्झदेसभागे । एएसु णं अट्ठसु लोगंति - यविमाणेसु अट्ठविहा लोगंतियदेवा परिवसंति, तंजहा - सारस्सयमाइच्चा वही वरुणा
५००
