________________
सुत्तागमे
૪૮૮
[ भगवई गोयमा ! जहन्नेणं एग समयं उक्को० चउव्वीसं मुहुत्ता, एवं सत्तसुवि पुढवीतु वखंति हायंति भाणियव्वं, नवरं अवट्ठिएसु इमं नाणत्तं, तंजहा-रयणप्पभाए पुढवीए अडतालीसं मुहुत्ता सक्कर० चोदस राइंदियाई वाल० मासं पंक० दो मासा धूम० चत्तारि मासा तमाए अट्ठ मासा तमतमाए बारस मासा । असुरकुमारावि वैखंति हायंति जहा नेरइया, अवट्ठिया जह० एगं समयं उक्को० अठ्ठचत्तालीसं मुहुत्ता, एवं दसविहावि, एगिदिया वखंतिवि हायंतिवि अवट्ठियावि, एएहिं तिहिंवि जहन्नेणं एवं समयं उक्नो० आवलियाए असंखेजइभागं, बेइंदिया वटुंति हायंति तहेव, अवट्ठिया ज० एकं समयं उक्को० दो अंतोमुहुत्ता, एवं जाव चउरिंदिया, अवसेसा सव्वे वखंति हायति तहेव, अवट्ठियाणं णाणत्तं इम, तं०-समुच्छिमपंचिदियतिरिक्खजोणियाणं दो अंतोमुहुत्ता, गब्भवनंतियाणं चउव्वीसं मुहुत्ता, संमु. च्छिममणुस्साणं अट्ठचत्तालीसं मुहुत्ता, गभवतियमणुस्साणं चउव्वीसं मुहुत्ता, वाणमंतरजोइससोहम्मीसाणेसु अठ्ठचत्तालीसं मुहुत्ता, सणंकुमारे अट्ठारस राईदियाइं चत्तालीस य मुहुत्ता, माहिदे चउवीसं राइंदियाइं वीस य मु०, बंभलोए पंचचत्तालीसं राईदियाइं, लंतए नउइ राइंदियाई, महासुक्के सट्टि राइंदियसयं, सहस्सारे दो राइंदियसयाई, आणयपाणयाणं संखेजा मासा, आरणचुयाण संखेजाई वासाई, एवं गेवेजदेवाणं विजयवेजयंतजयंतअपराजियाणं असंखेजाइं वाससंहस्साइं, सव्वट्ठसिद्ध य पलिओवमस्स असंखेजइभागो, एवं भाणियव्वं, वखंति हायति जह० एवं समयं उ० आवलियाए असंखेजहभागं, अवट्ठियाणं जं भणियं । सिद्धा णं भंते ! केवइयं कालं वखंति ?, गोयमा ! जह० एक समयं उक्को० अट्ठ समया, केवइयं कालं अवट्ठिया ?, गोयमा! जह० एकसमयं उक्को० छम्मासा ॥ जीवा णं भंते ! किं सोवचया सावचया सोवचयसावचया निरुवचयनिरवचया?, गोयमा! जीवा णो सोवचया नो सावचया णो सोवचयसावचया निरुवचयनिरवचया । एगिंदिया तइयपए, सेसा जीवा चउहिंवि पएहिंवि भाणियव्वा; सिद्धा णं भंते ! पुच्छा, गोयमा ! सिद्धा सोवचया णो सावचया णो सोवचयसावचया निरुवचयनिरवचया । जीवा णं भंते ! केवइयं कालं निरुवचयनिरवचया ?, गोयमा! सव्वद्धं, नेरइया णं भंते ! केवइयं कालं सोवचया ?, गोयमा! जह० एक समयं उ० आवलियाए असंखेजइभागं । केवइयं कालं सावचया ? एवं चेव । केवइयं कालं सोवचयसावचया ?, एवं चेव । केवइयं कालं निरुवचयनिरवचया ?, गोयमा! ज० एवं समयं उक्नो० बारसमु० एगिंदिया सव्वे सोवचयसावचया सव्वद्धं सेसा सव्वे सोवचयावि सावचयावि सोवचयसावचयावि निरुवचयनिरवचयावि जहन्ने]
