________________
वि० प० स० ३ ० ५]
सुत्तागमे
४४७
गोयमा ! सक्कस्स दविंदस्स देवरन्नो जाव ईसि निण्णतरा चेव ॥ १३७ ॥ पभू णं, भंते ! सके देविदे देवराया ईसाणस्स देत्रिंदस्स देवरन्नो अंतियं पाउभवित्तए ?, हंता पभू , से णं भंते ! किं आढायमाणे पभू अणाढायमाणे पभू?, गोयमा ! आढायमाणे पभू नो अणाढायमाणे पभू , पभू णं भंते ! ईसाणे देविंदे देवराया सकस्स देविंदस्स देवरन्नो अंतियं पाउब्भवित्तए ?, हंता पभू , से भंते-! किं आढायमाणे पभू अगाढायमाणे पभृ?, गोयमा ! आढायमाणेवि पभू अणाढाय., माणेवि पभू । पभू णं भंते ! सक्ने देविंदे देवराया ईसाणं देविदं देवरायं सपक्खि सपडिदिसि समभिलोएत्तए जहा पादुन्भवणा तहा दोवि आलावगा नेयव्वा । पभू णं भंते ! सक्ने देविदे देवराया ईसाणेणं देविदेणं देवरन्ना सद्धि आलावं वा संला वा करेत्तए ?, हता! पभू जहा पादुन्भवणा। अत्थि णं भंते ! तेसि सक्रीसाणाणं देविदाणं देवराईणं किच्चाई करणिज्जाइं समुप्पज्जति ?, हंता ! अत्थि; से कहामिदाणिं पकरेंति ?, गोयमा ! ताहे चेव णं से सक्ने देविंदे देवराया ईसाणस्स देविंदस्स देवरन्नो अंतियं पाउन्भवति, ईसाणे णं देविदे देवराया सक्कस्स देविदस्स देवरायस्स अंतियं पाउन्भवइ, इति भो ! सक्का देविंदा देवराया दाहिणड्डलोगाहिवई, इति भो ! ईसाणा देविंदा देवराया उत्तरडुलोगाहिवई, इति भो ! इति भो त्ति ते अन्नमन्नस्स किच्चाई करणिज्जाइं पचणुभवमाणा विहरंति ॥ १३८ ॥ अस्थि णं भंते ! तेसि सक्रीसाणाणं देविदाणं देवराईणं विवादा समुप्पजति ?, हंता ! अत्थि । से कहमिदाणिं पकरेंति ?, गोयमा! ताहे चेव णं ते सक्कीसाणा देविंदा देवरायाणो सणकुमारं देविंदं देवरायं मणसीकरेंति, तए णं से सणंकुमारे देविंदे देवराया तेहिं सक्क्रीसाणेहिं देविदेहिं देवराईहि मणसीकए समाणे खिप्पामेव सक्रीसाणाणं देविंदाणं देवराईणं अंतिय पाउब्भवति, जं से वदइ तस्स आणाउववायवयणनिद्देसे चिट्ठति ॥ १३९ ॥ सर्णकुमारे णं भंते ! देविदे देवराया किं भवसिद्धिए अभवमिद्धिए सम्मदिट्टी मिच्छदिट्टी परित्तसंसारए अणंतससारए सुलभवोहिए दुलभवोहिए आराहए विराहए चरिमे अचरिमे १, गोयमा ! सणंकुमारे ण देविंद' देवराया भवसिद्धिए नो अभवसिद्धिए, एवं सम्मदिट्टी परित्तसंसारए सुलभवोहिए आराहए चरिमे पसत्यं नेयव्वं । से केणटेणं भंते ! ?, गोयमा ! सणकुमारे देविंदे देवराया वहग समणाणं वहणं समणीणं वहणं सावयागं वहणं सावियाणं हियकामए मुहकामए पत्थकामए आणुकंपिए निस्सेयसिए हियसुहनिस्सेसकामए, से तेणटेणं गोयमा । सगंकुमारे णं भवसिद्धिए जाव नो अचरिमे । सणंकुमारस्स णं भंते ! देविंदस्स देवरन्नो केवतियं कालं ठिती पन्नत्ता ?, गोयमा !
