________________
वि०प० स० २ उ० १०] सुनागमे
४३५ ताणं आभिणिवोहियनाणपज्जवागं एवं सुयनाणपज्जवाणं ओहिनाणपज्जवाणं मणपज्जवनाणप० केवलनाणप० मइअन्नाणप० सुयअन्नाणप० विभंगणाणपजवाणं चक्खुदंसणप० अचक्खुदंसर्णप० ओहिंदसणप० केवलदसणप० उवओगं गच्छइ, उवओगलक्खणे णं जीवे, से तेणढेणं एवं वुच्चइ-गोयमा! जीवे णं सउठाणे जाय वत्तव्वं सिया ॥ ११९ ॥ कतिविहे णं भंते ! आगासे पण्णत्ते ?, गोयमा ! दुविहे आगासे प०, तंजहा-लोयागासे य अलोयागासे य ॥ लोयागासे गं भंते ! कि जीवा जीवदेसा जीवपदेसा अजीवा अजीवदेसा अजीवपएसा ?, गोयमा ! जीवावि जीवदेसावि जीवपदेसावि अजीवावि अजीवदेसावि अजीवपदेसावि जे जीवा ते. नियमा एगिदिया वेंदिया तेइंदिया चउरिंदिया पंचेंदिया अणिंदिया, जे जीवदेसा ते नियमा एगिदियदेसा जाव आणिंदियदेसा, जे जीवपदेसा ते नियमा एगिदियपदेसा जाव अणिदियपदेसा, जे.अजीवा ते दुविहा पन्नत्ता, तंजहा-रूवी य अरूवी य, जे रूवी ते चउव्विहा पण्णत्ता, तंजहा-खंधा खंधदेसा 'खंधपदेसा परमाणुपोग्गला, जे असवी ते पंचविहा पण्णत्ता, तंजहा-धम्मत्यिकाए नो धम्मस्थिकायस्स देसे धम्मत्थिकायस्स पदेसा अधम्मत्थिकाए नो अधम्मत्यिकायस्स देसे अधम्मत्यिकायस्स पदेसा अद्धासमए ॥ १२० ॥ अलोगागासे णं भंते ! कि जीवा ? पुच्छा तह चेव, गोयमा ! नो जीवा जाव नो अजीवप्पएसा एगे अजीवदव्वदेसे अगुख्यलहुए अणंतेहिं अगुरुयलहुयगुणेहिं संजुत्ते सव्वागासे अणंतभागूणे ॥ १२१ ॥ धम्मत्यिकाए णं भंते ! कि (के) महालए पण्णत्ते ?, गोयमा । लोए लोयमेत्ते लोयप्पमाणे लोयफुडे लोयं चेव फुसित्ता णं चिट्ठइ, एवं अहम्मत्यिकाए लोयागासे जीवत्थिकाए पोग्गलत्यिकाए पंचवि एकाभिलावा ॥ १२२ ॥ अहेलोए णं भंते ! धम्मत्थिकायस्स केवइयं फुसति ?, गोयमा ! सातिरेगं अद्धं फुसति । तिरियलोए णं भंते ! पुच्छा, गोयमा ! असंखेज्जइभागं फुसइ । उडुलोए णं भंते ! पुच्छा, गोयमा ! देसूर्ण अद्ध फुसइ ॥ १२३ ॥ इमा णं भंते ! रयणप्पभापुढवी धम्मत्थिकायस्स किं संखेजइ. भार्ग फुसति ? असंखेजइभागं फुसइ ? संखिन भागे फुसति ? असंखेजे भागे फुसति ? सव्वं फुसति ?, गोयमा ! णो संखेज्जइभागं फुसति असंखेजइभागं फुसइ णो संखेजे णो असंखेजे नो सव्वं फुसति । इमीसे णं भंते ! रयणप्पभाए पुढवीए उवासंतरे घणोदही धम्मत्थिकायस्स पुच्छा, किं संखेजइभागं फुसति ? जहा रयणप्पभा तहा घणोदहिघणवायतणुवाया । इमीसे णं भंते ! रयणप्पभाए पुढवीए उवासंतरे धम्मत्यिकायस्स किं संखेजतिभागं फुसति असंखेजइभागं फुसइ जाव सव्वं फुसइ ?, गोयमा ! संखेजइभागं फुसइ णो असंखेजइभागं फुसई नो संखेने०
