________________
४३४
सुत्तागमे
[ भगवई "
नत्थि जाव निच्चे, भावओ अवण्णे अगंधे अरसे अफासे, गुणओ गमणगुणे । अहम्मत्थिकाएवि एवं चेव, नवरं गुणओ ठाणगुणे, आगासत्थिकाएवि एवं चेव, नवरं खेत्तओ णं आगासत्थिकाए लोयांलोयप्पमाणमेत्ते अणंते चेव जाव गुणओ अवगाहणागुणे । जीवत्थिकाए णं भंते! कतिवन्ने कतिगंधे कतिरसे कइफासे ?, गोयमा ! अवण्णे जाव अरुवी जीवे सासए अवट्ठिए लोगदव्वे, से समासओ पंचविहे पण्णत्ते, तंजहा - दव्वओ जाव गुणओ, दव्वओ णं जीवत्थिकाए अनंताई जीवदव्वाई, खेत्तओ लोगप्पमाणमेत्ते कालओ न कयाइ न आसि जाव निचे, भावओ पुण अवणे अगंधे अरसे अफासे, गुणओ उवओगगुणे । पोग्गलत्थिकाए णं भंते 1 कतिवण्णे कतिगंधे ० रसे० फासे ?, गोयमा ! पंचवण्णे पंचरसे दुगंधे अट्ठफासे रूवी अजीवे सासए अवट्टिए लोगदव्वे, से समासओ पंचविहे पण्णत्ते, तंजहा - दव्वओ खेत्तओ कालओ भावओ गुणओ, दव्वओ णं पोग्गलत्थिकाए अणंताई दव्वाई, खेत्तओ लोयप्पमाणमेत्ते, कालओ न कयाइ न आसि जाव निच्चे, भावओ वणमंते गंध० रस० फासमंते, गुणओ गहणगुणे ॥ ११७ ॥ एगे भंते । धम्मत्थिकायपदेसे धम्मत्थिकाएत्ति वत्तव्वं सिया ?, गोयमा ! णो इणट्ठे समट्ठे, एवं दोन्निवि तिन्निवि चत्तारि पंच छ सत्त अट्ठ नव दस संखेज्जा, असंखेज्जा भंते ! धम्मत्थिकायप्पएसा धम्मत्थिकाएत्ति वत्तव्वं सिया ?, गोयमा ! णो इणट्ठे समट्ठे, एगपदेसूणेवि यणं भंते ! धम्मत्थिकाए २ त्ति वत्तव्वं सिया ? णो तिणट्ठे समट्ठे, से केणद्वेगं भंते 1 एवं बुच्चइ ? - एगे धम्मत्थिकायपदेसे नो धम्मत्थिकाएत्ति वत्तव्वं सिया जाव एगपदेसूणेवि य णं धम्मत्थिकाए नो धम्मत्थिकाएत्ति, वत्तव्वं सिया ?, से नूगं गोयमा ! खंडे चक्ने सगळे चक्ने ?, भगवं ! नो खंडे चक्के सकले चक्के, एवं छत्ते चम्मे दंडे दूसे आउ पहे मोयए, से तेणट्टेणं गोयमा ! एवं बुच्चइ - एगे धम्मत्थिकायपदेसे नो धम्मत्थिकाएत्ति वत्तव्वं सिया जाव एगपदेसूणेवि य णं धम्मत्थिकाए नो धम्मत्थि - कात्ति वत्तव्वं सिया ॥ से किंखातिए णं भंते ! धम्मत्थिकाए त्ति वत्तं सिया ?, गोयमा ! असंखेज्जा धम्मत्थिकायपएसा ते सव्वे कसिणा पडिपुण्णा निरवसेसा एगगहणगहिया एस णं गोयमा ! धम्मत्थिकाएत्ति वत्तव्वं सिया, एवं अहम्मत्थिकावि, आगासत्थिकाएवि, जीवत्थिकायपोग्गलत्थिकायावि एवं चेव, नवरं तिण्हंपि पदेसा अनंता भाणियव्वा, सेसं तं चेव ॥ ११८ ॥ जीवे णं भंते! सट्टा सकम्मे सवले सवीरिए सपुरिसक्कारपरक्कमे आयभावेण जीवभावं उवदंसेतीति वत्तव्वं सिया ?, हंता गोयमा ! जीवे णं सउट्ठाणे जाव उवदंसेतीति वत्तव्त्रं सिया । से केणद्वेगं जाव वत्तव्वं सिया ?, गोयमा ! जीवे णं अणं
+
1
