________________
वि० १० स० २-उ० ५] सुत्तागमे
૪ ૨૨ गच्छामो णं देवाणुप्पिया ! धेरे भगवंते वंदामो नमंसामो जाव पञ्जुवासामो, एयं णं इह भवे वा परभवे वा जाव अणुगामियत्ताए भविस्सतीतिकटु अन्नमन्नस्स अंतिए एयमह पडिनुणेति २ जेणेव सयाई २ गिहाइं तेणेव उवागच्छंति २ ण्हाया सुद्धप्पावेसाई मंगलाई पत्याई पवराइं परिहिया अप्पमहग्घाभरणालंकियसरीरा सएहिं २ गेहेहितो पडिनिक्खमंति २ त्ता एगयओ मेलायति २ पायविहारचारेणं तुंगियाए नगरीए मझमज्झेणं णिग्गच्छंति २ जेणेव पुप्फवतीए उज्जाणे तेणेव उवागच्छंति २ धेरे भगवंते पंचविहेणं अभिगमेणं अभिगच्छंति, तंजहा-सचित्ताणं दवाणं विसरणयाए १ अचित्ताणं दवाणं अनिउसरणयाए २ एगसाडिएणं उत्तरासंगकरणेणं ३ चक्युप्फासे अंजलिप्परगहेणं ४ मणसो एगत्तीकरणेणं ५ जेणेव
थेरा भगवंतो तेणेव उवागच्छंति २ तिक्खुत्तो आयाहिणं पयाहिणं करेन्ति २ जाव तिविहाए पज्जुवासणाए पजुवासंति ॥ १०८ ॥ तए णं ते थेरा भगवंतो तेसिं समणोवासयाणं तीसे य महतिमहालियाए चाउज्जामं धम्म परिकहेंति जहा केसिसामिस्त जाव समणोवासियत्ताए आणाए आराहगे भवति जाव धम्मो कहिओ । • तए णं ते समणोवासया राणं भगवंताणं अतिए धम्मं सोचा निसम्म हट्ट तुठ्ठ जाव हयहियया तिक्खुत्तो आयाहिणप्पयाहिणं करेंति २ जाव तिविहाए पजुवासणाए पजुवासंति २ एवं वदासी-संजमे णं भंते ! किफले ? तवे णं भंते ! किफले ?, तए ण त थेरा भगवंतो ते समणोवासए एवं वदासी-संजमे णं अनो! अणण्हयफले तवे वोदाणफले, तए णं ते समणोवासया थेरे भगवंते एवं वदासी-जति णं भंते ! संजमे अणण्हयफले तवे वोदाणफले किंपत्तियं णं भंते ! देवा देवलोएसु उववज्जति, तत्य गं कालियपुत्ते नाम थेरे ते समणोवासए एवं वदासी-पुव्वतवेणं अजो! देवा देवलोएनु उववज्जति, तत्थ ण मेहिले नाम थेरे ते समणोवासए एवं वदासी-पुव्वसंजमेणं अजो! देवा देवलोएसु उववजंति, तत्थ णं आणंदरक्खिए णाम थेरे ते समणोवासए एवं वदासी-कम्मियाए अज्जो ! देवा देवलोएमु उववज्जति, तत्थ णं कासवे णाम थेरे ते समणोवासए एवं वदासी-संगियाए अज्जो। देवा देवलोएम उववजंति, पुव्वतवेणं पुन्वसंजमेणं कम्मियाए संगियाए अज्जो ! देवा देवलोएसु उववज्जति, सच्चे णं एस अढे नो चेव णं आयभाववत्तव्वयाए, तए णं ते समणोवासया थेरेहिं भगवंतेहि इमाइं एयारूवाई वागरणाई वांगरिया समांणा हट्टतुट्टा थेरे भगवंते वंदंति नमसंति २ पसिणाई पुच्छंति २ अट्ठाई उवादियंति २ उट्ठाइ उठेति २ थेरे भगवंते तिक्खुत्तो वंदंति णमंसंति २ थेराणं भगवं० अंतियाओ पुप्फवतियाओ उज्जाणाओ पंडिनिक्खमंति २ जामेव दिसिं
