________________
३८५
वि०प० स० १ उ० १] सुत्तागमे ४, छिजमाणे छिन्ने ५, भिन्जमाणे भिन्ने , दड्ड (डज्झ) माणे दड्ढे ७, मिजमाणे मए ८, निजरिजमाणे निजिन्ने ९, हंता गोयमा ! चलमाणे चलिए जाव णिज्जरिज्जमाणे णिजिण्णे ॥ एए गं भंते ! नव पया किं एगट्ठा णाणाघोसा नाणावंजणा उदाहु नाणट्टा नाणाघोसा नाणावंजणा ?, गोयमा ! चलमाणे चलिए १ उदीरिजमाणे उदीरिए २ वेइज्जमाणे वेइए ३ पहिंजमाणे पहीणे ४ ते एए णं चत्तारि पया एगट्ठा नाणाघोसा नाणावंजणा उप्पन्नपक्खस्स, छिज्जमाणे छिन्ने भिज्जमाणे भिन्ने दड-(डज्झ)-माणे दड्ढे मिजमाणे मडे निजरिजमाणे निजिण्णे एए णं पंच पया णाणहा नाणाघोसा नाणावंजणा विगयपक्खस्स ॥ ८॥ नेरइयाणं भंते ! केवइकालं ठिई पन्नत्ता ? गोयमा ! जहन्नेणं दस वाससहस्साई उक्कोसेणं तेत्तीसं सागरोवमाई ठिई प० १। नेरइयाण भंते ! केवइकालस्स आणमंति वा पाणमंति वा ऊससंति वा णीससंति वा ?, जहा ऊसासपए २ । नेरइया णं भंते आहारट्ठी ?, जहा पन्नवणाए पढमए आहारुद्देसए तहा भाणियव्वं ३ । ठिइ उस्सासाहारे किं वाऽऽहारेति ३६ सव्वओ वावि ३७ । कतिभागं ? ३८ सव्वाणि व ३९ कीस व भुजो परिणमंति? ४० ॥१॥९॥ नेरइयाणं भंते ! पुव्वाहारिया पोग्गला परिणया १? आहारिया आहारिजमाणा पोग्गला परिणया २१, अणाहारिया आहारिजिस्समाणा पोग्गला परिणया ३१, अणाहारिया अणाहारिजिस्समाणा पोग्गला परिणया ४१, गोयमा ! नेरइयाणं पुव्वाहारिया पोग्गला परिणया १, आहारिया आहारिजमाणा पोग्गला परिणया परिणमंति य २, अणाहारिया आहारिजिस्समाणा पोग्गला नो परिणया परिणमिस्संति ३, अणाहारिया अणाहारिजिस्समाणा पोग्गला नो परिणता णो परिणमिस्संति ४ ॥ १०॥ नेरइयाणं भंते ! पुव्वाहारिया पोग्गला चिया पुच्छा, जहा परिणया तहा चियावि, एवं चिया उवचिया उदीरिया वेइया निजिन्ना, गाहापरिणय चिया उवचिय उदीरिया वेइया य निजिन्ना। एकेकमि पदमि(मी) चटविहा पोग्गला होति ॥१॥ ११॥ नेरइयाण भंते ! कइविहा पोग्गला भिजति ?, गोयमा ! कम्मदव्ववग्गणमहिकिच्च दुविहा पोग्गला भिज्जति, तंजहा-अणू चेव बायरा चेव १ । नेरइयाणं भंते ! कतिविहा पोग्गला चिजति ?, गोयमा! आहारदव्ववग्गणमहिकिच्च दुविहा पोग्गला चिज्जति, तंजहा-अणूं चेव वायरा चेव २ । एवं उवचिजति ३ । नेर० क. पो. उदीरेंति ?, गोयमा ! कम्मदव्ववग्गणमहिकिच दुविहे पोग्गले उदीरेंति, तंजहा-अणूं चेव वायरा चेव, सेसावि एवं चेच भाणियन्वा, एवं वेदेति ५ निजरेंति ६ उयटिंसु ७ उव्वटेति ८ उव्वहिस्संति ९ संकामिमु १० संकामेति ११ संकामिस्संति १२ निहत्तिंसु १३ निहत्तेति १४ निह
२५ सुत्ता.
