________________
सुत्तागमे
३७६
[समवाए भाणियन्वो उव्वट्टणादंडओ य । नेरइया णं भंते ! जातिनामनिहत्ताउगं कति आगरिसेहिं पगरंति ? गोयमा ! सिय १ सिय २ सिय ३ सिय ४ सिय ५ सिय ६ सिय ७ सिय अहिं, नो चेव णं नवहिं । एवं सेसाण वि आउगाणि जाव वेमाणिय त्ति ॥ २४१ ॥ कइविहे णं भंते ! संघयणे पन्नत्ते ? गोयमा ! छबिहे संघयणे पन्नत्ते, तं जहा-वइरोसभनारायसंघयणे रिसभनारायसंघयणे नारायसंघयणे अद्धनारायसंघयणे कीलियासंघयणे छेवट्ठसंघयणे । नेरइया णं भंते ! किंसंघयणी ? गोयमा ! छण्हं संघयणाणं असंघयणी णेव अहिणेव छिरा व पहारू जे पोग्गला अणिठ्ठा अकंता अप्पिया अणाएजा असुभा अमणुण्णा अमणामा अमणाभिरामा ते तेसिं असंघयणत्ताए परिणमंति । असुरकुमाराणं भंते ! किंसंघयणा प० ? गोयमा! छण्हं संघयणाणं असंघयणी णेवट्ठी व छिरा णेव हारू जे पोग्गला इट्टा कंता पिया मणुण्णा मणामा मणाभिरामा ते तेसि असंघयणत्ताए परिणमंति, एवं जाव थणियकुमाराणं । पुढवीकाइया णं भंते ! किंसंघयणी प० ? गोयमा ! छेवट्ठसंघयणी प०, एवं जाव संमुच्छिमपंचिंदियतिरिक्खजोणिय त्ति । गब्भवतिया छव्विहसंघयणी, संमुच्छिममणुस्सा छेवट्ठसंघयणी, गम्भवनंतियमणुस्सा छव्विहे संघयणे प० । जहा असुरकुमारा तहा वाणमंतरजोइसियवेमाणिया य॥ २४२ ॥ कइविहे णं भंते ! संठाणे पन्नत्ते ? गोयमा छविहे संठाणे पन्नत्ते, तं जहा-समचउरंसे १ णिग्गोहपरिमंडले २ साइए ३ वामणे ४ खुजे ५ हुंडे ६ । रइया णं भंते ! किंसठाणी प० ? गोयमा ! हुंडसंठाणी-प० । असुरकुमारा णं भंते ! किंसंठाणी प० ? गोयमा ! समचउरंससंठाणसंठिया प०, एवं जाव थणियकुमारा । पुढवी मसूरसंठाणा प०, 'आऊ थिवुयसंठाणा प०, तेऊ सूइकलावसेठाणा प०, वाऊ पडागासंठाणा-प०, वणस्सई नाणासंठाणसंठिया प०, बेइंदियतेइंदियचउरिंदियसंमुच्छिमपंचेंदियतिरिक्खा हुंडसंठाणा प०, गब्भवतिया छव्विहसंठाणा प०, संमुच्छिममणुस्सा हुंडसंठाणसंठिया प०, गम्भवक्त्रंतियाणं मणुस्साणं छव्विहा संठाणा प० । जहा असुरकुमारा तहा वाणमंतरजोइसियवेमाणिया वि ॥ २४३ ॥ कइविहे गं भंते ! वेए पन्नत्ते ? गोयमा ! तिविहे वेए प०, तं जहा-इत्थीवेए पुरिसवेए नपुंसवेए। नेरइया णं-भंते ! कि इत्थीवेया पुरिसवेया णपुंसगवेया प०? गोयमा ! णो इत्थीवेए णो पुंवेए णपुंसगवेया प० । असुरकुमारा णं भंते ! किं इत्थीवेया पुरिसवेया नपुंसगवेया 2 गोयमा! इत्थीवेया पुरिसवेया णो णपुंसगवेया, जाव थणियकुमारा, पुढवी आऊ तेऊ वाऊ वणस्सई बितिचउरिदियसमुच्छिमपंचिंदियतिरिक्खसंमुच्छिममणुस्सा णपुंसगवेया, गन्भवतियमणुस्सा पंचिंदियतिरिया
